Yosue 18:3 - BII BILA

³ O kon mí Yosue ɲuna nda aa: «Telen kuɛɛ niaa co yɛ cumndo le kɔlan lɛŋnde Mɛlɛka Hala fuɲaa niaa mamaa yɔngu niaa len biyɔɔ?

Yosue 18:3 Referans Kwoze

Talelan 13:4

Vana siɛlɛiyo nɔ yeeman, kɛ n peelun te. Vanaa fula diallon-nda, ɲɛ-ɲɛ ko connun nda o ba.

Masaa kialaa n'yamaa 18:9

Má dimul nda aa: «La cɔn mì n kɔ delnun vannda Lais coo a cɔwvo. Kani lɛŋnde kɛndɛ-kɛndɛlen lɛŋnde ndalen le co ni. Là ló icali a siɛlɛiyo nuaa le, la keleŋa lakɔ le lɛŋnde len hiɔlɔɔ.

Matie 20:6

A lɛɛlɛ ŋuɛɛnundɔɔ, mó fula vɛlɛ, mó saalun a pum, a vannun isisi lon. Mó ɲuna nda aa: ‹Le yɛɛ niaa niinu yɛ hau nanu kpɛŋ, la tosa ɲɛ-ɲɛ le?›

Talelan 15:19

Maa bɔ̀ɔ̀ n'yɔɔ nɛi vanaa siɛlɛiya co ni, kɛ pemale vanaa sandaa co ko maa nɛi siaa vakpa.

Talelan 10:4

Balan kafalaa cuu vana pɛŋnden ni, kɛ bala baalalan ndan, bolofaa la luei ni.

Sofoni 3:16

Paale len, vannda vanin dimio Yerusalɛm aa: ‹Siòòŋii bii niaa le, niaa vannda Siɔn, la vu n'dial te.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Yosue 18:2

Kɛ vanaa pum va nda tɛɛn, fulaa o polan man ŋɔmmɛw nin, nda ndáà sɔla vɔ kɛ́ lelɛŋ o piɔw kon nin te.

Yosue 18:4

O lepola oo lepola nin, la hɛli vanpiaandua nda yáá mì vem nda, mà kɔ balu lɛŋnden, mà sina mɛɛ le co yɛ, mà tuu len mɛɛ nda piɔwnin nden kɛ́ɔ yɛ. O kon kɔɔli, a muungu ya o ibuŋ.

Yosue 1:6

Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

Yosue 13:1

Yosue ndóò yuuva nin taw. Mí Mɛlɛka dimul ndu aa: «A yuuva nin taw-taw, nduyɛ, fondalan la lo vɔ taw le biyɔɔ o lɛŋnden coo.