Biblia Todo Logo
Bib sou entènèt

- Piblisite -




Yosue 23:1 - BII BILA

1 Tuma Mɛlɛka cii Israɛlla pɛngio yɔngu yaamɔaa ndaa balu nda-a tɛɛn-ndo, mí vɔsila bɔɔ-bɔɔ la hiaw o kon kɔɔli, a vannun o kɔlɲuloo nin. Mí Yosue yuuva kudɛɛ-kudɛɛ, ndóò nɔ nin vɔsilan taw,

Gade chapit la Kopi




Yosue 23:1
15 Referans Kwoze  

Yosue ndóò yuuva nin taw. Mí Mɛlɛka dimul ndu aa: «A yuuva nin taw-taw, nduyɛ, fondalan la lo vɔ taw le biyɔɔ o lɛŋnden coo.


Mí Mɛlɛka luei nda kɔlɲuloo tɛɛn nda lɛŋii ndáà salu pɛɛngulan-nde kpow, maa mɛɛ ndóò yiilu fuɲaa ndaa mamaa kpemaa yɛ. O yaamɔaa ndaa tɛɛn vɛlɛ, o kɛ́-kɛ̀ nɔla nda simullo le. Mí Mɛlɛka mal yaamɔaa ndaa nda o ba.


Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.


La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.


Pɛngi Mɛlɛka Hala niaa ndóò yiilu puapilɛa niaa kpemaa le nda yɔngoo-o, o cii nda ndu yɔngu. Lelan, la muungu niko o cɛila-kolala-toandaala niaalan nin, o lɛŋnde niaa sɔla len nin, le Moise vana baala Mɛlɛka-o yɔngu niaa Yurdɛn leeloo len pɛɛn.


«Hau i tiiya yoomu vɔsilan kɛmɛ a bidiin, i nɔla lɛ luɛyɔɔ a fulaa le. Nduyɛ Mɛlɛka cii nin ya dimul maa ya teŋnin peo ho le, Yurdɛn pɛɛn.


mó vu. Ndóò yuuva fɔlɔn kudɛɛ-kudɛɛ o kɔlɲuloo nin, malan o diam vanaa ndɔa ciee-piɔ́m.


Mɛɛ cɔlua kɔa a tolɔɔ o bóllo nin nuaa yɛ, lende koni nda va lɔ́ɔ́ Kɔl Mɛlɛka-o va nda yɔɔ o pɛngio nin-ndo ni. Lekɛ́ndɛi lende n yɛɛ vanaa nɔmnda le tɔ́ɔ́ bɛndu ivanabɛnduyaa sɔlaa ni.


Kandɔɔ hau, la ce masa niaa! Ndu vanin niaa bollen ni. Kani ya i sim niaa laci kandɔɔ o felengiyɛi nii nin háá o paalen nden hau. Kɛ i yuuva nin taw, bollen le dendu ya nin few. Poaa nia sulaa co niaa tɛɛn.


Masaa David ndóò yuuva nin taw. Hali ndáà kuumbuu nin bɛɛ ndu volɔɔlan coo, hangulu ndóò hel-lɛ ndu le.


Kani mí David ndóò dimi aa: «Mɛlɛka, Hala Israɛlla cii vanaa ndɔa pɛngio ke. Ndu Mɛlɛka vanin Yerusalɛm le lɔ́ɔ́-lɔ́ɔ̀.


Diola Israɛlaa va baalaa masaa ikɛi-ya la co lan ni: vanaa va bolii lapangɛi o yungula ndalan nin, má va simlacia kundala vanaa cɔvaa n'van vaa-vaa a kundala n'van kɛmɛ-kɛmɛa coo-a pɛɛn. Le vɔsio kpow baala ndaa va le vanaa cɔwva piɔwvo a kundalan ni, kunda oo kunda paangii ndɔ. O kunda oo kunda nin, vanaa cɔwva va vaalan bidiin a lahiɔɔlu.


Mí Asa tosa dɛnɛ kɛndɔɔ a dɛnɛ sandaa Mɛlɛka Hala ndɔɔ o hɔl.


O vɔsila lan bɛngu kpede vana-vana kpeeŋiaa nda a cɔw le, a vannun o kɔlɲuloo nin, kani Mɛlɛka ndóò ke nda pɛngi kon ni. O kon, mí Asa tangul kobila mayoomulan taw o tàndá Yuda-o nin.


O kon, mí masale Yosafat len le sɔla kɔlɲuloo, mí Hala luei ndu kɔlɲuloo tɛɛn a lɛŋii ndíì balu ndu-e kpow.


Swiv nou:

Piblisite


Piblisite