Yosue 7:2 - BII BILA

² A lo Yeriko, mí Yosue viam langbaa pum, má kɔa Ai co Bɛt-Avɛn ikɛi-yo, Betɛl a ba paalen le can-ndo, le lɛŋnden fɛfɛlaa. Mó dimul nda aa: «La kɔ mì la fɛfɛla lɛŋnden.» O kon, mí langbaa kan kɔa, má mɛɛndian Ai.

Yosue 7:2 Referans Kwoze

Yosue 18:12

Pɛɛngula ndalan a maluaŋ la va lan ni: cɔnɔnndo Yurdɛn, helɔɔ Yeriko a maluaŋ, hiovɔɔ o tàndá n'pemboo a ba paalen le del-lo, kɔlan tiiyaa háá o lɛŋnde veselɛilen Bɛt-Avɛn.

Osee 4:15

Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

1Samiɛl 14:23

Nuaa Mɛlɛka mala Israɛlla paale len ni, má nɔla Filistia, má lo cɔwvo háá má kɔ hiaw Bɛt-Avɛn.

1Samiɛl 13:5

Mí Filistia bɛɛ cuungian le Israɛlla cɔlɔbaa. Ndáà nɔ ɲɛla ɲaanannda soa nan-ndan vaalan beleyaa, vanaa ɲaanun o soa coo-a vàálan tan ŋɔmpum a vanaa cɔwva sɛ́lɛ́ bɛndoo mɛɛ sióónndon và o mɛmma ihɛllan kɔngɔ nuaa yɛ. Má hun kila dɔ́ɔ́ngɔ́ ndaa Mikmas, Bɛt-Avɛn, a ba paalen le can-ndo.

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Talelan 24:6

Le kɔlan o cɔwvo, cal fɔlɔn ma tuu ɲɛkɛndɛi mɛɛ n kɔanin a sɔɔn yɛ. Vana nɔ pɛ vanaa silaa sɛ́lɛ́, a nɔla yaamɔɔa o cɔwvo.

Talelan 20:18

O kɔlkalulan kenanndon tuula la bɛndà ni. Le kɔlan o cɔwvo, cal fɔlɔn ma tuu ɲɛkɛndɛi mɛɛ n kɔanin a sɔɔn yɛ.

O Kandɔɔ 12:8

Mó faŋan o fonda kon, mó kɔa o lɛŋnde n'pembulen nin, Betɛl a ba paalen le can-ndo, mó kila dɔ́ɔ́ngɔ́ ndɔɔ Betɛl a Ai tɛɛn. Betɛl va a kpengii paalen le del-le, Ai va a kpengii le can-nde. Lon bɛɛ, mó cɔaw fonda-loamaa-lasálàá le Mɛlɛka, mó piɛi Mɛlɛka lon.

Efɛsea 5:15

Lelan, la caa taw a niinu niaa. La va lɛ maa n'diɔm te, kɛ la va vanaa kɔlkalua.

Nehemi 11:31

Mí yungula poaa Bɛnyamɛn-nda kila calta ndalan kandɔɔ Keba, Mikmas, Aya a Betɛl a cieon balu mun-ndon,

Yosue 12:9

Masaa Yosue nɔla-a va masaa va o kobilan ndan nin-nda ni: masaa Yeriko, masaa va Ai co Betɛl ikɛi-yo-o,

Yosue 2:1

A lo Sitim, mí Yosue, po Nun-ndo viam langbaa pum nda ŋiɔn o vionnɔnndo nin, le kɔlan lɛŋnden a kobio Yeriko fɛfɛlaa. Ndáà kɔlan, má kɔ luɛi o yiya o vanalanɔ suundɛiyo pum ndo cɛinin, diolan ndu Rahab. Má lɔl lon.

O Kandɔɔ 28:19

Mó ke fonda kon diolan aa Betɛl (kon co dimio ni aa «Cɛi-Hala-o»). Paandu, nuaa fonda kon ndóò nɔ diolan ni aa Lus.

Yosue 7:3

Ndáà muungoo Yosue o ibuŋ, má dimul ndu aa: «Vannda kpow héélù le Ai cɔlɔbaa le. N'van vàála tiɔn, te kon te vàála yaa bɛɛ a tìw. Kani vanaa co lon-nda co sɛ́lɛ́ le, hali mì vana saangiaa vanaa naa cɔwva le.»

1Samiɛl 30:27

Mó yoo kaasoŋaa kɔlkalua Betɛl, kaasoŋaa kɔlkalua Ramɔt a ba too, kaasoŋaa kɔlkalua Yatir,

Yeremi 49:3

Vannda Hɛsbɔn, la hiiliaa a mɔnɛi, kani Ai cuu itambu! La mɛli yeelan, niaa vanaa co o cieon balu Raba-on nin-nda. La vownun volɔɔla dɛnɛ palaalan, mì la soli condii biisiei, mì la va keiyo ba-ba fee o kolokololan, kani a co kɔlan a piɔmndo Molɛk o biyɔɔ nin a vanaa ndɔa solia lasálàá a simlacia ndɔa latulu kpow.

1Masaa 12:29

Mó kɛsi navaa n'siania kan o pilɛ Betɛl o pilɔɔ Dan.

Esai 10:28

Má cè nda hunɔɔ! A co kobio Ayat kuello! A kei Mikrɔn ma mɛi volɔɔla ndalan Mikmas.