Yosue 3:8 - BII BILA

⁸ Nɔm Yosue, dimul vanaa-solia-lasálàá co kɔlan a kesu kpemaa-a aa: ‹Te la tiiya pɛ Yurdɛn o peelo, la sim peo nin.›»

Yosue 3:8 Referans Kwoze

Yosue 3:17

Tuma Israɛlla kpow a va kon taŋɔɔ a pelon n'vesɛi sɛ́ɛ́n-ndo, vanaa-solia-lasálàá va kɔlan a kesu kpema Mɛlɛka-o-a va isisi Yurdɛn o peo kɔllo, lɛŋnden le vannun levesɛi sɛ́ɛ́n, a lo isisi lon háá mí vannda kpow a cuu taŋɔɔ.

Yosue 3:3

le vannda dimullo aa: «Lɔ́ɔ́ niaa canin leviaa-solia-lasálàá kɔlan a kesu kpema Mɛlɛka Hala niaa o lacongú-o, la faŋan o fonda niaa co hoo-o, la kɔɛ nda kɔɔli.

Cɛɛŋɔnnda Yeremi lan 3:26

O naŋ le cinda Mɛlɛka-o cumndo o meiyo nin.

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.

Nehemi 13:22

O kon kɔɔli, mí dimul leviia le dindinndo, le kɔlan cumullo o diola kobio, haliko mi vannda ke paale pɛngiaalen bɛɛlen. ‹Éé Hala nuu, loonun vɛlɛ a ya le ken. Tuinun ya iɲíí, mɛɛ dɛnɛ nɔm kɛndɔɔ co o bɔɔ yɛ!›

2Dɛnnda lemasalan 30:12

O tàndá Yuda-o nin vɛlɛ, mí Hala tosa ɲɛ vannda o lakɔl, mí nda kpow a cɛl ɲɛ ndu Mɛlɛka sɔɔ masaa a vanaa bɛndua va ndu o ba bɛngu-a o lasondo le nda dimullo-o.

2Dɛnnda lemasalan 29:30

O kon kɔɔli, mí masaa Esekia a vanaa bɛndua a dimul leviia le Mɛlɛka biiloo o condun David nda Asaf vana-tɛɛngaa-diom Hala-o ndáà toosiaa-on nin. O kon, má biilu ndu a ɲaale bɛndu-bɛndoo, má baŋ vulan, má tundun háá lɛŋ.

2Dɛnnda lemasalan 29:27

Mí Esekia dimul vannda le sálàla loamaalan solio o fonda-loamaa-lasálàá coo. Ndáà kandɔɔ dɔ́ɔ́ sálà loamaa solio, má kandu vɛlɛ condon le Mɛlɛka biiloo a bululan hɔŋndo a á ɲɛm-caan David, masa Israɛlla ndóò toosiaa-on lɔɔ.

2Dɛnnda lemasalan 29:15

Má cuungiaa puapilɛa ndaa nɛɛ pilɛ, Má dindin, má hun niko o Cɛi-Mɛlɛka-o, má dindi ndu mɛɛ Mɛlɛka ndóò dimul masaa, mí masaa tɛɛngul nda diomnda lan yɛ.

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

Yosue 3:7

Mí Mɛlɛka dimul Yosue aa: «I co hau kandɔɔ nɔm kuundiaa Israɛlla kpow o hɔl, haliko ma sina maa mɛɛ ya va Moise ikɛi yɛ, lende koni ya co nɔm ikɛi ni.

Yosue 3:9

O kon mí Yosue dimul Israɛlla kpow aa: «La sɔɔnguu mì la yaŋnun sɔɔn Mɛlɛka Hala niaa co dimio-on.

2Masaa 2:6

Mí Elii dimul vɛlɛ Elise aa: «Lo nanu, kani Mɛlɛka vem ya Yurdɛn o peelo.» Mó mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le few!» O kon má hiaw laci a kɔlan nda ndu.

Yosue 4:11

Lɔ́ɔ́ nda cii taŋɔɔ kpow-vo, mí vanaa-solia-lasálàá hiaw nda laci a kesu kpemaa.