Yosue 5:1 - BII BILA

¹ Lɔ́ɔ́ masaa Amoriaa va icali Yurdɛn leeloo a ba paalen le del-lo-a a masaa Kanaŋaa va icali o mɛmma ihɛllan kɔngɔ-a kpow a tuei maa Mɛlɛka veesiaa peo Yurdɛn Israɛlla laci háá ma taŋ-ndo, má vu diallon, a sɔla lɛ mayoomu le Israɛlla simullo le.

Yosue 5:1 Referans Kwoze

Kundalan 13:29

Amalɛkea co icali o tàndàá Nekɛv nin ni, Hitiia, Yebusiia a Amoriia co icali o tàndá pembun bɛndoo nin ni, Kanannda co icali o mɛmma ihɛllan Mediteranii holnɔnndo a o dɛɛla bɛndu balu Yurdɛn-ndo nin ni.»

1Masaa 10:5

ɲɛdiaa va dionnɔnndo o Salomɔn ndo cɛinin-ndo, cɛila vanaa ndɔa baalaa va nin-ndan, volɔɔla va vanaa va mɔiyan toosiaa le ndu yɔngoo-a ndáà nɔ lekɔɔ lan a sálàla loamaala ndóò soli o Cɛi-Mɛlɛka-o nin-ndan kpede, mó hilul.

Dɛnnda cɔɔmuanndan 18:10

A simnin kɔɔli-kɔɔli a siòòŋii dɛnɛ palaa ndɔɔ, mà dimi aa: «Kpòkóó! Má cè dɛnɛ dɛ́! Éé Babilɔn, nɔm kobi bɛndu kpaayaa ho! O lɛɛlɔɔ ndu pilɛ kpé bɛngu yamɛi nɔmnde kiolu ni!»

Amɔs 2:9

Nduyɛ, nda o hɔl ya diw Amoriia ni, Amoriaa kan ndáà bandu maa yɔmii sɛɛdre, ndáà nɔ yoomuan maa iyálán. Kɛ mí tɛɛmbuu kɔmnde ndalen coocoo a puundun ndan lɛŋ.

Daniɛl 5:6

Mí siòònde bii ndu taw háá mí hɔlaa ndɔa mangalan. Mí yiyannda ndɔlan la laasian, mí boondun caŋaa ndɔa n yɔɔlian, mí vulan la ɲiiya ndu nákà-nàkà.

Esekiɛl 21:7

‹Po vanacieo sei, muli hɔlla a kpengii Yerusalɛm-nde, má tɛɛnguu diom Hala-o a tambii sooluula ndalan la tambunin-nde o kɔɔ!›

Esekiɛl 16:3

Dimi aa nuaa Maalii, o co Mɛlɛka-o dimul nɔm Yerusalɛm ni aa: ‹O lɛŋnde Kanaan-nden nin n kandun ni, lenin n velun ni, Amoriinɔɔ fuɲa nɔm va ni, kala nɔm yɛ Hitiinɔɔ ndu va ni.

Condii lisai 135:11

Sihon masa Amoriia, Ɔk va masaa Basan-ndo a masaa va Kanaan-nda kpow.

Ɛsdras 9:1

«Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.

2Samiɛl 21:2

O kon mí masaa veelu Kabaɔnnda, mó soaa o nda lo. Kabaɔnnda ve cuavaa Israɛl te, o Amoriia tɔ̀a lo yoomu-a nin ndáà fula ni. Mí Israɛlla ndáà yiilu nda paandu kpemaa maa ndáà yɔŋnin nda ɲɛ-ɲɛ le. Kɛ mí Saul va kindinndo le nda ciiyo le kaola bɛndu ndóò kaola Israɛlla a Yudaa-o.

1Samiɛl 25:37

Kɛ paalen siɔu, mí mɔiyan ma kiolu Nabal o hɔl, mí laa ndɔ downun ndu niko kona. Mí kɔllo laasian ndu nin, mí diallon vu ndu.

Masaa kialaa n'yamaa 11:23

Mɛlɛka Hala Israɛlla pila cɛl naa vanaa ndɔa, mí n hialu lɛŋnde Amoriia ni. Yéè len nɔm yeema le naa poondaa o ba ni?

Masaa kialaa n'yamaa 4:2

Mí Mɛlɛka mal nda Yabin o ba, masa Kanannɔ va icali Hatsɔr-o. Vana va vanaa ndɔa cɔwva bollen-ndo va Sisera ni, Harosɛt-Koyim calta ndɔlan la va ni.

Masaa kialaa n'yamaa 3:3

Vanaa-mangalaa-isɔaa kan va haa ni: simlacia ŋuɛɛnua Filistia, Kanannda kpow, Sidɔnnda a Heviaa va o tàndá n'pemboo Liban nin-nda, cɔnɔnndo o pembei Baal-Hɛrmɔn kɔlan tiiyaa háá le luɛyɔɔ Hamat.

Masaa kialaa n'yamaa 1:1

Biisi Yosue-o cuvɔɔ, mí Israɛlla ɲuna Mɛlɛka aa: «O naa tɛɛn, ɔ́ɔ̀ vanaa tasea kɔanin mà kɔ del Kanannda coo a cɔwvo-a?»

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

Yosue 17:18

kɛ la sɔlanin vɛlɛ tàndá n'pemboo. Hali o co bɛɛ bundɔɔ lende, la fɛɛya ndu. Nɛɛ niaa mɛɛlunin-nda vanin pɛɛngulan le niaa ni. Hiovɔɔ o kon coo, la co hunɔɔ Kanannda tovɔɔ, hali a nɔ bɛɛ ɲɛla ɲaanannda n'cilinndan a kpaayaa nuaa taw.»

Yosue 17:12

Kɛ poaa Manase-a nɔla Kanannda tovɔɔ le, lelan Kanannda lo icali o lɛŋnde len nin ni.

Fulaa 23:28

I co sunbungaa yɔɔ niaa laci, mà kɔ tow Heviia, Kanannda a Hitiia.

O Kandɔɔ 48:22

Ya yɛ, i yɔngu nɔm kunda kɛ́ɔ o pilɛ hiovɔɔ puapilɛa nɔmnda coo: i yɔngu nɔm tàndàá Sikɛm, o ya puu Amoriia o ba a kpaaya mɔɛi nii cɔwve a kpaasiaa nuu-o pɛɛn.»

O Kandɔɔ 12:6

mí Abram kei o lɛŋnden tɛɛn, mó kɔa háá o fonda nɔ diolan aa Sikɛm-ndo, má tiiya nɛɛ yálán Mamre-o va-a. Telen kon, Kanannda va icali o lɛŋnde len nin.

Esai 41:5

Lɛŋii co o mɛnndan kɔngɔ-e ce ndu mí i va ɲiiyaa a siòònde. Vanaa co lɛŋnde mɛɛlu-a co ɲiiyaa, a co sɔɔnguuo macɛlu, a co hunɔɔ.

Yosue 3:16

mí mɛmma va cɔnɔnndo a ba luaŋ-ndo-an ma sim, mí ma cuungian nɛɛ pilɛ nɛɛ levil o kobio Adam ikɛi, o co Sartan ikɛi-yo pɛɛn. Mí ma va tuusoo-an man ma va kɔlan delɔɔ o mɛmma va o bóllo Araba nin-ndan coo, mɛmma hɛlii bɛnduan pɛɛn, mí ma kiolu kpali. O kon mí Israɛlla taŋ Yurdɛn o kobio Yeriko hɔl-ndɔ.

Yosue 3:17

Tuma Israɛlla kpow a va kon taŋɔɔ a pelon n'vesɛi sɛ́ɛ́n-ndo, vanaa-solia-lasálàá va kɔlan a kesu kpema Mɛlɛka-o-a va isisi Yurdɛn o peo kɔllo, lɛŋnden le vannun levesɛi sɛ́ɛ́n, a lo isisi lon háá mí vannda kpow a cuu taŋɔɔ.