Yosue 2:12 - BII BILA

¹² Lelan, yandi, la mɛnalan ya sunsun o diola Mɛlɛka lan maa la tosalnin yungu fuɲa nuu dɛnɛ kɛndɔɔ mɛɛ ya tosal niaa dɛnɛ kɛndɔɔ yɛ, la yɔngu ya vɛlɛ tɔɔmasele kpeekpeiyo.

Yosue 2:12 Referans Kwoze

Yosue 2:18

lɔ́ɔ́ naa n tiiyanin o lɛŋnde nɔmnden nin-ndo, a yii yoole kolale siaŋalen o dio-pɔmbɔ n co naa hoo tuisio-o, o kon kɔɔli a mɔɔsiaa fuɲa nɔm, kala nɔm, puapilɛa nɔmnda a yungu nɔmndo kpow o nɔm ndo cɛinin.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

1Timote 5:8

Te vanndo mulul vanaa ndɔa hɔlla le, kɛ taama-taama yungu ndɔɔ, mɛɛ o mal laalanndo, vana vaa lende hiow levɔw a vana laalan too.

Rɔmnda 1:31

A kindu lakɔl te, a lo o lediom coo le, a kendu bɔɔ nilan, a nɔ iɲíí le.

Marke 14:44

Mí Yuda va nda Yeesu malɔɔ o ba-o cɔm nda tɔɔmasele ndáà sinanin ndu-o aa: «Vana ya yilnin mì kɔman-ndo, mɛɛ ndu ni. La bii ndu mì la kɔɛ a ndu ɲɛkɛndɛi!»

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Ɛstɛr 8:6

Kani vɛ̀ɛ̀ ya lo yɛnin tofaa mì dɛnɛ palaa tol vanaa nia coo? Bàà mì lo tofaa mì polale vanaa nia le cuu?»

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

1Samiɛl 30:15

Mí David ɲuna ndu aa: «Vɛ̀ɛ̀ a cɛl mà cɔm ya nɛiyo le kɔlan nɛɛ vanaa kalaa co-a?» Mó muli aa: «Mɛnan le Hala, taa diinin ya, te kon te mà mal-la vana ni bɛndoo o ba le. A mɛnan pɛ, i liila nɔm háá nɛɛ nda co-a.»

Yosue 9:15

Mí Yosue luei kɔlɲuloo a nda tɛɛn, mó yii kpemaa nda ndaa le nda mɛiyo yoomu. O kon, mí simlacia va nda tɛɛn-nda tiinda sɔɛi ken a mɛnanndo.

Yosue 2:13

La yiilul-la kpemaa maa la diinin fuɲa nuu, kala nuu, puapilɛa nia a vanaa co nda o ba bɛngu-a le, nduyɛ maa la mɛinin naa yoomu.»

Fulaa 12:13

Le niaa Israɛlla yɛ, kooma cɔlua niaa suunin o cɛilan-ndan ma vanin tɔɔmaseloo ni maa la co o cɛila lan nin. I ce pɛ kooma man, i hiow niaa coo. O kon, kpundɛ tɛɛmbua n'cuaw ya co kon tuisi Esiptea coo-o pilannin niaa le.

O Kandɔɔ 24:9

O kon, mí buɛi kon handu baa o lɔlu Abraham vana ndɔ bɛndoo bɛngu, mó mɛnan maa o co ɲɛ vana ndɔ bɛndoo dimul ndu-o tosa.

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

O Kandɔɔ 21:23

Lelan sunsun, mɛnan le Hala maa a yiinin ya dúmbú naa cuavaa nia a cuavaa nia imamaa le. Mɛnan taa tòsalnin ya pila a lɛŋnde nile n co len icali nin-nden dɛnɛ kɛndɔɔ mɛɛ ya bɛɛ co nɔm dɛnɛ kɛndɔɔ tosallo yɛ.»

O Kandɔɔ 40:14

Kɛ a yandi fallo, te sɔɛi nɔmnde cuu pɛ toosian, mà muungu o vali nɔmndo nin, yiyan ya coo ma tuinun ya iɲíí, ma soo o Faraɔnnɔɔ lo, mò soli ya o kaasoo ho.

Yosue 2:19

Vana-vana fula pɛ o nɔm ndo cɛinin le kɔlan o bɛ́ɛ̀, mɛɛ ndu pila nuwviaa piɔ́m ndɔɔ ni, naa n sɔlanin yaala le. Kɛ vana-vana lo pɛ o nɔm ndo cɛinin mi n yɔŋ ndu ɲɛ, mɛɛ kooma vana kon ma delnin naa o lebol.

Yosue 6:22

Mí Yosue dimul langbaa ŋiɔŋaa kɔ mɛɛndian lɛŋnde len-nda aa: «La kɔ o Rahab vanalanɔ suundɛiyo lo cɛinin, mì la kɔ soli ndu a vanaa co o ndu lo cɛinin-nda mɛɛ niaa mɛnalan ndu yɛ.»

Masaa kialaa n'yamaa 1:24

Mí vanaa nda vem kan-nda bɔŋan a langbanɔɔ pum ciee-lekɔɔ, má dimul ndu aa: «Cɔm naa nɛiyo le fulaa ciee, mí n tuinun nɔm iɲíí.»