Yosue 7:9 - BII BILA

⁹ Kanannda a vanaa celeŋaa co o lɛŋnden nden nin-nda co sɔɛi he tueyɔ̀ɔ̀ mà mɔsɔŋian, mà hun tiila naa, mà cii naa o lepilɔɔ. Te i tosan yɛ pɛ lende, vɛ̀ɛ́ n yɔŋ yɛnin le diola nɔmnda bɛndulan?»

Yosue 7:9 Referans Kwoze

Fulaa 32:12

Taa tɛɛmbuu nda pɛ, Esiptea co dimi aa ‹A yiyan vɔɔndo Hala ndaa soli nda Esipte ni, le nda kɔlan diwvo o lɛŋnde n'pembulen nin mì diola ndalan la faŋan o ceendo coo.› Lelan, ɲulul kɔl ma mal kpundɛ n tuu le vanaa nɔmnda tuisio coo-o.

Condii lisai 83:4

A co tuula vɔɔnndan le vanaa nɔmnda ciŋilanndo, má va vanaa n nɔ baa coo-a dúmbóó yiiyo.

Nsaŋ 12:28

Pua, cɔm vannda biilu diola nɔmndan.» O kon, mí diomndo pum soaa o halataala aa: «I cii nihau biilu ndɔɔ cɔm, la sɔlanin vɛlɛ biiloo.»

Yɔɛl 2:17

Vanaa-solia-lasálàá co Mɛlɛka baalaa tosallo-a bɛnda mà sim o tongo-sɛmtɔɔ a fonda-loamaa-lasálàá tɛɛn mà caŋ taw. Mà piɛi nuaa aa: «Éé Mɛlɛka! Tuinin vanaa nɔmnda iɲíí, yandi. Tuisì vanaa co kɛ́ nɔmndo-a siɛmbulan te, yɔŋii vanaa-mangalaa-isɔɔa mam nda. Vɛ̀ɛ̀ ma tosa mì vannda ɲuna vanaa súúla celennda tɛɛn aa: ‹Kuɛɛ nɛ Hala ndaa co yɛ?›»

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Tɔŋ miingua 9:28

yɔŋii vanaa co o lɛŋnde naa n faŋan nin-nden nin-nda dimi aa: Mɛlɛka ndóò nɔla nda lueiyo o lɛŋnde o yiilu nda kpemaa len nin te. Nɛyɔn ndaa ndóò nɔ ni, lelan o faŋa nda nanu le kɔlan nda diwvo o lɛŋnde veselɛilen nin ni.

Kundalan 14:13

Mí Moise mulul Mɛlɛka aa: «Esiptea sina maa nɔm Mɛlɛka soli vannda ha nda tɛɛn a kpaaya nɔmndo ni,

Yosue 7:8

Éé Maalii! Mɛɛ Israɛlla ɲaanun yaamɔaa ndaa nuaa yɛ, yɛɛ ya dimi yɛnin kpeekpei?

Yosue 7:10

Mí Mɛlɛka dimul Yosue aa: «Cɔn lɛŋ! Le yɛɛ nɛ n del-lɛ o kuumbuan o kɔl coo?

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

Condii lisai 48:10

Òó Hala, n co kɔllo keelaa o vanakɛndɛyɛi nɔmnde coo, o Cɛi nɔmndo nin.

Condii lisai 79:9

Sɔɔnguu ma mala naa, Hala vana ciindiaa naa, haliko mì bɛɛlen le kennun nɔm. Báŋá naa ma mal naa haki le hakila naalan, haliko mì diola nɔmndan la kela tɔ́ɔ́.

Condii lisai 83:5

A co dimio aa: «N kɔnnun, n kɔ ciinun vanaa-mangalaa-isɔɔa ha, o kon, vana loonun ndɛnin a diola Israɛlla o kɔɔ le.»

Condii lisai 115:1

Éé Mɛlɛka! O co naa le, o co naa le biiloo bɛnda le, kɛ nɔm pilɛ kpé, le kaola nɔmndo a le kɛndɛi nɔmnde.

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.