Biblia Todo Logo
Bib sou entènèt

- Piblisite -




Yosue 2:1 - BII BILA

1 A lo Sitim, mí Yosue, po Nun-ndo viam langbaa pum nda ŋiɔn o vionnɔnndo nin, le kɔlan lɛŋnden a kobio Yeriko fɛfɛlaa. Ndáà kɔlan, má kɔ luɛi o yiya o vanalanɔ suundɛiyo pum ndo cɛinin, diolan ndu Rahab. Má lɔl lon.

Gade chapit la Kopi




Yosue 2:1
23 Referans Kwoze  

A laalanndo, Rahab cua suundaa sɔla piɔ́mndo latulu nda vanaa simul Hala-a le, kani mó yiya suansuaŋaa Israɛlla ɲɛkɛndɛi.


Vɛ̀ɛ̀ o co le dɛnndan te Rahab, vanalanɔ suundɛiyo siŋnun vana sandaa le tùú o sɛɛna kiilaa, mó mingi nda o nɛi celen-ndo le?


Salmɔn yɔŋnun fuɲaa Boas ni, kalaa Boas kon va Rahab ni, mí Boas vialu Obɛd. Ruti yɔŋnun kalaa Obɛd kon ni, mí Obɛd vialu Yisai,


Telen Israɛlla va Sitim-ndo, mí vanpiaandua kandu laasianndo o suundaa nin a vanlaandua Moab.


Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.


«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.


Mɛɛ Yosue nda Israɛlla kpow a cɛn Sitim idiiyo púŋ, má tiiya o peo Yurdɛn kɔngɔ. Má kila caltan le telen taŋaa pee kalaa cumndo lon.


«Hɛli vanpiaandua o simlacia Israɛlla tɛɛn, o lepolaa-lepola nin vana pilɛ, ma vem nda suansuaannden le kɔlan lɛŋnden Kanaan fɛfɛlaa, lɛŋnde ya yɔngu Israɛlla len.»


Telen vana-solia-lasálà kon va isisi o dio nda vanaa kɛmɛ leŋɔmpumaa ɲɛm cɔwvon va kan o laba-a-o, mí vanaa ŋuɛɛnua kɔ mɛɛndian kan lɛŋnden-nda luɛi cɛinin, má cua tuula piɔm va lon-ndo, doma ifalen solia lasálàá, piɔmaa tongoninnda, má cua vɛlɛ piɔm ndáà cɔw kon a ciliŋun teengian-ndo.


Mí vanaa fula kan o polale len nin-nda hɛli vanaa cɔvaa mayoomua nda ŋuɛɛnu nda pila tɛɛn nɛɛ nda va Sorea a Ɛstaɔl-la, má viam nda le lɛŋnde len mɛɛndianndo ɲɛkɛndɛi. Vanaa kan tiiyaa o tàndá n'pembu Efraim-ndo nin, má sim o cɛi Mika-o ikɛi.


Mí Israɛlla cal Kilkal, má tosa kafo-hiavaa-coo o paale tɔ́ a lehiɔɔlundɔlen icɔllo o paangii ken nin o dɛɛlalan Yeriko nin.


Má kila dɔ́ɔ́ngɔ́ ndaa o dɛɛlalan Moab nin ndon, o peo Yurdɛn ikɛi. Bɛt-Hayesimɔt a Abɛl-Sitim tɛɛn dɔ́ɔ́ngɔ́ kon va ni.


Mí vanaa ŋuɛɛnua ndáà kɔɛ kan lɛŋnde Lais len mɛɛndianndo-a dimul caaŋaa ndaa aa: «La co pá sina maa doma ifalen solia lasálàá, piɔmaa tongoninnda, piɔm tuulaa a piɔm nda cɔw a ciliŋun teengian-ndo co o cɛilan ndan o pilɛ nin? Niaa pila yiyan niko ɲɛ niaa bɛnda mì la tosa-o.»


Vana-vana tosal nɔm pɛ nila kalulan, mò bii sɔɔn nɔmndon te, vana kon ndu sɔlanin piɔ́mndo. Lelan, lueinun yoomuan ma sim yili.»


Mí vannda kɔ dimul masaa Yeriko aa: «Poaa Israɛlla pum hin cɔɛllɛn nanu le lɛŋnden fɛfɛlaa.»


Vanaa nia sei, la yiyan-ndɔ mɛɛ Balak masaa Moab ndóò tuu le niaa dɛnɛ vɔɔndo tosallo yɛ. La loonun-ndɔ mɛɛ Balaam po Beɔr-o mulul ndu yɛ. O kon kɔɔli, mí ya pila sim niaa laci cɔnɔnndo Sitim háá Kilkal. La co sina o kon maa dɛnɛ sandaa tuŋ ya Mɛlɛka co niaa tosallo ni.›»


O kon mó loonun a lɔma ndóò sɔl lɔ́ɔ́ kon a nda o kɔɔ-an. Mó dimul nda aa: «Suansuaanda niaa co ni. Le fonda lɛŋnde naalen le nɔ mayoomu loo sinaa niaa hin nanu ni.»


La viom vana pilɛ o niaa tɛɛn, mò kɔ hun a ndu, mì a tɔ̀a co lo nanu-a va pɔɔ o biyɔɔ nin háá mì sina te toɲaa niaa dimi ni. Te o co kon te, mɛɛ te Faraɔnnɔɔ co yoomu, suansuaanda niaa co ni.»


Mí Mɛlɛka soaa o Moise lo, mó dimul ndu aa:


Má viam fɔlɔn suansuaanda, má kɔ mɛɛndian kobi kalaa kpow, Betɛl kon ndáà veelu paandu ni aa Lus.


Swiv nou:

Piblisite


Piblisite