Yosue 3:7 - BII BILA

⁷ Mí Mɛlɛka dimul Yosue aa: «I co hau kandɔɔ nɔm kuundiaa Israɛlla kpow o hɔl, haliko ma sina maa mɛɛ ya va Moise ikɛi yɛ, lende koni ya co nɔm ikɛi ni.

Yosue 3:7 Referans Kwoze

Yosue 4:14

Paale len, mí Mɛlɛka kundiaa Yosue Israɛlla kpow o hɔl, má ke ndu bɛɛlen o palɛi o tosa yoomu-e kpow nin maa mɛɛ ndáà ke Moise bɛɛlen yɛ.

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

1Dɛnnda lemasalan 29:25

Mí Mɛlɛka tosa mí Salomɔn pialnun ladio taw Israɛlla kpow o hɔl, mó ke masale ndɔlen pangeloo hiovɔɔ masaa tosa masalen ndu tase Israɛl-la kpow coo.

Condii lisai 18:35

O co ya cɔwvo pɛɛkoo, mì va kpaasiaa idaɲaa kindɔɔ a ba.

Yosue 1:17

Mɛɛ naa n bii diom Moise-o o dɛnndan kpow nin yɛ, lende koni naa n biinin diom nɔmndo ni. Lelan, màá Mɛlɛka Hala nɔmndo va nɔm ikɛi mɛɛ o va Moise ikɛi yɛ!

SƐBƐ YƆB-O 7:17

Yɛɛ nɛ vanacieo co yɛ, mí nɔm va ndu cɔu ho maa ɲɛ sɔvɛ bɛndu? Le yɛɛ ndu kɔllo handɔɔ coo?

2Dɛnnda lemasalan 1:1

Mí Salomɔn po David-o simi masale ndɔlen yili, kani Mɛlɛka Hala ndɔɔ va ndu ikɛi, mó siinguu ndu masa tɔ́ɔ́ bɛndoo.

Nsaŋ 17:1

Yeesu ciiyo sɔɛi lende, mó heelu hɔlla o halataala, mó dimi aa: «Pua, telenndo tiiya. Biilu Po nɔmndo haliko mi Poo biilu nɔm,

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

Yosue 3:6

O kon kɔɔli, mó dimul vanaa-solia-lasálàá aa: «La cua kesu kpemaa, mì la sim vannda laci.» Má cua ndu, má hiaw vannda laci le kɔlan.

Yosue 3:8

Nɔm Yosue, dimul vanaa-solia-lasálàá co kɔlan a kesu kpemaa-a aa: ‹Te la tiiya pɛ Yurdɛn o peelo, la sim peo nin.›»

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»