Yosue 7:7 - BII BILA

⁷ Mí Yosue dimi aa: «Éé Maalii, Mɛlɛka! Le yɛɛ nɛ n tɛɛnguu yɛ naa peo Yurdɛn le naa hunɔɔ malɔɔ Amoriia o ba mà diw naa? Ndóò va fisa mí naa n lonnún Yurdɛn leeloo.

Yosue 7:7 Referans Kwoze

Hebreea 12:5

Vɛ̀ɛ̀ la pɔɛɛnun sɔɔn Hala dimul niaa le niaa yoomuan lueiyo maa cuavaa ndɔ-on? «Po nuu, Mɛlɛka saangiaa nɔm pɛ le dɛnɛ vɔɔn n tosa-o, ca sɔɛi ken sɔɛi taanin te. Te o soo pɛ nɔm, vu n'dial te.

2Masaa 3:10

Mí masaa Israɛl dimi aa: «Mbɔ̀ hee kendu a naa! Mɛlɛka veelu naa nanu naa masaa yáá-a ha le naa malɔɔ Moabua o ba nuaa ni.»

Matie 17:20

Mí Yeesu mulul nda aa: «Kani la nɔ laalan bɔɔ le. I co niaa toɲaa dimul, niáà nɔ pɛ laalanndo maa kulii mutarde, niáà nɔla mi niáà dimul pembei he aa: ‹Faŋan o fondaa ho, mà kɔɛ o nda›, mì ndíì faŋan. Ɲɛ-ɲɛ niáà bumbanin tosa le.

Matie 17:17

Mí Yeesu muli aa: «Éé, niaa vanaa nila kalua a vanaa laasiannda ha! Háá telen kuɛɛ nɛ ya lo yɛnin niaa ikɛi? Vɛ̀ɛ̀ kpɛ́ ya lo yɛnin biwnɔnndo a niaa? La cuu ya ndu nanu.»

Condii lisai 116:11

I va o sangaa nin mí dimi aa: «Vannda kpow, còòlan nda dimi ni.»

Kundalan 14:3

Le kɔlɔ yɛɛ Mɛlɛka co yɛ naa yɔɔ ho o lɛŋnden nden nin le kɔlan piɔ́mndo sɔlaa o mɔɛi cɔwve bɛngu, mì yaamɔaa naa kɔ poondiaa laandaa naa a hɔ́aa naa? O co fisa le naa mì n muungun Esipte le?»

Fulaa 17:3

Mɛɛ kolɔɔ bii nda tei, má koŋul a Moise o sondo, má dimi aa: «Le kɔlɔ yɛɛ nɛ n faŋa yɛ naa o lɛŋnde Esipte len nin? Bàà a yeema mì n cuu vu nanu a bolola vesɛilan naa cuavaa naa a cɔlua naa kpow?»

Fulaa 16:3

Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

Kundalan 14:16

‹Mɛlɛka ndóò tiwba le vannda ha lueiyo o lɛŋnde o yiilu nda kpemaa mó mɛnan-nden nin te, lelan o kei nda bololan kili o lɛŋnde veseleilen nin nuaa ni.›

Yosue 7:6

O kon mí Yosue sɛɛsian volɔɔlan lekɔɔ, mó del o kuumbuan lɛŋ kesu kpemaa o hɔl, mó lo lende háá icɔllo, má vownun cundoo o lebol nda kaasoŋaa kɔlkalua Israɛlla kpow.

Yosue 7:8

Éé Maalii! Mɛɛ Israɛlla ɲaanun yaamɔaa ndaa nuaa yɛ, yɛɛ ya dimi yɛnin kpeekpei?

Masaa kialaa n'yamaa 20:23

O kon, mí vanaa cɔwva Israɛl sɔla vɛlɛ yoomuma sɛnɛi, má bɛɛndian, má kɔ ciŋilan nda nɛɛ ndáà ciŋilan nda o tasendɔ-a.

1Samiɛl 4:3

Lɔ́ɔ́ vanaa lo yoomu-a muungu o dɔ́ɔ́ngɔ́ɔ̀ nin-ndo, mí kaasoŋaa kɔlkalua Israɛlla va ɲuunianndo aa: «Le kɔlɔ yɛɛ nɛ Mɛlɛka cɛl-lɛ mí Filistia diw naa hau nuaa? Hee ndi, n kɔnnun ndɔ Silo mì n kɔ cuannun kesu kpema Mɛlɛka-o, mò hun va naa tɛɛn, mò baŋa naa yaamɔaa naa o ba.»