Yosue 24:2 - BII BILA

² Mí Yosue dimul sɛ́lɛ́ Israɛlla kpow aa: «Nuaa Mɛlɛka Hala Israɛlla dimi ni aa: ‹Sindɛ, o peo Efrate leeloo fuɲaa niaa mamaa va icali ni. Lon Tera fuɲa velu Abraham nda Nahɔr-o va icali ni, lon nda va halaa celen sooloo ni.

Yosue 24:2 Referans Kwoze

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

O Kandɔɔ 31:30

Mɛɛ n kɔɛnnun nihau yɛ, kani yeemɛi va nɔm taw le muungoo o fuɲa nɔm ndo, kɛ le yɛɛ n ciimbuu yɛ piɔmaa nia?»

Esekiɛl 16:3

Dimi aa nuaa Maalii, o co Mɛlɛka-o dimul nɔm Yerusalɛm ni aa: ‹O lɛŋnde Kanaan-nden nin n kandun ni, lenin n velun ni, Amoriinɔɔ fuɲa nɔm va ni, kala nɔm yɛ Hitiinɔɔ ndu va ni.

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

Tɔŋ miingua 26:5

O kon kɔɔli, vana kon cua niko sɔɛi, o dimi Mɛlɛka Hala ndɔɔ o hɔl aa: ‹Aramiinɔ va kelaa-o fuɲa ni mamaa va ni, mí ndóò tuusu sindɛ Esipte a vanndacieea kɔɔli ɲɛ-pɔmbɔ, mó kɔ cal o sumialle lon a nda. Mí vanaa kan kɔ kui lon taw, má sɔla kpaayaa.

O Kandɔɔ 35:4

Má yɔngu Yakɔb piɔmaa va nda o ba-a a kelan sálàn va nda o lani-on kpede. Mí Yakɔb kumbu piɔmaa kan a kelan sálàn mun lɛŋ o yɔm bɛndu va Sikɛm ikɛi-yo bɛngu.

O Kandɔɔ 31:53

Hala Abraham-ndo a Hala Nahɔr-o co yamanɔɔ naa tɛɛn ni.» O kon, mí Yakɔb mɛnan o diola Hala fuɲa ndɔ ndóò ɲiiya o hɔl-lo.

O Kandɔɔ 31:32

Le piɔmaa nɔmnda yɛ, vana-vana n saalun pɛ nda o ba, vana kon sɔla piɔ́mndo. Yaasiaa ɲɛm nun kpow vanaa naa o hɔl. Ɲɛ-ɲɛ nɔm n ce pɛ, a puu ndu.» Kani Yakɔb ve sina maa Rasɛl ndóò ciimbuu piɔmaa tongoniŋaa kan te.

O Kandɔɔ 31:19

Telen kon, Laban ndu ndóò kɔɛ saa ndɔa yiinde kilio. Mɛɛ nda cɛn kɔnndan, mí Rasɛl ciimbuu piɔmaa tongoniŋaa fuɲa ndɔa.

O Kandɔɔ 11:26

Mɛɛ Tera cii vɔsilan belaŋɔmmɛw, mó vialu poaa nda yáá: Abram, Nahɔr a Haran.

Luke 3:34

po Yakɔb-o, Yakɔb po Isaak-o, Isaak po Abraham-ndo, Abraham po Tara-o, Tara po Nakɔr-o, Nakɔr

O Kandɔɔ 11:24

Mɛɛ Nahɔr cii vɔsilan bidiin a laŋɔmahiɔɔlu, mó vialu Tera.

O Kandɔɔ 11:27

Diola vanaa fula o polale Tera len nin-nda la co lan ni, Tera yɔŋnun kon fuɲaa Abram, Nahɔr a Haran-ndo pɛɛn: mí Haran vialu Lɔt.

O Kandɔɔ 11:22

Mɛɛ Seruk cii vɔsilan beleyaa, mó vialu Nahɔr.

1Dɛnnda lemasalan 1:27

mí Terah vialu Abram, o nda mɛɛlu veelu Abraham-ndo pɛɛn.