Yosue 21:4 - BII BILA

⁴ Mɛɛ nda mal siondei, mí siondei bii fɔlɔn yungula Kehat lan. O leviia tɛɛn, mí polale Aarɔn-nden le sɔla kobilan tɔ́ a layàá o tàndàla vanaa fula o polale Yuda len nin, o polale Simeɔn-nden nin a o polale Bɛnyamɛn-nden nin-nda tɛɛn.

Yosue 21:4 Referans Kwoze

Yosue 24:33

Eleasar, po Aarɔn-ndo vuo, má kumbu ndu Kibea, o kobi Pineas po ndɔ ndóò sɔla o tàndá n'pembu Efraim-ndo nin-ndo nin.

Kundalan 3:27

Yungula fula o cuavaa-imamaa Kehat-a nin-ndan la va yungu Amram-ndo, yungu Yisehar-o, yungu Hebrɔn-ndo a yungu Usiɛl-lo ni. Yungula fula Kehat o ipulu lan la yɔŋnun ndan ni.

Yosue 21:3

O kon, mí Israɛlla faŋa kobilan lapum a yondola balu lan-ndan o kɛ́la ndalan coo, má ke leviia lan, maa mɛɛ Mɛlɛka ndóò dimi yɛ.

Yosue 21:5

Mí poaa tɔ̀a Kehat-a sɔla kobilan tɔ́ o tàndá Efraim-ndo, o tàndá Dan-ndo a o tàndá polale tálále Manase len tɛɛn.

Fulaa 6:16

Diola poaa Levii-a a polama ndan la co lan ni: Kɛrsɔn, Kehat a Merari. Vɔsila Levii cii yoomu o ceendo coo lan la va kɛmɛ a beleyaa a laŋɔmmɛw.

Fulaa 6:20

Mí Amram yil Yokebɛd, yemaa fuɲa ndɔ o nɔ̀u nin, má vialu Aarɔn nda Moise. Vɔsila Amram cii yoomu o ceendo coo lan la va kɛmɛ a beleyaa a laŋɔmmɛw.

1Dɛnnda lemasalan 6:39

Lɛŋii yungula fula o polale Aarɔn-nden nin-ndan la sɔla le calle lenin-nde yɔŋnun hee ni, Aarɔn kon pɛɛn, o velun o yungu Kehat-o nin-ndo. Nda yɔŋnun vanaa tasea le lɛŋnde sɔlaa telen nda mal siondei-yo ni: