Yosue 2:9 - BII BILA

⁹ mó kɔ dimul nda aa: «I sina maa Mɛlɛka cii niaa lɛŋnden nden ke. A siòòŋii niɛi kínɛí naa vanaa co o lɛŋnden nden nin-nda n cal nuaa ni. Diallon n vi vana-vana a niaa.

Yosue 2:9 Referans Kwoze

Fulaa 23:27

I co vanaa co icali niaa laci-a siòòŋii niɛi luei. Nɛɛ-nɛɛ niaa va pɛ luɛyɔɔ, i toawnin vanaa vanin niaa laci lon-nda. I vanin yaamɔaa niaa tovɔɔ mà va niaa ɲaanɔnndo.

Tɔŋ miingua 2:25

Kandɔɔ hau, i co vanaa-mangalaa-isɔaa co o lɛŋnden coo-a kpow siòòŋii niɛi luei, mà yɔŋ siòònde a niaa. Vanaa-vanaa tuei pɛ maa la co nin sɔɔnguuo nda ikɛi, kan ɲiiya, a yɔŋnun yoloma-yoloma niaa o hɔl.›»

Yeremi 27:5

Ya toosiaa lɛŋnden ni, vanndacieea a visia kɛ́-kɛ̀ co o lɛŋnden coo a kpaaya ni bɛndoo a á yoomuma nima bɛnduan. Vana ya yeema pɛ, i ke ndu len.

Vana Kɔlkaloo 8:12

Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Condii lisai 115:16

Mɛlɛka nɔ halataalaa ni, mó ke vanndacieea lɛŋnden.

Condii lisai 112:10

Vanaa yɔŋ vɔɔnda canin ndu mà tambu kɔltan, a vanin ciŋndon somisomio mà vi diallon. A toɲa, yeemɛi vanaa yɔŋ vɔɔnda siŋnunnin ɲɛ fondoo.

SƐBƐ YƆB-O 19:25

«Ya ya, i sina maa vana ni baŋaa co yoomu, o mɛɛlulan, ndu cannin ni mò sim o lɛŋnden nden coo.

Yosue 2:11

Kabi naa n tuei sɔɔn mun, mí kɔlta naalan la laasian, nduyɛ vana-vana nɔ lɛ mayoomu le niaa simullo le. Kani Mɛlɛka Hala niaa co Hala co coocoo o halataala, a lɛŋ o ceendo coo-o ni.

O Kandɔɔ 35:5

O kon kɔɔli, má puusiaa dɔ́ɔ́ngɔ́ ndaa le kɔnndan. Mí Hala luei kobila balu lon-ndan siòònde taw háá vana-vana dim poaa Yakɔb-a le.

Matie 20:15

Mò va maa i nɔ dí le ɲɛ ya yeema-o tosaa a ɲɛm nun te? Bàà te i tosa pɛ dɛnɛ kɛndɔɔ, ken luei nɔm paŋalaa o kɔl?›

Nahum 2:10

La koeindi volion a sianion cɛilan nin. Bolofaa co o kobio ho nin-ndo cuu cua le, ɲɛm sɔvɛn súú-súù ka n co n'piaa lenin ca.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

2Masaa 7:6

Kani Mɛlɛka ndóò tosa ɲɛ pum ni, mí vanaa cɔvaa Aramiia va o dɔ́ɔ́ngɔ́ nin-nda tuɛi diom bɛndoo pum, vanáà tuɛi ko aa kunda vanaa cɔwva pum co hunɔɔ sɛ́lɛ́ bɛndoo a soa ndaa a á ɲɛla ɲaanannda soa nan-ndan taw-taw ni. Má dimulan vellaa-velle aa: «Má cè mɛɛ masa Israɛlla cii masa Hitiia a masa Esiptea volion yɔngu, má mɔɔsiaa vanaa ndaa cɔwva le naa hunɔɔ delɔɔ coo yɛ!»

2Masaa 5:15

Mí Naaman muungu nda vanaa va ndu kɔɔli-a kpow o vana-tɛɛngaa-diom Hala-o lo. Ndóò tiiyaa, mó dimul ndu aa: «I sina o laan maa o lɛŋnden kpow coo, hala celen co o Hala Israɛlla kɔɔli le. Lelan cɛl ɲɛ ya buɛi nɔmndo cuu nɔm-ndo.»

2Samiɛl 17:10

O kon, hali vana cɔw mayoomu fula kɔllo maa yàlà-o vunin diallon. Kani Israɛlla kpow sina maa kuubanɔ cɔwvo fuɲa nɔm co ni. A langbaa kalla kpeekpei o co balɔɔ ni.

Masaa kialaa n'yamaa 7:14

Mí caan ndɔ mulul ndu aa: «Ken ndi nɔ kɔlɔ celen te, Sedeɔn Israɛlnɔ, po Yoas-o co Madiannda hinul a cɔwvo ni, Hala cii naa a dɔ́ɔ́ngɔ́ɔ̀ kpede malɔɔ ndu o ba.»

Tɔŋ miingua 32:8

Tuma Hala-Hiow-Ɲɔɔn-Kpow-vo piɔw lɛŋnden vanndacieea tɛɛn-ndo, mó salu pɛɛngulan vanaa-mangalaa-isɔɔa tɛɛn mɛɛ cuavaa Israɛlla co sɛ́lɛ́ yɛ.

Tɔŋ miingua 28:10

O kon, vanaa-mangalaa-isɔaa co o lɛŋnden coo-a kpow a canin maa diola Mɛlɛka lan la co niaa coo, mà yɔŋ siòònde a niaa lelan.

Tɔŋ miingua 11:25

Vana-vana nɔlanin niaa simullo le. Maa mɛɛ Mɛlɛka Hala pila dimul niaa yɛ, lelɛŋ oo lelɛŋ niaa luɛi pɛ nin, o luei vanaa co icali lenin-nda siòòŋii bɛndu-bɛnduei, a yɔŋnun yoloma-yoloma.»

Fulaa 18:11

I sina nihau maa Mɛlɛka hiow halaa kpow ni, kani ndu pila cɔm kpaaya ndɔɔ telen Esiptea va Israɛlla bɛpɛlaa-o.»

Hebreea 11:31

A laalanndo, Rahab cua suundaa sɔla piɔ́mndo latulu nda vanaa simul Hala-a le, kani mó yiya suansuaŋaa Israɛlla ɲɛkɛndɛi.

Kundalan 20:14

A lo Kadɛs, mí Moise viam kiilaa o masa va Edɔm-ndo lo le ndu dimullo aa: «Cuavaa puapilɛ nɔmndo Israɛl a soaa nuaa ni: Nɔm pila sina sangala kei naa coo lan kpow.

Kundalan 20:24

«O lo ɲɛ-pɔmbɔ mì Aarɔn dem vanaa ndɔa ciee-piɔ́m. O lueinin o lɛŋnde ya yɔngu Israɛlla len nin te, kani la sɛɛngiaa ya a dɛnɛ mɛnndan Meriba o kɔɔ.

Yosue 2:8

Lɔ́ɔ́ pá nda hini, mí Rahab hel nɛɛ nda va o konda-a,

Yosue 2:24

Má dimul ndu aa: «Mɛlɛka cii naa lɛŋnden nden kpow malɔɔ o ba, vanaa co o lɛŋnde len nin-nda kpow a vi vɛlɛ diallon a siòòŋii nɛi.»

Yosue 9:9

Má muli aa: «Naa buɛyaa nɔmnda, lɛŋnde naa n cɛn nin-nden le bandu a nanu. Kani Mɛlɛka Hala nɔmndo naa n tuei tɔ́ɔ́ ni, n sina dɛnnda kɔndɔfilta o tosa Esipte lan kpow,

Yosue 9:10

n sina vɛlɛ ɲɛ o tosa a masaa ŋiɔŋaa Amoriaa va o peo Yurdɛn leeloo-a-o, Sihon va masaa Hɛsbɔn-ndo a Ɔk va masaa Basan-ndo, ó va icali Astarɔt-o pɛɛn.

Yosue 9:24

Mí Kabaɔnnda mulul Yosue aa: «Nuaa naa n tuei ni maa Mɛlɛka Hala nɔmndo dimul Moise vana ndɔ baalaa ni le niaa lɛŋnden nden kpow keo, mì la diw vanaa niaa komalnin lenin-nda kpow. Lelan siòònde bii naa taw a niaa le yoomula naalan ni, mí n tosa lende.

Esai 23:5

Tuma Esiptea tuɛinin sɔɛi he-o, lɔ́ɔ́ nda tuɛinin le tambii kobio Tir-e o, a ɲiiyanin ma yɔŋnun yoloma-yoloma!

Yosue 5:1

Lɔ́ɔ́ masaa Amoriaa va icali Yurdɛn leeloo a ba paalen le del-lo-a a masaa Kanaŋaa va icali o mɛmma ihɛllan kɔngɔ-a kpow a tuei maa Mɛlɛka veesiaa peo Yurdɛn Israɛlla laci háá ma taŋ-ndo, má vu diallon, a sɔla lɛ mayoomu le Israɛlla simullo le.

Yosue 6:2

Mí Mɛlɛka dimul Yosue aa: «Tofa vɔ, i mal kobio Yeriko, masa ndɔɔ a kuubaa cɔvaa co lon-nda nɔm o ba.

Nehemi 6:16

Lɔ́ɔ́ yaamɔaa naa kpow a tuei ken-ndo, mí siòònde bii vanaa-mangalaa-isɔaa balu naa-a, mí siɛmbulan la bii nda taw, má sina maa o hɛnan Hala naa bɛngu baalaa kalaa tosan ni.

Ɛstɛr 8:17

O kobila leboltan kpow nin a o kobi oo kobi nin, nɛɛ-nɛɛ sɔɛi masaa ndóò dimi ken o sɛbɛlan coo-e tiiya, mí i siŋnun dɛnɛ kɔlkɛndɛ bɛndoo, ɲaaloo, kafo diaa a kponyoo le Yuifia. Mí vanaa bɔɔ-bɔɔ a siinguun nda pila Yuifia o lɛŋnde len nin, kani siòònde va nda taw a Yuifia.