Yosue 8:1 - BII BILA

¹ Mí Mɛlɛka dimul Yosue aa: «Siòòŋii bii nɔm te, vu n'dial te. Cua vanaa nɔmaa cɔwva kpow, mì la kɔ del kobio Ai coo a cɔwvo. Kani i cii kobi kalaa, masa ndɔɔ, vanaa ndɔa a lɛŋnde ndɔlen kpow malɔɔ nɔm o ba.

Yosue 8:1 Referans Kwoze

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Tɔŋ miingua 7:18

Kɛ siòòŋii bii niaa a nda le. La loonun-ndɔ a ɲɛ Mɛlɛka Hala niaa tosal masaa Esipte a lɛŋnde len kpow-vo.

Tɔŋ miingua 1:21

La tofa vɔ, Mɛlɛka Hala niaa mal lɛŋnden niaa o ba. Lelan, la kɔ mì la kɔ hiɔlu len mɛɛ Mɛlɛka, Hala fuɲaa niaa mamaa dimul niaa ndi yɛ. La yɔ́ŋ isiòòn te, la ɲííyà le.›

Yosue 6:2

Mí Mɛlɛka dimul Yosue aa: «Tofa vɔ, i mal kobio Yeriko, masa ndɔɔ a kuubaa cɔvaa co lon-nda nɔm o ba.

Tɔŋ miingua 31:8

Mɛlɛka pila vanin kɔlan niaa laci, ndu pila vanin niaa ikɛi. O faŋannin niaa ikɛi le, o melnin niaa le. Lelan, siòòŋii bii niaa le, la ɲííyà le.»

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Matie 8:26

Mó dimul nda aa: «Le yɛɛ niaa co yɛ a siòònde? Laalan niaa dɔɔnan dɛ!» O kon, mó can, mó kpaa hoeiye a mɛnndan, mí ɲɔɔ mei o lepilɔɔ doŋ.

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

Yeremi 46:27

Nɔm Yakɔb vana ni baalaa, siòòŋii bii nɔm te, vu n'dial te. I co nɔm baŋa mà fula lɛŋii leville o ba, mì cuavaa nɔmaa imamaa mal o lɛŋnde nda kɔɛ a nda len nin. Yakɔb muungunin mò kɔ cal nila ɲulu, vana ve lɛnin le ndu kpeeŋiaa le.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Condii lisai 44:3

A tow vanaa-mangalaa-isɔɔa o lɛŋnden coo le fuɲaa naa mamaa mingio o fonda ndaa. A diw vanaa-mangalaa-isɔɔa, le vanaa nɔmnda kuiyo vɛ́ɛ́lɛ̀-vɛ̀ɛ̀lɛ̀.

Condii lisai 27:1

Condii David-e. Mɛlɛka co ɲɛ-tengaa nuu a vana ciindiaa nuu ni, á nɛ̀ɛ́-nɛ̀ ya nɔ yɛnin siòònde? Mɛlɛka co yoomu nuu kandaa ni, á nɛ̀ɛ̀ ya buulan yɛnin?

Yosue 7:9

Kanannda a vanaa celeŋaa co o lɛŋnden nden nin-nda co sɔɛi he tueyɔ̀ɔ̀ mà mɔsɔŋian, mà hun tiila naa, mà cii naa o lepilɔɔ. Te i tosan yɛ pɛ lende, vɛ̀ɛ́ n yɔŋ yɛnin le diola nɔmnda bɛndulan?»

Yosue 10:7

Fɔ́ɔ́fɔ̀, mí Yosue can Kilkal, mó kɔa a vanaa ndɔa cɔwva a á kuubaa kpow.

Yosue 10:8

Mí Mɛlɛka dimul Yosue aa: «Siòòŋii bii nɔm a nda le, i cii nda malɔɔ nɔm o ba, o nda tɛɛn, vana pilɛ bɛɛ nɔlanin nɔm simullo le.»

Yeremi 49:3

Vannda Hɛsbɔn, la hiiliaa a mɔnɛi, kani Ai cuu itambu! La mɛli yeelan, niaa vanaa co o cieon balu Raba-on nin-nda. La vownun volɔɔla dɛnɛ palaalan, mì la soli condii biisiei, mì la va keiyo ba-ba fee o kolokololan, kani a co kɔlan a piɔmndo Molɛk o biyɔɔ nin a vanaa ndɔa solia lasálàá a simlacia ndɔa latulu kpow.

Tɔŋ miingua 7:21

La yɔŋ isiòòn mì la ɲiiya nda o hɔl te, kani Mɛlɛka Hala niaa, o co niaa tɛɛn-ndo, Hala bɛndoo a kpúlúnkùmaa o co ni.

Yosue 2:24

Má dimul ndu aa: «Mɛlɛka cii naa lɛŋnden nden kpow malɔɔ o ba, vanaa co o lɛŋnde len nin-nda kpow a vi vɛlɛ diallon a siòòŋii nɛi.»