Yosue 10:8 - BII BILA

⁸ Mí Mɛlɛka dimul Yosue aa: «Siòòŋii bii nɔm a nda le, i cii nda malɔɔ nɔm o ba, o nda tɛɛn, vana pilɛ bɛɛ nɔlanin nɔm simullo le.»

Yosue 10:8 Referans Kwoze

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Tɔŋ miingua 3:2

O kon mí Mɛlɛka dimul-la aa: ‹Yɔŋ isiòòn a ndu le. Kani i mal ndu nɔm o ba a vanaa ndɔa cɔwva a lɛŋnde ndɔlen kpow. La co ndu nɔla mɛɛ niaa nɔla Sihon masa Amoriia, ó va icali Hɛsbɔn-ndo yɛ.›

Yosue 11:6

O kon mí Mɛlɛka dimul Yosue aa: «Siòòŋii bii nɔm a nda le, kani siɔdii a telen vaa nuaa kpafii, i tosanin mà deli a yɔŋulɛiya Israɛlla o ba. A kilinin soa ndaa tɔndikɔɔlion, mà lumi ɲɛla ɲaanannda ndala soa nan-ndan.»

Yosue 8:1

Mí Mɛlɛka dimul Yosue aa: «Siòòŋii bii nɔm te, vu n'dial te. Cua vanaa nɔmaa cɔwva kpow, mì la kɔ del kobio Ai coo a cɔwvo. Kani i cii kobi kalaa, masa ndɔɔ, vanaa ndɔa a lɛŋnde ndɔlen kpow malɔɔ nɔm o ba.

Tɔŋ miingua 7:24

O malnin masaa ndaa niaa o ba, mì la ɲumi diola ndalan o lɛŋnden coo. Vana-vana nɔlanin niaa simullo le. La co nda cii diw kpow.

Yosue 10:9

Mí Yosue can Kilkal, mó lɔl kɔlan pii, mó kɔ voolu nda a cɔwvo.

Yosue 10:25

Mí Yosue dimul nda aa: «Siòòŋii bii niaa le, la vu n'dial te, la kɛsi kɔltan mì la sim yili, kani nuaa Mɛlɛka tosanin a yaamɔaa niaa niaa cɔlɔbanin-nda ni.»

Masaa kialaa n'yamaa 7:9

Icɔl kon, mí Mɛlɛka dimul Sedeɔn aa: «Cɔn ma kɔ del Madiannda coo a cɔwvo o dɔ́ɔ́ngɔ́ ndaa nin, kani i cii nda malɔɔ niaa o ba.

Masaa kialaa n'yamaa 6:16

Mí Mɛlɛka dimi aa: «Ya pila vanin nɔm ikɛi, a koaŋnin Madiannda mɛɛ vana del vana pilɛ coo nuaa ma koŋ ndu yɛ.»

1Samiɛl 17:47

O laan vannda ha kpow a co sina ni maa o co a mɔɛi cɔw, te kon te a bál te Mɛlɛka baŋa vana le. Mɛlɛka co naa mala mì n nɔla niaa, kani ndu Mɛlɛka nɔ cɔwvo o ba ni.»

1Masaa 20:13

Mí vana-tɛɛngaa-diom Hala-o pum kɔ dimul Akab masa Israɛlla aa: «Kámáá a ce vanaa cɔvaa co haa hunɔɔ sɛ́lɛ́ bɛndoo-a? Mɛlɛka dimi aa o co nda hau malɔɔ nɔm o ba. O kon n sinanin ni maa ndu co Mɛlɛka ni.»