Yosue 4:7 - BII BILA

⁷ La mulul nda aa: ‹Lɔ́ɔ́ kesu kpema Mɛlɛka-o va Yurdɛn taŋɔɔ-o, mí mɛnndan ma kiolu tɛɛn ndu laci, mí ma sɛyan. Powtan ndan la co ɲɛ loonanndo le Israɛlla le fɛɛn a fɛɛn ni.›»

Yosue 4:7 Referans Kwoze

Fulaa 12:14

Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la tosa kafo bɛndoo le ya Mɛlɛka biiloo, haliko mi la va loonɔnndo a dɛnɛ kon o kɔɔ.»

Condii lisai 111:4

Mɛlɛka yeema mì n va dɛnnda kaamaala ndɔlan loonɔnndo. O nɔ kɛndɛi, o nɔ vɛlɛ ɲííye.

Fulaa 28:12

Ma hol tan o kolala n'pɛngɛla kei o congúlan coo lan. Powta lan ya vanin cɔu ni mì va loonɔnndo a poaa Israɛl-la. Kani Aarɔn vanin hunɔɔ ya Mɛlɛka o hɔl a diola lan o congúla ndɔlan coo, mì va loonɔnndo lɔ́ɔ́-lɔ́ɔ̀ a nda.

1Korɛntea 11:24

mɛɛ o cii balikaa malɔɔ, mó yimiyimi ndu, mó dimi aa: «Dialun nun co mun ni, n yɔngun le niaa-on. La va hoo tosaa le loonɔnndo a ya o kɔɔ.»

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Yosue 4:6

Lan la vanin tɔɔmaseloo le niaa ni. O kon, te poaa niaa ɲuna niaa siɔdii laci pɛ aa: ‹Kɔlɔ yɛɛ powtan ndan la nɔ yɛ le niaa?›

Fulaa 30:16

Nɔm Moise, ma bii ɲɛ-sɔlaa kon Israɛlla o laba le yoomula ndalan baŋaa, ma yɔngu ndu le baala cɛi-kola-toandaa-labɔɔŋianndo. Kon tosanin ni mì va loonɔnndo maa vana-vana mal muloo, mò baŋa yoomu ndɔɔ.»

Kundalan 17:5

Ciliŋun mun yɔngu Israɛlla yiyanndo ni maa vana-vana co o polale Aarɔn-nden nin te, o bɛnda mò sɔɔnguu le ansan lomɔɔ Mɛlɛka o hɔl te, yɔŋii dɛnɛ palaa tol ndu coo maa Kore nda vanaa va ndu kɔɔli-a mɛɛ Mɛlɛka dimi a sondo Moise-o yɛ.

Tɔŋ miingua 16:3

La bɛnda mì la de ɲɛdiaa sálà kon a bulu toosian a lɛvɛnndo-o latulu le. O palɛi ndii ŋɔmmɛw bɛngu, la bɛndu mi la va bulu toosian a lɛvɛn too dioo. Bulu imɔnɔ kon vanin niaa yiyalanndo ni maa a kiltan niaa fula o lɛŋnde Esipte len nin ni. O kon, le fɛɛn a fɛɛn, la vanin loonɔnndo a paale niaa faŋan Esipte len.