Yosue 2:11 - BII BILA

¹¹ Kabi naa n tuei sɔɔn mun, mí kɔlta naalan la laasian, nduyɛ vana-vana nɔ lɛ mayoomu le niaa simullo le. Kani Mɛlɛka Hala niaa co Hala co coocoo o halataala, a lɛŋ o ceendo coo-o ni.

Yosue 2:11 Referans Kwoze

Tɔŋ miingua 4:39

La sina hau sɔɛi he pɛɛngu mì la mandan ndi o kɔl, maa Mɛlɛka ndu pilɛ kpé co Hala ni. Kandɔɔ o halataala, hunɔɔ tiiyaa o lɛŋnden coo, Hala celen co le.

Yosue 5:1

Lɔ́ɔ́ masaa Amoriaa va icali Yurdɛn leeloo a ba paalen le del-lo-a a masaa Kanaŋaa va icali o mɛmma ihɛllan kɔngɔ-a kpow a tuei maa Mɛlɛka veesiaa peo Yurdɛn Israɛlla laci háá ma taŋ-ndo, má vu diallon, a sɔla lɛ mayoomu le Israɛlla simullo le.

Esai 13:7

Le hee, bala vannda kpow la fula yoomuan, kɔllo hiilun vanaciee oo vanaciee nin.

Yosue 7:5

Mí vannda Ai diw Israɛlla beleyaa a à ŋɔmpum. Má kandu nda ɲaanɔnndo kɔɔli cɔnɔnndo o dio kobio háá Sebarim. Má koaŋ nda koŋɔɔ pila o pembei tolɔɔ. Mí Israɛlla laasian kɔltan, má fula mayoomu.

Condii lisai 102:15

Powtan ndan vanaa baalaa nɔmnda kaola ni, ɲííye bii nda a cɛila bémbélan ndan.

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

1Masaa 8:60

O kon vanaa súúla yɛ́-yɛ́a co o lɛŋnden coo kpow-va co sina ni maa Mɛlɛka co Hala ni, maa o celen co o ndu kɔɔli le few!

Dɛnnda cɔɔmuanndan 6:16

Ma va pembon a powta kpovalan dimullo aa: «La del naa coo mì la ven naa, haliko vana co icali o kpɛŋɛ lemasaa nin-ndo ca naa le, kɔltuw Saa téndóó komal naa le.

Nahum 2:10

La koeindi volion a sianion cɛilan nin. Bolofaa co o kobio ho nin-ndo cuu cua le, ɲɛm sɔvɛn súú-súù ka n co n'piaa lenin ca.

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

Yosue 14:8

Mí puapilɛa nia ndáà liila ya-a va vannda yoomuan solio, kɛ mí ya i bii diom Mɛlɛka Hala-o a kɔl nuu kpow, mí lo o lediom coo.

Tɔŋ miingua 20:8

O kon, vanaa bɛndua kan cɔɔlu vɛlɛ vanaa cɔwva ɲuna aa: ‹Vɛ̀ɛ̀ vana pum co niaa tɛɛn o nɔ siòònde-o, o vesa lahɔl too? Vana kon muungu o ndu lo, yɔŋii o soli puapilɛa ndɔa yoomuan mɛɛ ndu fula yoomuan yɛ.›

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

Fulaa 15:14

Vanaa-mangalaa-isɔɔa tuei dɛnɔɔ ho, má ɲiiya a siòònde. Misìmisí bɛndu-bɛndoo bii vanaa co icali Filistii-a.

Fulaa 15:15

Simlacia Edɔm bɛɛ a yɔŋnun yulan-yulan a siòònde. Kɔltan la hiilun cuavaa lemasaa Moab nin voku-voku. Vanaa co icali Kanaan-nda bɛɛ fula mayoomu.

2Masaa 5:15

Mí Naaman muungu nda vanaa va ndu kɔɔli-a kpow o vana-tɛɛngaa-diom Hala-o lo. Ndóò tiiyaa, mó dimul ndu aa: «I sina o laan maa o lɛŋnden kpow coo, hala celen co o Hala Israɛlla kɔɔli le. Lelan cɛl ɲɛ ya buɛi nɔmndo cuu nɔm-ndo.»

Condii lisai 58:7

Éé Hala! Yimi nda ciŋndon o lasondo. Pesi yàlàá ha yaalelan, Mɛlɛka!

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Esekiɛl 21:15

Le (vannda) diwvo i cɛɛŋan ni, i co volio ŋuandi-ŋuandi i yikpɛi tɛm-tɛm. Vɛ̀ɛ̀ vana dɔawnun ɲaale a tinda lemasa po nuu? Tinda lemasaa co ɲɛ-ɲɛ mɔɛi cɔwve o hɔl te.

Yosue 2:24

Má dimul ndu aa: «Mɛlɛka cii naa lɛŋnden nden kpow malɔɔ o ba, vanaa co o lɛŋnde len nin-nda kpow a vi vɛlɛ diallon a siòòŋii nɛi.»

Yosue 9:24

Mí Kabaɔnnda mulul Yosue aa: «Nuaa naa n tuei ni maa Mɛlɛka Hala nɔmndo dimul Moise vana ndɔ baalaa ni le niaa lɛŋnden nden kpow keo, mì la diw vanaa niaa komalnin lenin-nda kpow. Lelan siòònde bii naa taw a niaa le yoomula naalan ni, mí n tosa lende.

Nehemi 6:16

Lɔ́ɔ́ yaamɔaa naa kpow a tuei ken-ndo, mí siòònde bii vanaa-mangalaa-isɔaa balu naa-a, mí siɛmbulan la bii nda taw, má sina maa o hɛnan Hala naa bɛngu baalaa kalaa tosan ni.

Ɛstɛr 8:17

O kobila leboltan kpow nin a o kobi oo kobi nin, nɛɛ-nɛɛ sɔɛi masaa ndóò dimi ken o sɛbɛlan coo-e tiiya, mí i siŋnun dɛnɛ kɔlkɛndɛ bɛndoo, ɲaaloo, kafo diaa a kponyoo le Yuifia. Mí vanaa bɔɔ-bɔɔ a siinguun nda pila Yuifia o lɛŋnde len nin, kani siòònde va nda taw a Yuifia.