Yosue 10:3 - BII BILA

³ O kon, mí Adoni-Sedɛk va masaa Yerusalɛm-ndo viam kiilaa o Hoham masaa Hebrɔn ndo, o Piream masaa Yarmut lo, o Yafia masaa Lakis lo a o Debir masaa Ɛklɔn ndo le nda dimullo aa:

Yosue 10:3 Referans Kwoze

Misee 1:13

Niaa vanaa co icali Lakis-a, la baa soa o ɲɛla ɲaanannda soa nan-ndan. La yɔŋnun vanaa lo o lediom coo le. Maa Israɛlla niaa bɛɛ kela ni, mì Yerusalɛmnda nda pɛɛkuu dɛnnda vɔɔnndan niaa kɔɔli.

2Dɛnnda lemasalan 11:9

Adoraim, Lakis, Aseka,

2Masaa 18:17

Masaa Asiri lo Lakis, mó viam simlacinɔ tase vanaa ndɔa cɔwva, bolle vanaa bɛndua va ndu o ba bɛngu-a a bolle vanaa yɔngù masaa mɔiyan-nda o Esekia lo Yerusalɛm. Mí vanaa kan kɔa a vanaa cɔwva taw kɔɔli. Ndáà tiiyaa, má kɔ sim o soon mamɛn co a ba luaŋ-ndo-o, o nɛi kɔɛ a ba yondo vanaa tɔaa lavolɔɔa-o.

2Masaa 18:14

Mí Esekia masaa Yuda viam kiilaa o masaa Asiri lo, nɛɛ o va o kobio Lakis nin-nda le ndu dimullo aa: «I nɔ dí le! Hinul-la le, muungun, bɔnɔ oo bɔnɔ n kilul-la pɛ, i yɔngu.» O kon mí masaa Asiri luei Esekia, masaa Yuda bɔnɔɔ volin latámán kilolan vàála ŋɔmahiɔɔlu a sianion kilolan kɛmɛ leŋɔmahiɔɔlu.

2Samiɛl 2:11

Mí David tosa masalen vɔsilan tan ŋɔmmɛw o polale Yuda len coo, Hebrɔn o va icali telen kon ni.

Yosue 18:28

Sela, Elɛf, Yebus (kon co Yerusalɛm ni), Kibea a Kiriat. Faw-faw, la va kobilan tɔ́ a lahiɔɔlu a cieon va lan o ba bɛngu-on. Kon yɔŋnun kɛ́ɔ le poaa Bɛnyamɛn-nda ni, mɛɛ yungula ndalan la va yɛ.

Yosue 15:63

Kɛ polale Yuda len le nɔla Yebusiaa va icali Yerusalɛm-nda tovɔɔ le, lelan Yebusiia lo icali Yudaa tɛɛn o kobi kon nin háá paalen nden ni.

Yosue 15:54

Humeta, Kiriat-Arba (o ndáà veelu vɛlɛ aa Hebrɔn-ndo) a Siɔr. Faw-faw, kobilan tan ŋɔmahiɔɔlu a cieon va lan o ba bɛngu-on.

Yosue 14:15

Nuaa ndáà veelu Hebrɔn paandu ni aa Kiriat-Arba. Vana hiow tɔ́ɔ́ fula o cuavaa-imamaa Anak-a tɛɛn-ndo Arba kon yɔŋnun ni. O kon, mí vannda sɔla kɔlɲuloo, cɔw ve lɛ le.

Yosue 10:5

O kon mí masaa ŋuɛɛnua Amoriaa kan, hoo Yerusalɛm, hoo Hebrɔn, hoo Yarmut, hoo Lakis a hoo Ɛklɔn a cuungian nɛɛ pilɛ, má kɔa a vanaa ndaa cɔwva kpow, má kɔ kila dɔ́ɔ́ngɔ́ nda cɔwvo Kabaɔn ciee-lekɔɔ, má tiila kobio, má del ndu coo a cɔwvo.

Yosue 10:1

Mí Adoni-Sedɛk, masaa Yerusalɛm tuɛi maa Yosue bii kobio Ai, mó tɛɛmbuu ndu kpow, maa o cii tosa a kobi kalaa a á masa ndɔɔ mɛɛ o tosa a Yeriko a á masa ndɔɔ yɛ. Mó tuɛi vɛlɛ maa Kabaɔnnda yii kpema icanyaa nda Israɛlla, má cal latulu nda ndaa.

Kundalan 13:22

Má hel a ba Nekɛv-vo, má tiiya háá Hebrɔn, nɛɛ yungula Ahiman, Sesai a Talmai lan la va icali-a, cuavaa-imamaa Anak-a pɛɛn. Hebrɔn kiolɔnndo, vɔsilan tan ŋɔmmɛw o kon kɔɔli, má kialu Soan o lɛŋnde Esipte len nin.

O Kandɔɔ 37:14

Mí Israɛl fuɲa ndɔ dimul ndu aa: «Kɔ mà kɔ tofa mɛɛ bɛndaa nɔmnda co lon yɛ, mà mɛɛndan vɛlɛ mɛɛ cɔlua co yɛ. A cii pɛ, a muungu nanu, a hun downun ya kona.» O kon, mí Yosɛf can nɛɛ nda va o dɛɛlaa Hebrɔn nin-nda, mó kɔ tiiya Sikɛm.

O Kandɔɔ 23:2

mó vu Kiriat-Arba, Hebrɔn pɛɛn, o lɛŋnde Kanaan-nden nin. Mí Abraham pɔnɔ ndɔ hun tosa biisi ndɔɔ, mó caŋ ndu taw.

Yosue 10:23

Má kɔ soli nda mɛɛ o dimi yɛ, má cuu ndu nda. Masaa kan va haa ni: masa va Yerusalɛm-ndo, ó va Hebrɔn-ndo, hoo Yarmut, hoo Lakis a hoo Ɛklɔn.

Yeremi 34:7

O telen kon, vanaa cɔvaa masaa Babilɔn-nda ndáà del nin Yerusalɛm a kobila tɔ̀la mayoomula va Yuda lan coo a cɔwvo, Lakis a Aseka pɛɛn. Lan koni láà va vɔ tiŋ simullo ni.

Yosue 10:34

Má can Lakis, má kɔa Ɛklɔn. Má kɔ balu kobio pindo, má del kobi kalaa coo a cɔwvo.