Yosue 3:5 - BII BILA

⁵ Mí Yosue dimul vannda aa: «La dindin, kani Mɛlɛka tosanin dɛnnda kɔndɔfiltan niaa tɛɛn siɔdii.»

Yosue 3:5 Referans Kwoze

Yosue 7:13

Cɔn ma dimul vannda mà bɛɛndian le bɔŋanndo naa ndaa siɔdii. Ma dimul nda aa: ‹Mɛlɛka Hala Israɛlla dimi aa ɲɛm o kuuna niaa le cuaa-on co niaa tɛɛn, niaa Israɛlla pɛɛn. Te la tɛɛmbuu ɲɛm mun niaa tɛɛn te, la nɔlanin yaamɔaa niaa simullo le.›

Tɔŋ lasálàá 20:7

La díndin mì la va vanaa diandaa siŋnun teengen le ya-a, kani ya co Mɛlɛka ni, Hala niaa pɛɛn.›»

Yɔɛl 2:16

La cuungiaa vannda, la veelu fàngà-kundaa, la mɔɔsiaa vanaa yuuvɛiya, la cuungiaa cuaambɔa pɔmbɔa nɛɛ pilɛ, hali cɛlɛkpɛa lendea co vɔɛiyo-a, la cuungiaa nda. Poombɔ piaandu cua lanɔɔ sɛnɛi-yo bɛnda mò fula o ndu lo cɛinin, mì cuaambɔ laandu cal o nɔu sɛnɛi-yo bɛɛ fula o cɛi-kola-toandaa ndɔɔ nin.

1Samiɛl 16:5

Mí Samiɛl muli aa: «O co sɔɛi vɔɔn te. Sálàá ya hin Mɛlɛka solul ni. Niaa bɛɛ la co a veelaa. La dindin, mì la sɔɔnguu ya ikɛi le sálàá.» Mí Samiɛl dimul vɛlɛ Yisai nda poaa ndɔa maa a dindin le sɔɔnguuo le sálà kon.

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

Condii lisai 86:10

Kani a co o bɔɔ, a co sɔɔn kaaman tosaa, nɔm pilɛ kpé co Hala kpeekpeiyo ni.

SƐBƐ YƆB-O 1:5

Te ndáà balu pɛ diolan lende pindo, Yɔb ndóò veelu cuavaa ndɔa kalaa, ndóò dindi nda. Idii púŋ, ndóò pena cɔnɔn, ndóò soli sálà loamaa le nda a pilɛn-pilɛnnda Kani nuaa ndóò dimi ni aa: «Bɔɔle poaa nia tosa hakio pum. Bɔɔle a dimi diomnde tanalen a Hala o kɔlta ndalan nin.» Lende Yɔb ndóò tosa lɔ́ɔ́-lɔ́ɔ̀ ni.

Yosue 3:13

Vanaa-solia-lasálàá co kɔlan a kesu kpema Mɛlɛka, Maalii co lɛŋnden kpow bollen-ndo-a pila dɔ́ɔ́ pɛ pelei Yurdɛn o peelo, mɛnndan ma kiolunin tɛɛn, mì ma co tolɔɔ fulaa a luaŋ-ndan ma sim mí ma cuungian maa mɛɛ vana kanda mamɛn.»

Yosue 3:15

Tuma koavaa kón tosan ni, telen kon mɛnndan Yurdɛn ma hun taw ni, mì ma hel o kɔngɔlan. Mɛɛ vanaa-solia-lasálàá va kɔlan a kesu kpemaa-a pila dɔ́ɔ́ pelei o peelo,

Kundalan 11:8

Vannda va sɛŋinndo le ndu cɔwviaa, mì ndáà cui ndu a pow cuiyaa ɲɔɔ, te kon te mì ndáà cu ndu o ciei nin. Ndáà cu pɛ lende, ndáà yaw ndu o kpɛɛnɛi nin le ndu siinguuo dɛɛ toaŋaa mò yeela maa o nda toŋ a cuɛiyan-ndo.

Yosue 3:4

O kon, la sinanin nɛi niaa bɛnda le biyɔɔ o kɔlan-ndo, kani la kei-yɔ o nɛi kon coo le. O va bɛɛ lende, o bɛnda mì tiŋndo va niaa a kesoo tɛɛn le dunndo vàála tiɔn. La sɔɔnguu ndu ikɛi le.»

Yosue 3:6

O kon kɔɔli, mó dimul vanaa-solia-lasálàá aa: «La cua kesu kpemaa, mì la sim vannda laci.» Má cua ndu, má hiaw vannda laci le kɔlan.

Condii lisai 77:15

Nɔm co Hala tosa dɛnnda kaamaalan-ndo ni, a cɔm vanaa súúla celennda kpaaya nɔmndo.