Yosue 8:2 - BII BILA

² Tosa a kobi kon a masa ndɔɔ mɛɛ n tosa a kobio Yeriko a á masa ndɔɔ yɛ. Kɛ, nɔm a vanaa nɔmaa cɔwva, la tiwba mì la cua ɲɛm niaa poondiaanin o cɔwvo-on a cɔlua vanaa kan. A bɛnda ma miinguu yaŋɔɔlen a makɔɔ le kobi kon delɔɔ coo.»

Yosue 8:2 Referans Kwoze

Tɔŋ miingua 20:14

Kɛ mì la manda vanlaandua, cuaambɔa, cɔlua a bolofaa cɔw niaa komalnin o kobi kon nin-ndo kpow le niaa pila, mì la dɔwnun balo a bolofaa niaa hialunin yaamɔaa niaa o ba o cɔwvo-o, o Mɛlɛka Hala niaa yɔngunin niaa-o.

Talelan 13:22

Vana tosaa dɛnɛ kɛndɔɔ mèl cuavaa ndɔa imamaa kɛ́ ndɔɔ. Vana lahakio yɛ, le vana sandaa kɛ́ ndɔɔ co ni.

2Dɛnnda lemasalan 20:22

Telen nda kandu Mɛlɛka biiloo a condon-ndo, mí Mɛlɛka hiŋ Amɔnnda, Moabua a vanaa va icali o pembon coo-a hɔlla, áà hin kan le Yudaa delɔɔ coo a cɔwvo-a pɛɛn, mí nda pila muungu diuvanndo.

Yosue 6:21

Má diw vanaa va o kobi kon nin-nda kpow, vanpiaandua a vanlaandua, cɛlɛkpɛa a vanaa yuuvɛiya. Má diw vɛlɛ nawva, saa a sofɛlɛa.

Yeremi 51:12

La heelu tɔɔmasele cɔwvo le kpakio Babilɔn simullo! La cɔɔlu fondala cumulaalan hɔlten handɔɔ coo, la kɛsi kpalilla. La kɛsi vannda le cumullo! Kani Mɛlɛka nɔ tuuvo pum, nduyɛ sɔɛi o tuu a Babilɔnnda-e, mɛɛ mò peelu ndi.

Yeremi 17:11

Maa sɔɔ kuumbun o pelta o dow le lan coo-o vana co bolofaa sɔlaa o kafalan nin-ndo co ni. O tiiya pɛ o yoomu ndɔɔ tɛɛn, o mɛi bolofaa kalaa, o mɛɛlulan, o hiŋnun bollen.»

Talelan 28:20

Vana lo o lediom coo-o ndu sɔlanin duaa. Kɛ vana co lawvo le bolofaa keleŋaa sɔlaa-o, dɛnɛ palaa toalnin ndu coo le ken.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

2Dɛnnda lemasalan 13:13

Tuma kon, Yeroboam ndóò cii nin kunda vanaa cɔwva pum vionɔɔ le nda kiolɔɔ a makɔɔ. Tuma ndóò hinulnin Yudaa-o, vanaa kan bɛɛ ndáà fulal nda a makɔɔ.

Yosue 10:28

Paale pilɛle len, mí Yosue bii kobio Makeda, mó diw vanaa va lon-nda kpow a masa ndaa. Mó tɛɛmbuu nda kpow, o mɛi vana-vana yoomu le, mó tosa a masaa Makeda mɛɛ o tosa a hoo Yeriko yɛ.

Yosue 10:1

Mí Adoni-Sedɛk, masaa Yerusalɛm tuɛi maa Yosue bii kobio Ai, mó tɛɛmbuu ndu kpow, maa o cii tosa a kobi kalaa a á masa ndɔɔ mɛɛ o tosa a Yeriko a á masa ndɔɔ yɛ. Mó tuɛi vɛlɛ maa Kabaɔnnda yii kpema icanyaa nda Israɛlla, má cal latulu nda ndaa.

Yosue 8:24

Mɛɛ Israɛlla cii vannda Ai diw kpow o lɛŋnde veselɛilen nin nɛɛ ndáà ɲaanun nda kɔɔli-a, má muungu ciee, ma kɔ diw vanaa tɔ̀a a mɔɔn cɔwvon.

Yosue 8:19

Mɛɛ o siɛndi dɔ́ɔ́ baa, mí vanaa va mɛngɛlaa-a fula a kiltan nɛɛ nda va a viannannda-a, má luɛi ciee, má bii kobio, má loam ndu.

Yosue 8:14

Masaa Ai cɔu dɔ́ɔ́ Israɛlla idiiyo, mó can fɔ́ɔ́fɔ̀ a vanaa ndɔa cɔwva kpow le kɔlan nda cɔlɔbaa o fonda nda cɔlɔba nda o tasendɔ-o, a kpengii bóllo Araba. O ve bɛɛ sina maa vanaa celen va ndu mɛngɛlaa o kobio kɔɔli le.

Yosue 8:12

Mí Yosue cua vannda vàálan tan ŋuɛɛnu, mó kɛsi nda mɛngɛlaa Betɛl a Ai tɛɛn, Ai a ba paalen le del-lo pɛɛn.

Yosue 8:9

Mí Yosue viam nda, má kɔa o fonda ndáà bɛnda le kɔlan mɛngɛlaa-o. Má cal Betɛl a Ai tɛɛn, Ai a ba paalen le del-lo. Icɔl kon, mí Yosue lɔl vanaa cɔvaa tɔ̀a ikɛi.

Yosue 8:7

O kon niaa koma fula niko a makɔɔ, la bii kobio, kani Mɛlɛka Hala niaa cii ndu malɔɔ niaa o ba.

Tɔŋ miingua 3:2

O kon mí Mɛlɛka dimul-la aa: ‹Yɔŋ isiòòn a ndu le. Kani i mal ndu nɔm o ba a vanaa ndɔa cɔwva a lɛŋnde ndɔlen kpow. La co ndu nɔla mɛɛ niaa nɔla Sihon masa Amoriia, ó va icali Hɛsbɔn-ndo yɛ.›

Yosue 8:3

Mí Yosue can a vanaa ndɔa cɔwva kpow le kɔlan Ai delɔɔ coo a cɔwvo. Mó hɛli kuubaa cɔwva vaalan beleyaa, mó viam nda icɔllo.

Yosue 8:8

Te la bii dɔ́ɔ́ kobio pɛ, la mal ndu yin mɛɛ Mɛlɛka dimi yɛ. Ɲɛ ya dimul niaa le tosaa-o co kon ni.»

Tɔŋ miingua 2:35

Fɔ cɔlua a ɲɛm naa n bii o kobila naa n tɛɛmbuu lan nin-ndon naa n mɛi le naa pila ni.

Yosue 9:3

Mɛɛ vannda Kabaɔn bɛɛ a tuei mɛɛ Yosue tosa a kobio Yeriko a kobio Ai yɛ,

Yosue 11:14

Má cɔwviaa ɲɔɔn a cɔlua va o kobila lan nin-nda, kɛ má cii vanndacieea diw kpow, hali ɲɛ yoomaa o pilɛ a mɛi le.