Yosue 9:1 - BII BILA

¹ Lɔ́ɔ́ masaa va Yurdɛn leeloo-a kpow a tuei maa Israɛlla cii Ai tɛɛmbuu-o, á va o pembei coo-a, á va o dɛngbɔɔ nin-nda a á va o mɛmma ihɛllan Mediteranee kɔngɔ-a, háá o pembon Liban coo, nda yɔŋnun yɛ Hitiia, Amoriia, Kanannda, Perisiia, Heviia a Yebusiia ni,

Yosue 9:1 Referans Kwoze

Kundalan 34:6

A kpengii paalen le del-le, mɛmma ihɛllan Mediteranee ma vanin pɛɛngulan ni.

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Yosue 3:10

Mɛɛ niaa sinanin maa Hala kiyɛiyo co niaa tɛɛn, maa ndu toawnin Kanannda, Hitiia, Heviia, Perisiia, Amoriia a Yebusiia niaa laci ni yɛ co hoo ni.

Fulaa 23:23

Kani mɛlɛkanɔ nuu vanin kɔlan niaa laci háá mo kɔ tiiya niaa o lɛŋnde Amoriia, Hitiia, Perisiia, Kanannda, Heviia a Yebusiia nin. Vanaa kan yɛ, i ciinin nda kpede.

Yosue 24:11

O kon mí la taŋ peo Yurdɛn, mí la tiiya Yeriko, mí Yerikoa, Amoriia, Perisiia, Kanannda, Hitiia, Kirkasiia, Hiviia a Yebusiia kpow a ciŋilan niaa a cɔwvo. Kɛ mí mal nda niaa o ba.

Yosue 23:4

La yiyan-ndɔ mɛɛ ya yɔngu niaa lɛŋii ken kɛ́ɔ o siondei malɔɔ mɛɛ polama niaan ma va yɛ́-yɛ́ yɛ. Kandɔɔ Yurdɛn o peelo kɔ bii háá o mɛmma ihɛlma bɛnduan a ba paalen le del-lo, lɛŋii ya handu baa coo-e a i ya hendu vɔ ba coo lei kpow i co nin le niaa.

Yosue 22:7

Mí Moise yɔngu yungula fula o polale tálále Manase len nin-ndan lɛŋnden Basan, mó yɔngu polale tálále diinndɔle Manase len lɛŋnden puapilɛa ndaa ikɛi, Yurdɛn leeloo a ba paalen le can-ndo. O kon mó dɔaw nda duaa, mó dimi aa: «La muungu o cɛila-kolala-toandaala niaalan nin a bolofaa bɛndu niaa sɔla-o: cɔlua, volion, sianion, daɲan, cilinndon a volɔɔla cuɛinanndan. La piɔvan ɲɛm niaa poondiaa yaamɔaa niaa o ba-on niaa puapilɛa niaa.»

Yosue 22:4

Pɛngi Mɛlɛka Hala niaa ndóò yiilu puapilɛa niaa kpemaa le nda yɔngoo-o, o cii nda ndu yɔngu. Lelan, la muungu niko o cɛila-kolala-toandaala niaalan nin, o lɛŋnde niaa sɔla len nin, le Moise vana baala Mɛlɛka-o yɔngu niaa Yurdɛn leeloo len pɛɛn.

Yosue 15:12

Mɛmma ihɛlma bɛnduma man ma va pɛɛngulan a ba paalen le del-lo ni. Nuaa lɛŋnde cɛila yɛ́-yɛ́la fula o polale Yuda len nin-ndan la sɔla len léè nɔ pɛɛngulan ni.

Yosue 13:5

Ma bii tàndá Kebaliia a tàndá Liban-ndo kpow a ba paalen le can-ndo, cɔnɔnndo Baal-Kad o pembei Hɛrmɔn tumndo, le kɔlan háá Lebo-Hamat,

Yosue 11:17

Kandɔɔ o pembii bil vil coo lei a ba pembei Seir a ba too, kɔlan Baal-Kad o bóllo Liban nin, kɔlan tiiyaa háá o pembei Hɛrmɔn bɛngu a ba luaŋ-ndo, mó bii masaa va o tàndàla lan nin-nda kpow, mó diw nda.

Yosue 10:23

Má kɔ soli nda mɛɛ o dimi yɛ, má cuu ndu nda. Masaa kan va haa ni: masa va Yerusalɛm-ndo, ó va Hebrɔn-ndo, hoo Yarmut, hoo Lakis a hoo Ɛklɔn.

Yosue 5:1

Lɔ́ɔ́ masaa Amoriaa va icali Yurdɛn leeloo a ba paalen le del-lo-a a masaa Kanaŋaa va icali o mɛmma ihɛllan kɔngɔ-a kpow a tuei maa Mɛlɛka veesiaa peo Yurdɛn Israɛlla laci háá ma taŋ-ndo, má vu diallon, a sɔla lɛ mayoomu le Israɛlla simullo le.

Yosue 3:17

Tuma Israɛlla kpow a va kon taŋɔɔ a pelon n'vesɛi sɛ́ɛ́n-ndo, vanaa-solia-lasálàá va kɔlan a kesu kpema Mɛlɛka-o-a va isisi Yurdɛn o peo kɔllo, lɛŋnden le vannun levesɛi sɛ́ɛ́n, a lo isisi lon háá mí vannda kpow a cuu taŋɔɔ.

Yosue 1:15

háá mì Mɛlɛka ke nda pɛngio mɛɛ o ke niaa pɛngio yɛ. Mì nda bɛɛ luɛi, mà kɔ cal o lɛŋnde Mɛlɛka Hala niaa yɔngu nda len nin. O kon, la muungu niko, la cal o lɛŋnde Moise vana baala Mɛlɛka-o ke niaa o peo Yurdɛn leeloo, a ba paalen le can-ndo len nin.»

Yosue 1:4

Kandɔɔ o lɛŋnde veselɛilen a ba too, kɔlan háá o pembon Liban a ba luaŋ-ndo, kɔ bii a pee bɛndoo Efrate a ba paalen le can-ndo, keiyo a lɛŋnde Hitiia kpow, kɔlan delɔɔ o mɛmma ihɛllan coo a ba paalen le del-lo, lɛŋnde niaalen le vanin nden ni.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Tɔŋ miingua 4:49

Ma hialu vɛlɛ dɛɛla bɛndoo Yurdɛn a ba paalen le can-ndo, kɔ bii a mɛmma hɛlii bɛnduan o pembei Piska bɛngu.»

Tɔŋ miingua 3:25

Lelan, a yandi, cɛl mì taŋ peo Yurdɛn le lɛŋnde kɛndɛle co leeloo lon-nden cɔu a lehɔl, le tàndá n'pembu kɛndɛ kon a lɛŋnde Liban-nden cɔu.›

Fulaa 34:11

Lelan, bii sɔɔn ya co nɔm hau dimullo-on kpáŋ. I co Kanannda, Amoriia, Hitiia, Perisiia, Heviia a Yebusiia tovɔɔ niaa laci.

Fulaa 23:31

I handunin pɛɛngula lɛŋnde niaalen cɔnɔnndo a mɛmma ihɛlma makpɛ̀ndɛ̀an, kɔ bii a mɛmma ihɛlma Filistia, kandɔnndo vɛlɛ a lɛŋnde veselɛilen Sinai, kɔ bii a pee bɛndoo Efrate. Kani i malnin vanaa co o tàndà kon nin-nda niaa o ba, mì la tow nda polon.

Kundalan 13:29

Amalɛkea co icali o tàndàá Nekɛv nin ni, Hitiia, Yebusiia a Amoriia co icali o tàndá pembun bɛndoo nin ni, Kanannda co icali o mɛmma ihɛllan Mediteranii holnɔnndo a o dɛɛla bɛndu balu Yurdɛn-ndo nin ni.»

Yosue 6:27

Mɛlɛka va Yosue ikɛi, mí Yosue fula tɔ́ɔ́ o lɛŋnden kpow coo.

Yosue 9:7

Kɛ mí Israɛlla mulul nda aa: «Bɔɔle naa macɛlu niaa co icali ni, vɛ̀ɛ̀ naa n yii yɛnin kpemaa naa niaa?»

Tɔŋ miingua 1:7

Lelan, la puusiaa dɔ́ɔ́ngɔ́ɔ̀ mì la kɔɛ laci. La kɔ o tàndá n'pembu Amoriia nin a o tàndàla balu lon-ndan kpow nin: dɛɛlala vesɛilan, pembon, dɛngbɛlan, tàndá co o mɛmma ihɛllan kɔngɔ-o, Nekɛv a o mɛnndan demullo. La luɛi o lɛŋnde Kanannda nin a o lɛŋnde Liban-nden nin háá o pee bɛndoo Efrate.

2Samiɛl 24:7

Má hiaw laci, má tiiya Tir, kobi va kon o kpakio nin-ndo pɛɛn, má kɔa vɛlɛ o kobila Hiviia a o kobila Kanannda kpow nin, má kɔ tiiya háá Bɛɛr-Seba a ba too, o tàndá Yuda-o nin.