Yosue 16:1 - BII BILA

¹ Pɛɛngula lɛŋnde cuavaa-imamaa Yosɛf-a sɔla len-ndan la yɔŋnun ndan ni: cɔnɔnndo o peo Yurdɛn, mí la kei o pee kolaa Yeriko ciee-lekɔɔ a ba paalen le can-ndo. Cɔnɔnndo Yeriko lon, mí la kei o lɛŋnde veselɛilen nin, mí la kɔ hel o tàndá n'pemboo Betɛl.

Yosue 16:1 Referans Kwoze

Yosue 18:12

Pɛɛngula ndalan a maluaŋ la va lan ni: cɔnɔnndo Yurdɛn, helɔɔ Yeriko a maluaŋ, hiovɔɔ o tàndá n'pemboo a ba paalen le del-lo, kɔlan tiiyaa háá o lɛŋnde veselɛilen Bɛt-Avɛn.

Yosue 8:15

Mí Yosue nda Israɛlla tɔ̀a ɲaanun nda, má kɔa a kpengii lɛŋnde veselɛilen.

Yosue 15:61

Kobila va o lɛŋnde veselɛilen nin-ndan la co lan ni: Bɛt-Araba, Midin, Sekaka,

1Samiɛl 30:27

Mó yoo kaasoŋaa kɔlkalua Betɛl, kaasoŋaa kɔlkalua Ramɔt a ba too, kaasoŋaa kɔlkalua Yatir,

O Kandɔɔ 35:24

Poaa Rasɛl-la yɔŋnun haa ni: Yosɛf nda Bɛnyamɛn.

Yosue 18:5

A piɔwnin lɛŋnden kundalan tan ŋɔmmɛw. Vanaa fula o polale Yuda len nin-nda lonin o pɛɛngula ndalan coo a ba too, mì vanaa fula o polale Yosɛf len nin-nda lo o pɛɛngula ndalan coo a maluaŋ.

Masaa kialaa n'yamaa 1:22

Mí Mɛlɛka sim vanaa fula o polale Yosɛf len nin-nda kɔɔli, ma kuel vannda Betɛl.

Masaa kialaa n'yamaa 1:23

Má viam fɔlɔn suansuaanda, má kɔ mɛɛndian kobi kalaa kpow, Betɛl kon ndáà veelu paandu ni aa Lus.

Esekiɛl 48:5

Bungɛi polale Efraim-nden le sɔlanin-nde vanin o bungɛi polale Manase len le sɔlanin-nde demullo, cɔnɔnndo a ba paalen le can-ndo kɔlan a ba le del-lo.