Yosue 4:6 - BII BILA

⁶ Lan la vanin tɔɔmaseloo le niaa ni. O kon, te poaa niaa ɲuna niaa siɔdii laci pɛ aa: ‹Kɔlɔ yɛɛ powtan ndan la nɔ yɛ le niaa?›

Yosue 4:6 Referans Kwoze

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Yosue 4:21

O kon kɔɔli, mó dimul Israɛlla aa: «Te poaa niaa ɲuna pɛ niaa siɔdii laci aa: ‹Kɔlɔ yɛɛ powtan ndan la nɔ yɛ le niaa?›

Condii lisai 44:1

Condii poaa Kore-a, í fula o condun simlacinɔ vanaa n'condua nin-nde.

Yosue 22:27

Kɛ le tùú o va seilen naa tɛɛn naa niaa a cuavaa-imamaa naa tɛɛn vɛlɛ-o. Mɛlɛka naa bɛɛ n co biiloo a sálàla loamaalan, a sálàla kɔlɲululan a á sálàla malaa balikalan ni, yɔŋii cuavaa niaa imamaa hun dimul cuavaa naa imamaa aa: ‹La nɔ ɲɛ-ɲɛ o ɲɛm Mɛlɛka-on nin te.›

Tɔŋ miingua 11:19

La pɛɛku cuavaa niaa lan. La soo lecoo o laniaa lo cɛinin, telen niaa vanin kɔlan kelaa o nɛi-yo, telen niaa vanin kɔlan lɔan-ndo a telen niaa cannin-ndo.

Esai 55:13

Yɔmii Siprɛsiei vulnin o fonda yɔmii n'yɔɛi va-o, yɔmii Mirte vulnin o fonda yɔɔn va-o, tɔ́ɔ́ bɛndoo vanin kon le Mɛlɛka ni, tɔɔmasele fɛɛn-fɛɛndo vanin kon ni, o feŋannin le fɛɛn a fɛɛn too.»

Esai 38:19

Kɛ fɔ vana co yoomu-o, a toɲa, fɔ vana co yoomu-o lisa nɔm ni, maa mɛɛ ya co nɔm lisaa hau nuaa yɛ. Fuɲaa pɛɛkunin cuavaa ndɔa mɛɛ nɔm Maalii co vana lo o lediom coo-o yɛ.

Condii lisai 71:18

Lelan, tuma ya yuuva nin hoo, mí yulunnde vul-la-o, mal-la le, Hala nuu! Haliko mi cɔm langbaa felengia ha sisa a cuaambɔa vialunnin nda kɔɔli-a kpaaya nɔm bɛndoo.

Dɛnnda kiilaa 2:39

Kani ciɛi Hala cua-e co le niaa a le cuavaa niaa, i co vɛlɛ le vanaa co levil-la kpow a le vanaa-vanaa sɔlanin veeloo Hala naa o ba.»

Esekiɛl 20:20

La dindi palɛi nii pɛngiɛi mì la ke ndi bɛɛlen. Palɛi ken vanin tɔɔmaseloo naa niaa tɛɛn ni, haliko mi (vannda) sina maa ya co Mɛlɛka ni, Hala niaa pɛɛn.

Esekiɛl 20:12

Mí yɔngu nda vɛlɛ palɛi pɛngiɛi nii, mí palɛi ken siŋnun tɔɔmaseloo naa tɛɛn naa ndaa, haliko mi ndáà sina maa ya co Mɛlɛka dindi nda-o ni.

Fulaa 31:13

«Nɔm Moise, soo o Israɛlla lo ma dimul nda aa: ‹La bii palɛi pɛngiɛi a kɔlta niaalan kpow, kani le fɛɛn a fɛɛn, tɔɔmaseloo co kon naa tɛɛn naa niaa ni, le sinaa maa ya Mɛlɛka siinguu niaa vanaa diandaa ni.

Fulaa 13:9

Maa mɛɛ ɲɛla co niaa layiyaa o laba a o n'tendu lan la co tɔɔmaseloo yɛ, lende duɲɛi he bɛnda ni mi i va tɔɔmasele loonanndo le niaa, haliko mi tɔŋ Mɛlɛka-o va niaa o lasondo. Kani ndu soli niaa Esipte a ba ndɔ kpaayaa ni.

Fulaa 12:14

Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la tosa kafo bɛndoo le ya Mɛlɛka biiloo, haliko mi la va loonɔnndo a dɛnɛ kon o kɔɔ.»

Yosue 4:5

mó dimul nda aa: «La hiow kesu Mɛlɛka Hala niaa laci, mì la tol Yurdɛn o peo kɔllo, mì vana-vana o niaa tɛɛn siilun powvo o pilɛ o congú, mì powta lan la va mɛɛ polama Israɛlla ma co sɛ́lɛ́ yɛ.