Yosue 11:1 - BII BILA

¹ Yabin, masaa Hatsɔr tueyɔɔ maa a nɔla yaamɔaa ndɔa, mó vim Yobab va masaa Madɔn-ndo, masa va Simrɔn-ndo, a o va Aksaf-o kiilaa,

Yosue 11:1 Referans Kwoze

Yosue 11:10

O telen kon, mí Yosue muungu, mó kɔ bii kobio Hatsɔr, ndu va paandu kobi lebollo le masɛi va a ba luaŋ-ndo-e kpow ni. Mó dii masa va lon-ndo,

Masaa kialaa n'yamaa 4:2

Mí Mɛlɛka mal nda Yabin o ba, masa Kanannɔ va icali Hatsɔr-o. Vana va vanaa ndɔa cɔwva bollen-ndo va Sisera ni, Harosɛt-Koyim calta ndɔlan la va ni.

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Masaa kialaa n'yamaa 4:17

Mí Sisera lo kiltan yondoo nin háá mó kɔ fula o cɛi-kola-toandaa Yaɛl lanɔɔ Hebɛr Keniinɔ-o. Kani bɛndaa va Yabin masaa Hatsɔr tɛɛn nda yungu Hebɛr Keniinɔ-o.

Yosue 19:36

Adama, Rama, Hatsɔr,

Yosue 12:19

masaa Madon, masaa Hatsɔr,

Yosue 10:43

O kon kɔɔli, mí Yosue nda Israɛlla kpow a muungu o dɔ́ɔ́ngɔ́ɔ̀ nin Kilkal.

Masaa kialaa n'yamaa 5:19

O kon mí masaa hun, má hun cɔlɔba, a toɲa, mi masaa Kanannda cɔlɔba, Taanak o mɛnndan Mekido ikɛi nda cɔlɔba ni. A sɔla tɔnɔ oo tɔnɔ o cɔw kon nin te, voliei pilɛ bɛɛ a sɔla le.

1Masaa 4:11

Po Abinadab-o ndóò nɔ tàndá n'pemboo Dɔr ni. Tafat, cua Salomɔn-ndo va laa ndɔ ni.

1Masaa 9:15

Mí masaa Salomɔn tundu vannda le baalala lepɔtɔltan tosaa le Cɛi-Mɛlɛka-o, cɛi ndɔ lemasaa, sɛmtɛ ndáà veelu aa Millo-o a kpakio Yerusalɛm tangullo. Mó tundu vɛlɛ nda pɔtɔlten le kobilan ndan tangullo: Hatsɔr, Mekido a Kesɛr.

Yosue 9:2

mí nda kpow yiinan le Yosue a Israɛlla cɔlɔbaa.

Yosue 12:20

masaa Simrɔn-Mɛrɔn, masaa Aksaf,

2Samiɛl 10:15

Aramiia cɔu maa Israɛlla nɔla nda, má cuungiaa vanaa ndaa cɔwva kpow.

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.