Yosue 2:5 - BII BILA

⁵ A paale delaalen, telen nda va dio kobio kindaa-o nda fulan ni. I sina ba-ba nda kɔɛ le. La diom ndɔ nda haw a kiltan, la co nda bendal.»

Yosue 2:5 Referans Kwoze

Dɛnnda cɔɔmuanndan 21:25

Niinoo kpɛŋ vana kindanin diola kobi kalaa le, kani ɲumma venin te.

Esekiɛl 47:12

Yɔmii koamɛi súú-súù ka i vulnin o pee pɔmbɔ kon coo, o kɔngɔla ndɔla tiɔnndan kpede coo. Pei yɔmii ken i ɲɔfɔliaanin te, kɔmnde ndalen bɛɛ le cuunin lecoo le. Ipaangu oo ipaangu yɔmii ken vanin tàlonndan solio, kani o cɛi-kola-toandaa diandaa nin mɛmma pee pɔmbɔ kon ma vanin cɔnɔnndo ni. Kɔmnde yɔmii ken le vanin le baloo dɔwnɔnndo, pei ndɛi ndi vanin le nààlan cɛwvo.»

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Esai 60:11

Diola nɔmnda luɛyaalan la vanin lakumbia lɔ́ɔ́-lɔ́ɔ̀, la venin lakindaa ipala le, la venin lakindaa icɔl te, haliko mi bolofaa vanaa-mangalaa-isɔɔa luɛi o nɔm ndo, mi masaa ndaa a vanaa vanin nda kɔɔli-a a luɛi.

Nehemi 13:19

Kandɔɔ telen kon, mí dimul nda le diolan Yerusalɛm kindaa a paale delaalen, lɔ́ɔ́ pá mì paale pɛngiaalen léè tiiya, mì la lo vɛlɛ lakindaalan háá mì paale pɛngiaalen léè hiow. Mí kɛsi buɛyaa nia a pum cumullo, le vannda kuunaa luɛyɔɔ a ɲɛm pisian kɛ́-kɛ̀ o paale pɛngiaalen coo.

Yosue 2:7

Mí vanaa masaa vem kan-nda can ɲaanɔnndo nda kɔɔli. Mɛɛ nda fula, mí vannda koma mingi dio kobio kinda, má kɔa nda nuwviaa háá o nɛi kɔɛ a peo Yurdɛn-ndo, nɛɛ mɛnndan ma yingila le-a.

Yosue 2:4

Mí Rahab cua langbaa ŋiɔŋaa kalaa, mó vian nda kpíŋ. Mó kɔ muli aa: «I co toɲa, langbaa pum ndáà hin o ya lo, kɛ i sina nɛɛ nda cɛn te.

Yosue 2:6

Nduyɛ, o konda ndóò heelu nda ni, mó vian nda o bɛngula lefunnda ndóò kɛsi lon-ndan bɛngu.

1Samiɛl 19:14

Tuma vanaa Saul vem kan le David biyɔɔ-a hin-ndo, mí Mikal dimul nda aa: «O co kɛndia le.»