Yosue 12:1 - BII BILA

¹ Mí Israɛlla nɔla masaa va o lɛŋii ken nin-nda, má hialu lɛŋnde ndalen Yurdɛn leeloo a ba paalen le can-ndo, kandɔɔ o pee pɔmbɔɔ Arnɔn, kɔ tiiya háá o pembei Hɛrmɔn coo, handɔɔ a haa o bóllo Araba nin, nɛɛ paalen le can-nda. Masaa kan yɔŋnun haa ni:

Yosue 12:1 Referans Kwoze

Masaa kialaa n'yamaa 11:18

O kon kɔɔli, má can kɔlan, má va keiyo o lɛŋnde veselɛilen nin, má pilapilan lɛŋnde Edɔm-nden a lɛŋnde Moab len, má tiiya Moab a ba paalen le can-ndo. Má cal o peo Arnɔn leeloo, a luei o lɛŋnde Moab len nin te, kani peo Arnɔn va pɛɛngulan ni.

Yosue 1:15

háá mì Mɛlɛka ke nda pɛngio mɛɛ o ke niaa pɛngio yɛ. Mì nda bɛɛ luɛi, mà kɔ cal o lɛŋnde Mɛlɛka Hala niaa yɔngu nda len nin. O kon, la muungu niko, la cal o lɛŋnde Moise vana baala Mɛlɛka-o ke niaa o peo Yurdɛn leeloo, a ba paalen le can-ndo len nin.»

Kundalan 21:24

Kɛ mí Israɛlla soaŋ ndu, má nɔla ndu, má puu lɛŋnde ndɔlen kandɔɔ Arnɔn o peelo, keiyo a peo Yabɔk, kɔlan biyɔɔ a lɛŋnde Amɔnnda. Pɛɛngula lɛŋnde Amɔnnda la va lakungaalan pindo a kpakio.

Kundalan 21:13

Cɔnɔnndo lon, ma kɔ cal vɛlɛ Arnɔn leeloo, pee fula o lɛŋnde Amoriia nin mó kei o lɛŋnde veselɛilen nin-ndo, o co o pɛɛngulan lɛŋnde Moab len a lɛŋnde Amoriia tɛɛn-ndo pɛɛn.

Esai 16:2

Maa mɛɛ yovaa nda bendu o vɛɛnnden nin ma ɲaanun nda va nuaa yoloma-yoloma yɛ, lende vanlaandua Moab vanin o tɛyii peo Arnɔn taŋɔɔ ni.

Condii lisai 133:3

O co macoaa maa kɛmma co tolɔɔ o pembei Hɛrmɔn ndan, ma co tolɔɔ o pembon Siɔn coo-an pɛɛn. Kani Siɔn ndon Mɛlɛka kila calta ndɔlan ni, o cii fonda kalaa duaa dɔvɔɔ le lɔ́ɔ́-lɔ́ɔ̀.

Yosue 22:4

Pɛngi Mɛlɛka Hala niaa ndóò yiilu puapilɛa niaa kpemaa le nda yɔngoo-o, o cii nda ndu yɔngu. Lelan, la muungu niko o cɛila-kolala-toandaala niaalan nin, o lɛŋnde niaa sɔla len nin, le Moise vana baala Mɛlɛka-o yɔngu niaa Yurdɛn leeloo len pɛɛn.

Yosue 11:17

Kandɔɔ o pembii bil vil coo lei a ba pembei Seir a ba too, kɔlan Baal-Kad o bóllo Liban nin, kɔlan tiiyaa háá o pembei Hɛrmɔn bɛngu a ba luaŋ-ndo, mó bii masaa va o tàndàla lan nin-nda kpow, mó diw nda.

Yosue 11:3

Mó viam vɛlɛ kiilaa o Kanaŋaa va o kɔngɔla tiɔnnda peo Yurdɛn demullo lan-nda lo, o Amoriia lo, o Hitiia lo, o Perisiia lo, o Yebusiaa va o tàndá n'pemboo nin-nda lo a o Yebusiaa va o pembei Hɛrmɔn bɛngu o tàndá Mispa-o nin-nda lo.

Tɔŋ miingua 4:48

Mí Israɛlla cal o lɛŋnde cɛn a Aroɛr o kɔngɔ feke-feke peo Arnɔn-ndo coo mí le kɔ tiiya o pembei Sion coo len nin, pembei Hɛrmɔn pɛɛn.

Tɔŋ miingua 2:24

Mí Mɛlɛka dimul-la lɔ́ɔ́ kon aa: ‹La cɔn mì la bii nɛiyo le kɔlan, la taŋ pee pɔmbɔɔ. I co Sihon, masa Amoriia, ó va icali Hɛsbɔn-ndo a lɛŋnde ndɔlen kpow malɔɔ niaa o ba. La kandu lɛŋnden hiɔlɔɔ lon, la del ndu coo a cɔwvo.

Kundalan 32:19

Kɛ naa n bɛnda lɛ mi n sɔla kɛ́ lelɛŋ Yurdɛn leeloo a laci le, kani naa n co lɛŋnden a yondolan sɔla Yurdɛn leeloo nanu, a ba paalen le can-ndo.»

Kundalan 32:33

O kon, mí Moise yɔngu polale Kad len, polale Rubɛn-nden a polale tálále Manase po Yosɛf-o len lɛŋnde va Sihon, masa Amoriia o ba bɛngu len a lɛŋnde va Ɔk, masaa Basan o ba bɛngu len. Kandɔɔ lɛŋii ken, kobila va lenin-ndan a yondola lɛŋii ken kpede, mó yɔngu nda.

Yosue 13:8

Polale tálále tɔ̀le Manase len a polama Rubɛn a Kad-an maa cii nin kɛ́ ndaa sɔla Yurdɛn leeloo a ba paalen le can-ndo, mɛɛ Mɛlɛka ndóò dimul Moise le nda lɛŋnden piɔwvo yɛ.

Condii lisai 89:12

Nɔm o ba hataalaa co ni, lɛŋnden le co nɔm vɛlɛ o ba, nɔ̀m cɔw ceendo a ɲɛm co lenin-ndon ni.

Condii lisai 136:21

Mó siinguu lɛŋii ndɛi kɛ́ɔ, kani kaola ndɔɔ nɔ lamɛɛlu le.

Kundalan 21:21

Mí Israɛlla viam kiilaa o Sihon masa Amoriia lo, má dimul ndu aa:

Kundalan 32:32

N co ɲɛm cɔwvon cua mì n taŋ Mɛlɛka o hɔl le cɔwvo tosaa o lɛŋnde Kanaan-nden nin, kɛ lɛŋnde naa n loonin kɛ́ɔ len le co va Yurdɛn leeloo nanu.»

Tɔŋ miingua 2:32

Mí Sihon luɛi yondo le naa cɔlɔbaa, mó del naa coo a cɔwvo Yahas a vanaa ndɔa cɔwva kpow.

Tɔŋ miingua 3:1

«Mí n muli hɔlla a kpengii celen, mí n kɔa a ba Basan-ndo, kɛ mí Ɔk, masaa Basan hinul naa a vanaa ndɔa cɔwva kpow. Mó del naa coo Edrei.

Tɔŋ miingua 4:44

«Tɔŋndo ho Moise tɛɛsial Israɛlla ni,

Tɔŋ miingua 4:46

Tuma ndáà kila dɔ́ɔ́ngɔ́ɔ̀ Yurdɛn leeloo a ba paalen le can-ndo-o, o dɛɛlaa nin Bɛt-Peɔr o hɔl-ndɔ, o tàndá masaa Sihon-ndo nin o dimul nda sɔɔn mun ni. Masa Amoriaa kan va icali Hɛsbɔn ni, kɛ mí Moise a Israɛlla a nɔla ndu telen nda cɛn Esipte-o.

1Masaa 4:19

Kebɛr po Uri-o va o tàndá Kalaad-o nin ni. Ndu koni tàndá Sihon masa Amoriia a Ɔk masaa Basan-ndo va o ba bɛngu ni. Handɔɔ o n'van tɔ́ a vanaa ŋiɔnda ha coo, masa ibungaa pilɛ va vɛlɛ o lɛŋnde len nin.