Yosue 11:12 - BII BILA

¹² Mí Yosue nɔla masaa mɔsɔŋian kan-nda kpow, mó bii kobila ndalan. Mó diw masaa kan a vanaa va icali o kobila lan nin-nda kpow mɛɛ Moise vana baala Mɛlɛka-o ndóò dimul ndu yɛ.

Yosue 11:12 Referans Kwoze

Tɔŋ miingua 7:2

te Mɛlɛka Hala niaa mal nda pɛ niaa o ba mi la nɔla nda, la bɛnda mì la cii nda kpede. La bɛnda mì la yii kpema oo kpema a nda le, la bɛnda mì la nɔ iɲíí a nda le.

Yosue 11:15

Diom Mɛlɛka ndóò dimul Moise vana ndɔ baalaa a dɛnɛ kon o kɔɔ-o, ndu koni ndu Moise bɛɛ tɛɛngul Yosue ni, mi Yosue bɛɛ tosa lende kpafii.

Yosue 10:37

Má bii ndu, má dii masa va lon-ndo a vanaa va lenin-nda. Má biw vɛlɛ kobila pɔmbɔla va Hebrɔn balɔɔ lan kpow, má diw vanaa va lenin-nda. Mí Yosue tɛɛmbuu kobio Hebrɔn kpede, mó mulin mó diw vanaa va lenin-nda kpow mɛɛ o tosa a kobio Ɛklɔn yɛ, hali vana pilɛ o mɛi yoomu le.

Yosue 10:35

Má bii ndu o paale pilɛle len coo, má diw vanaa va lon-nda kpow, mí Yosue tɛɛmbuu kobi kon kpow maa mɛɛ o tosa a kobio Lakis yɛ.

Yosue 10:32

O paale diinndɔlen, mi Mɛlɛka mal nda kobi kalaa o ba, má bii ndu, má diw vanaa va lon-nda kpow, a mɛi vana-vana yoomu le, maa mɛɛ ndóò tosa a kobio Libna yɛ.

Yosue 10:30

Mí Mɛlɛka mal nda kobi kon a masa ndɔɔ o ba, má diw vanaa va lenin-nda kpow, hali vana pilɛ bɛɛ helun te. Mó tosa a masa va lon-ndo mɛɛ o tosa a hoo Yeriko yɛ.

Yosue 10:28

Paale pilɛle len, mí Yosue bii kobio Makeda, mó diw vanaa va lon-nda kpow a masa ndaa. Mó tɛɛmbuu nda kpow, o mɛi vana-vana yoomu le, mó tosa a masaa Makeda mɛɛ o tosa a hoo Yeriko yɛ.

Yosue 9:24

Mí Kabaɔnnda mulul Yosue aa: «Nuaa naa n tuei ni maa Mɛlɛka Hala nɔmndo dimul Moise vana ndɔ baalaa ni le niaa lɛŋnden nden kpow keo, mì la diw vanaa niaa komalnin lenin-nda kpow. Lelan siòònde bii naa taw a niaa le yoomula naalan ni, mí n tosa lende.

Yosue 8:31

Mo cɔaw ndu a powta ciliŋii valii pilan te lan. O fonda-loamaa-lasálà kon coo Israɛlla ndáà bɛnda le sálàla loamaalan a sálàla kɔlɲululan solio ni. Lende Moise vana baala Mɛlɛka-o ndóò dimul Israɛlla ni, sɔɔn mun co n'sɛvan o sɛbɛ tɔŋ Moise-o nin.

Yosue 8:8

Te la bii dɔ́ɔ́ kobio pɛ, la mal ndu yin mɛɛ Mɛlɛka dimi yɛ. Ɲɛ ya dimul niaa le tosaa-o co kon ni.»

Yosue 11:13

Kɛ Israɛlla lumuu kobila va o pembon coo lan te, kobio Hatsɔr kínɛí Yosue lom ni.

Tɔŋ miingua 9:3

Kɛ la bɛnda mì la sina vɛlɛ hau maa Mɛlɛka Hala niaa co kɔlan niaa laci maa yinnde bɛndu. O tɛɛmbuunin vanaa kan, mò tosa ma ɲaanun niaa, mì la puu lɛŋnde ndalen, mì la cii nda tɛɛmbuu cɔ́-cɔ́ mɛɛ Mɛlɛka yiilu niaa kpemaa yɛ.

Yosue 10:20

Mí Yosue nda Israɛlla a nɔla Amoriia, má diw nda taw-taw, vanaa hɛlun má sɔɔndian-nda kínɛí kɔ luɛi o kobila mayoomulan nin ni.

Yosue 13:6

a vanaa co o tàndá n'pemboo coo Liban a Misrefɔt-Maim tɛɛn-nda kpow, Sidɔnnda kpow. Ya pila toawnin nda Israɛlla laci ni. Nduyɛ, mal siondei ma piɔw lɛŋnde len Israɛlla tɛɛn mɛɛ ya dimul nɔm yɛ,

Yosue 21:44

Mí Mɛlɛka luei nda kɔlɲuloo tɛɛn nda lɛŋii ndáà salu pɛɛngulan-nde kpow, maa mɛɛ ndóò yiilu fuɲaa ndaa mamaa kpemaa yɛ. O yaamɔaa ndaa tɛɛn vɛlɛ, o kɛ́-kɛ̀ nɔla nda simullo le. Mí Mɛlɛka mal yaamɔaa ndaa nda o ba.