Yosue 7:1 - BII BILA

¹ Mí Israɛlla tosa dɛnɛ vɔɔn bɛndoo o ɲɛm siŋnun teengen le Mɛlɛka-on cuaa nin. Mí langbanɔ pilɛ, diolan Akan, po Karmi-o, Karmi kon po Sabdi-o o va ni, Sabdi kon po Sera-o o va ni, fulaa o polale Yuda len nin cua ɲɛm mun n'pum. Le hee, mí Mɛlɛka tuulu kɔl a Israɛlla.

Yosue 7:1 Referans Kwoze

Yosue 22:20

Lɔ́ɔ́ Akan po Sera-o tɛɛmbuu tɔŋndo, mó cua ɲɛm Mɛlɛka ndóò kuuna le cuaa-on-ndo, vɛ̀ɛ̀ o co sɛ́lɛ́ Israɛlla kpow le kɔltuw Mɛlɛka-o ndóò tol coo le? O co dɔ́ɔ́ ndu pilɛ kpé le vi le dɛnɛ ndɔ vɔɔndo le.»

Vana Kɔlkaloo 9:18

Kɔlkaloo co fisa a ɲɛm cɔwvon. Vana nɔ taasi loo tiwba mò tɛɛmbuu ɲɔɔn taw.»

1Dɛnnda lemasalan 21:7

Mí dɛnɛ kon nɛinun Hala. O kon, mó saangiaa Israɛlla.

Yosue 22:18

Sisa, la co Mɛlɛka kɔɔ mulullo. Te la simul ndu pɛ hau, mɛɛ siɔdii, a sɛ́lɛ́ Israɛlla kpow o co hunɔɔ kɔllo tuulu ni.

Yosue 22:16

sɔɔn Israɛlaa tɔ̀a kpow dimi-on aa: «Le yɛɛ niaa kɛɛ yɛ lo o lediom coo a Hala Israɛlla? Le kɔlɔ yɛɛ nɛ niaa mulul lɛ ndu Mɛlɛka hau kɔɔ, mí la tangul fonda-loamaa-lasálàá le ndu simullo?

Yonas 1:7

Mí vanaa tɛɛngaa dimulan vellaa-velle aa: «N malnun siondei, le vana co naa dɛnɛ palaa ho tuisio coo-o sinaa.» Má mal siondei, mí sionnden le bii Yonas.

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

2Dɛnnda lemasalan 24:18

Má mulul Cɛi-Mɛlɛka Hala fuɲaa ndaa mamaa kɔɔ, má muungu yɔmii soolɛi a piɔmnda sooloo. Le hee, mí kɔltuw Hala-o toal vanaa va o tàndá Yuda-o nin-nda a á vanaa va Yerusalɛm-nda coo.

2Samiɛl 24:1

Tuma pum, mí Mɛlɛka tuulu vɛlɛ kɔl taw a Israɛlla, mó luei David yiyanndo nin le Israɛlla dɛnɛ bɛnda loo tosallo, mó dimul ndu aa: «Kɔ mà kɔ cɔm Israɛlla a Yudaa tɛ́kpɛ́-tɛ́kpɛ́, mà sɛva nda diolan.»

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Tɔŋ lasálàá 10:6

O kon, mí Moise dimul Aarɔn nda poaa ndɔa ŋiɔnda pilɛa, Eleasar nda Itamar pɛɛn aa: «La tiimbùù yiinde niaa o lebol te, la sɛɛsiàà volɔɔla niaala cuɛinanndan le biisi komal niaa-o le, yɔŋii niaa pila bɛɛ sɔla piɔ́mndo, mì la tuisi vɛlɛ kɔltuw Mɛlɛka-o vanaa tɔ̀a kpow coo. Vanaa bɛnda mà caŋ poaa langbaa Mɛlɛka tɛɛmbuu haa a yinnden-nda-a, nda co Israɛlla ni, puapilɛa niaa pɛɛn.

2Masaa 5:24

Ndáà tiiyaa Ofɛl, mí Kehasi bii nda volɔɔla lan o ba, mó luei lan o ndu lo cɛinin, mó mingi vanaa liila ndu kan-nda, má kɔannun.

O Kandɔɔ 34:27

Mí poaa tɔ̀a Yakɔb-a hun siow vanaa va piɔ́mndo-a tɛ̀i, má yunga cieo le bɛ̀ɛ̀la ndáà cii yema nda lan.

SƐBƐ YƆB-O 35:8

Vanndacieea maa nɔm pila kon kɔlvesɛi nɔmndo nɔla ni. Sandii nɔmnde bɛɛ, vanndacieea koni i nɛŋi mako ni.