Yosue 23:2 - BII BILA

² mó veelu Israɛlla kpow: kaasoŋaa kɔlkalua ndaa, simlacia ndaa, vanaa kialaa n'yamaa ndaa a vanaa sɛvaa ndaa, mó dimul nda aa: «I yuuva nin taw, vɔsila nilan la co nin labɔɔ.

Yosue 23:2 Referans Kwoze

Yosue 24:1

Mí Yosue veelu Israɛlla kpow Sikɛm, mɛɛ nda va a polama ndan yɛ́-yɛ́ yɛ, kaasoŋaa kɔlkalua Israɛlla, simlacia ndaa, vanaa kialaa n'yamaa ndaa a vanaa ndaa sɛvaa, mí nda kpede a sim Hala o hɔl.

1Dɛnnda lemasalan 28:1

Mí David yoongu simlacia Israɛlla kpow le cuungianndo Yerusalɛm ciee, simlacia kan yɔŋnun haa ni: vanaa va bolii lapangɛi o polama Israɛlla coo-a, kuubaa va kundala vanaa cɔvaa va baalaa tosaa masaa ikɛi-ya bollen-nda, kuubaa va kundala n'van vàá-vàálan a kundala n'van kɛmɛ-kɛmɛlan bollen-nda, simlacia vanaa va bolofaa a cɔlua va le masaa a le poaa ndɔa-a mandaa-a, langbaa kɛsun kálàá va o cɛi lemasaa nin-nda, kuubaa cɔvaa mayoomua a vanaa tɔ́ɔ́ bɛndua kpow.

Tɔŋ miingua 31:28

Lelan, la cuungiaa vanaa co bolii lapangɛi niɛi-ya a vanaa sɛvaa niaa, mì hun dimi sɔɔn mun nda o hɔl, mì cua halataalaa a lɛŋnden seilen naa tɛɛn naa ndaa.

Yosue 23:3

Niaa pila ce ɲɛ-ɲɛ Mɛlɛka Hala niaa tosa a lɛŋnde he le niaa, kani ndu pila va cɔlɔbaa le niaa ni.

Yosue 13:1

Yosue ndóò yuuva nin taw. Mí Mɛlɛka dimul ndu aa: «A yuuva nin taw-taw, nduyɛ, fondalan la lo vɔ taw le biyɔɔ o lɛŋnden coo.

1Samiɛl 12:2

Kandɔɔ hau, la ce masa niaa! Ndu vanin niaa bollen ni. Kani ya i sim niaa laci kandɔɔ o felengiyɛi nii nin háá o paalen nden hau. Kɛ i yuuva nin taw, bollen le dendu ya nin few. Poaa nia sulaa co niaa tɛɛn.

1Masaa 1:1

Masaa David ndóò yuuva nin taw. Hali ndáà kuumbuu nin bɛɛ ndu volɔɔlan coo, hangulu ndóò hel-lɛ ndu le.

1Masaa 8:1

O kon, mí masaa Salomɔn veelu kaasoŋaa kɔlkalua Israɛlla, vanaa va bolii lapangɛi-ya a simlacia layungua Israɛlla kpow, mó cuungiaa nda kpede Yerusalɛm le kesu kpema Mɛlɛka-o cuaa o Kobi David-o nin, o co Siɔn-ndo pɛɛn, le heeloo a ndu o Cɛi-Mɛlɛka-o nin.

1Dɛnnda lemasalan 23:2

Mó cuungiaa vɛlɛ simlacia Israɛl kpow nɛɛ pilɛ, handɔɔ o vanaa-solia-lasálàá a leviia coo.

1Dɛnnda lemasalan 27:27

Simei fula Rama-o va vanaa tɔalaa n'rɛsɛnnda bollen ni. Sabdi fula Sefam-ndo va vanaa va mɔima n'rɛsɛnndan mandaa-a bollen ni.