Yosue 10:4 - BII BILA

⁴ «La hun mala ya, mì n kɔ delnun Kabaɔn coo a cɔwvo, kani a cii kpema icanyaa yii nda Yosue a Israɛlla.»

Yosue 10:4 Referans Kwoze

Yosue 9:15

Mí Yosue luei kɔlɲuloo a nda tɛɛn, mó yii kpemaa nda ndaa le nda mɛiyo yoomu. O kon, mí simlacia va nda tɛɛn-nda tiinda sɔɛi ken a mɛnanndo.

Yosue 10:1

Mí Adoni-Sedɛk, masaa Yerusalɛm tuɛi maa Yosue bii kobio Ai, mó tɛɛmbuu ndu kpow, maa o cii tosa a kobi kalaa a á masa ndɔɔ mɛɛ o tosa a Yeriko a á masa ndɔɔ yɛ. Mó tuɛi vɛlɛ maa Kabaɔnnda yii kpema icanyaa nda Israɛlla, má cal latulu nda ndaa.

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

1Piɛr 4:4

Kɔndɔfillo bii nda ni, le niaa kɛɔ cɔu delɔɔ nda kɔɔli o laasi-laasi nda kon nin, mà muungu niaa congulan:

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

2Timote 3:12

Síná pɛɛngu maa vanaa-vanaa yeema le lou o diomnden coo a yiinannda a Krista, ó co Yeesu-o, vanaa kan a sɔlanin yɛle tolaalen.

Dɛnnda kiilaa 21:28

má yonda aa: «Israɛlla sei, la mala naa! Langbanɔɔ ho co keiyo vannda pɛɛkoo nɛɛ-nɛɛ ka le vanaa naa, tɔŋ naa, a le Cɛi-Hala naa hoo simullo ni. Sunsun, o cii vanaa co N'Yuifi le-a luei o Cɛi-Hala-o nin, mó nɔɔliaa fonda-diandaa hoo.»

Nsaŋ 15:19

Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni.

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

Yosue 10:5

O kon mí masaa ŋuɛɛnua Amoriaa kan, hoo Yerusalɛm, hoo Hebrɔn, hoo Yarmut, hoo Lakis a hoo Ɛklɔn a cuungian nɛɛ pilɛ, má kɔa a vanaa ndaa cɔwva kpow, má kɔ kila dɔ́ɔ́ngɔ́ nda cɔwvo Kabaɔn ciee-lekɔɔ, má tiila kobio, má del ndu coo a cɔwvo.