Yosue 3:10 - BII BILA

¹⁰ Mɛɛ niaa sinanin maa Hala kiyɛiyo co niaa tɛɛn, maa ndu toawnin Kanannda, Hitiia, Heviia, Perisiia, Amoriia a Yebusiia niaa laci ni yɛ co hoo ni.

Yosue 3:10 Referans Kwoze

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Fulaa 33:2

I co mɛlɛkanɔɔ vomɔɔ le kɔlan nɔm laci. I co Kanannda, Amoriia, Hitiia, Perisiia, Heviia a Yebusiia tovɔɔ niaa laci.

Hebreea 10:31

Dɛnɛ dɔaw vana siòònnde tawvo o co ni, le vanacieo delɔɔ Hala nɔ yoomoo o ba-o o ba.

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

2Masaa 19:4

Bɔɔle Mɛlɛka Hala nɔmndo tuɛinin sɔɔn bolle vanaa yɔngù masaa Asiri mɔiyan-nda dimi-on kpow, o ndu masaa Asiri vem hoo le hunɔɔ Hala yoomaa yeowlan-ndo pɛɛn. Bɔɔle mi Mɛlɛka Hala nɔmndo tuisi ndu dɛnɛ palaa coo le yeowla o tuei lan. Lelan piɛi Mɛlɛka le vanaa tɔ̀a lo yoomu-a.»

Yosue 22:31

O kon, mí Pineas, po Eleasar vana-solia-lasálàá-o dimul nda aa: «N sina hau lekɛ́ndɛi maa Mɛlɛka co naa tɛɛn, kani la tosa dɛnɛ pilan Mɛlɛka tana le. Le hee, la cii dɛnɛ palaa Mɛlɛka ndóò tuisinin-ndo faŋa Israɛlla kuee.»

Tɔŋ miingua 31:17

Kɛ kɔl ni tuwvo toalnin nda coo paale len. I faŋannin nda ikɛi, mì vin nda hɔlaa niaa. A tambunin taw-taw, sangalan a dɛnnda palaala bɔɔ-bɔɔ la toalnin nda coo. A diminin telen kon maa a toɲa, le tùú ya Hala co lɛ nda tɛɛn too sangalan ndan kpow la tol nda coo ni.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Condii lisai 9:16

Vanaa-mangalaa-isɔɔa deli o soon nda pila tow-vo nin, pelun ndan co haw o yala nda pila tondu sɔ́ɔ́-sɔ́ɔ́-o nin.

Tɔŋ miingua 5:26

Kani o ceendo coo, vana-vana co, o tuɛi diom Hala yoomaa sɔɛi o yinnden tɛɛn, mò lo yoomu maa naa Israɛlla-o le.

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

1Masaa 22:28

Mí Misee mɛnalan ndu aa: «Taa muungu nanu kɛndia a á kɔlɲuloo pɛ few, mɛɛ o co Mɛlɛka le vem ya nɔm sɔɔn mun tɛɛngullo le!» Mó dimul vɛlɛ vannda aa: «Niaa vannda súúlan kpow, la yaŋnun.»

Yosue 21:45

Mí kpemala kɛndɛla Mɛlɛka ndóò yiilu Israɛlla lan kpow la peelun, o kɛ́-kɛ̀ lo le kɛɔ peelɔnndo le.

Fulaa 17:7

Má ke fonda kon diolan aa Masa a Meriba (kon co dimio ni aa «Tɔɔndanndo a Sɔngɔlanndo»), le sɔngɔlan Israɛlla sɔngɔlan Moise-o a le tɔɔndan nda tɔɔndan Mɛlɛka-o. Kani má dimi aa: «Mɛlɛka co pá naa tɛɛn bàà o co naa tɛɛn te?»

Nsaŋ 6:69

Naa n laalan ken, n sina maa nɔm co Krista ni, O-Diandaa Hala-o.»

Tɔŋ miingua 7:21

La yɔŋ isiòòn mì la ɲiiya nda o hɔl te, kani Mɛlɛka Hala niaa, o co niaa tɛɛn-ndo, Hala bɛndoo a kpúlúnkùmaa o co ni.

Yosue 3:9

O kon mí Yosue dimul Israɛlla kpow aa: «La sɔɔnguu mì la yaŋnun sɔɔn Mɛlɛka Hala niaa co dimio-on.

Yosue 9:1

Lɔ́ɔ́ masaa va Yurdɛn leeloo-a kpow a tuei maa Israɛlla cii Ai tɛɛmbuu-o, á va o pembei coo-a, á va o dɛngbɔɔ nin-nda a á va o mɛmma ihɛllan Mediteranee kɔngɔ-a, háá o pembon Liban coo, nda yɔŋnun yɛ Hitiia, Amoriia, Kanannda, Perisiia, Heviia a Yebusiia ni,

1Samiɛl 26:6

Mí David veelu Ahimelɛk Hitiinɔ nda Abisai po Seruya-o, pɔmbɔɔ Yoab pɛɛn, mó ɲuna nda aa: «O niaa tɛɛn, ɔ́ɔ̀ vana cɛlnin mì n kɔɛ naa ndu háá o dɔ́ɔ́ngɔ́ Saul-lo nin-ndo?» Mí Abisai muli aa: «Ya i co lakɔ nɔm kɔɔli.»

Condii lisai 42:2

Òó Hala! Mɛɛ kial kolɔɔ bii-o yeema mɛmma pee pɔmbɔan nuaa yɛ, lende koni ya co nɔm yeemaa ni.

O Kandɔɔ 15:21

Amoriia, Kanannda, Kirkasiia a Yebusiia, i yɔngunin nda lɛŋii ken kpow.»

Kundalan 13:29

Amalɛkea co icali o tàndàá Nekɛv nin ni, Hitiia, Yebusiia a Amoriia co icali o tàndá pembun bɛndoo nin ni, Kanannda co icali o mɛmma ihɛllan Mediteranii holnɔnndo a o dɛɛla bɛndu balu Yurdɛn-ndo nin ni.»

Yosue 11:3

Mó viam vɛlɛ kiilaa o Kanaŋaa va o kɔngɔla tiɔnnda peo Yurdɛn demullo lan-nda lo, o Amoriia lo, o Hitiia lo, o Perisiia lo, o Yebusiaa va o tàndá n'pemboo nin-nda lo a o Yebusiaa va o pembei Hɛrmɔn bɛngu o tàndá Mispa-o nin-nda lo.

Yosue 12:8

Tàndàla va o pembon coo lan, la va o dɛngbɛlan nin o pembon tumndan ndan, la va o dɛɛlaa Yurdɛn nin-ndan, la va o pembon demullo lan, la va o lɛŋnde veselɛilen nin-ndan a tàndàla va o pembon holnɔnndo a ba too o lɛŋnde veselɛilen nin-ndan. O tàndàla lan nin Hitiia, Amoriia, Kanannda, Perisiia, Hiviia a Yebusiia va icali ni.

Yosue 24:11

O kon mí la taŋ peo Yurdɛn, mí la tiiya Yeriko, mí Yerikoa, Amoriia, Perisiia, Kanannda, Hitiia, Kirkasiia, Hiviia a Yebusiia kpow a ciŋilan niaa a cɔwvo. Kɛ mí mal nda niaa o ba.

1Dɛnnda lemasalan 1:14

Kanaan kon yɔŋnun fuɲaa-mamaa le Yebusiia, Amɔnnda, Kirkasiia,