Yosue 24:1 - BII BILA

¹ Mí Yosue veelu Israɛlla kpow Sikɛm, mɛɛ nda va a polama ndan yɛ́-yɛ́ yɛ, kaasoŋaa kɔlkalua Israɛlla, simlacia ndaa, vanaa kialaa n'yamaa ndaa a vanaa ndaa sɛvaa, mí nda kpede a sim Hala o hɔl.

Yosue 24:1 Referans Kwoze

Yosue 23:2

mó veelu Israɛlla kpow: kaasoŋaa kɔlkalua ndaa, simlacia ndaa, vanaa kialaa n'yamaa ndaa a vanaa sɛvaa ndaa, mó dimul nda aa: «I yuuva nin taw, vɔsila nilan la co nin labɔɔ.

1Samiɛl 10:19

Mí Samiɛl dimi vɛlɛ aa: «Kɛ niaa kan te co hau Hala niaa soli niaa kon o sangalan nin a o dɛnnda palaalan nin-ndo kɛɔ, mí la muungu ndu dimullo aa ‹Ke naa masaa› le? Lelan, la hun niko o Mɛlɛka lo mɛɛ polama niaan a yungula niaalan la co yɛ́-yɛ́ yɛ.»

Dɛnnda kiilaa 10:33

Fɔ́ɔ́fɔ̀, mí viam vannda nɔm kɔɔli. Nduyɛ, a bɛɛndiaa hunɔɔ. Má cè niko naa kpow Hala o hɔl, haliko mi n tuei a ɲɛ-ɲɛ Mɛlɛka vem nɔm dimi o kɔɔ!»

1Masaa 12:1

Mí Roboam kɔa Sikɛm, kani Sikɛm lon Israɛlla kpow ndáà cuungian le ndu siinguuo masaa ni.

O Kandɔɔ 12:6

mí Abram kei o lɛŋnden tɛɛn, mó kɔa háá o fonda nɔ diolan aa Sikɛm-ndo, má tiiya nɛɛ yálán Mamre-o va-a. Telen kon, Kanannda va icali o lɛŋnde len nin.

O Kandɔɔ 35:4

Má yɔngu Yakɔb piɔmaa va nda o ba-a a kelan sálàn va nda o lani-on kpede. Mí Yakɔb kumbu piɔmaa kan a kelan sálàn mun lɛŋ o yɔm bɛndu va Sikɛm ikɛi-yo bɛngu.

Tɔŋ miingua 29:9

«Niaa kpow, la sim hau Mɛlɛka Hala niaa o hɔl, kandɔɔ a vanaa co bolii lapangɛi-ya, vanaa kɔlkalua, vanaa bɛndua lelɛŋnda kɔ bii a vanpiaandua Israɛl kpede.

Yosue 20:7

Le hee, mí Israɛlla hɛli kobio Kedɛs o tàndá Kalile-o nin, o lɛŋnde n'pembule polale Nɛftali len le sɔla len nin, má hɛli vɛlɛ kobio Sikɛm, o tàndá n'pembu Efraim-ndo nin a kobio Kiriat-Arba (o ndáà veelu vɛlɛ aa Hebrɔn-ndo), o co o tàndá n'pemboo Yuda nin-ndo.

Masaa kialaa n'yamaa 20:26

Mí Israɛlla kpow a kɔ cal Mɛlɛka o hɔl Betɛl, má caŋ. Má niinu ɲinkon kpɛŋ o sumndo nin. Má solul Mɛlɛka sálàla loamaalan a sálàla kɔlɲululan.

2Masaa 23:1

Tuma kon, mí Masaa Yosia veelu kaasoŋaa kɔlkalua Yuda a haa Yerusalɛm kpow o ndu lo.