Yosue 2:10 - BII BILA

¹⁰ Kani n tuei mɛɛ Mɛlɛka veesiaa mɛmma ihɛlma makpɛ̀ndɛ̀an niaa laci lɔ́ɔ́ niaa va fulaa Esipte-o yɛ, n tuei vɛlɛ ɲɛ niaa tosa a masaa ŋiɔŋaa Amoriaa va Yurdɛn leeloo-a-o, Sihon nda Ɔk pɛɛn, a niaa tɛɛmbuu-a.

Yosue 2:10 Referans Kwoze

Tɔŋ miingua 2:30

Kɛ mí Sihon, masaa Hɛsbɔn kuuna naa le keiyo o lɛŋnde ndɔlen nin. Kani mí Mɛlɛka Hala niaa kindi ndu nilan haliko mi ndóò del niaa o ba paale len a lɛŋnde ndɔlen kpow.

Kundalan 23:22

Mɛlɛka soli nda Esipte ni, mɛɛ cìíyo nɔ yoomuan nuaa yɛ nda nɔ kpaayaa ni.

Yosue 4:24

O tosa kon, haliko mi vannda o lɛŋnden kpow coo a sina mɛɛ o nɔ kpaayaa yɛ, mì siòònde bii nda a ndu Mɛlɛka Hala niaa le lɔ́ɔ́-lɔ́ɔ̀.»

Kundalan 20:14

A lo Kadɛs, mí Moise viam kiilaa o masa va Edɔm-ndo lo le ndu dimullo aa: «Cuavaa puapilɛ nɔmndo Israɛl a soaa nuaa ni: Nɔm pila sina sangala kei naa coo lan kpow.

Kundalan 24:8

Mɛɛ Hala soli nda Esipte a kpaayaa maa kpaaya cìí, má kei vanaa simul nda-a diw, má yimi nda paalan, má cɛɛluu nda a kɔɔn.

Yosue 5:1

Lɔ́ɔ́ masaa Amoriaa va icali Yurdɛn leeloo a ba paalen le del-lo-a a masaa Kanaŋaa va icali o mɛmma ihɛllan kɔngɔ-a kpow a tuei maa Mɛlɛka veesiaa peo Yurdɛn Israɛlla laci háá ma taŋ-ndo, má vu diallon, a sɔla lɛ mayoomu le Israɛlla simullo le.

Condii lisai 74:15

Nɔm kumbi soonnda mamɛnndan a peelan ni, nɔm veeliaa peela ve vela lɔ́ɔ́-lɔ́ɔ̀ le lan ni.

Yosue 9:10

n sina vɛlɛ ɲɛ o tosa a masaa ŋiɔŋaa Amoriaa va o peo Yurdɛn leeloo-a-o, Sihon va masaa Hɛsbɔn-ndo a Ɔk va masaa Basan-ndo, ó va icali Astarɔt-o pɛɛn.

Yosue 24:12

Mí viam sunbungaa niaa laci, má toaw masaa ŋiɔŋaa Amoriia. O ve a mɔɛi cɔw le, o ve vɛlɛ a kpaasiaa le niaa tow nda le.