Yosue 10:12 - BII BILA

¹² Paale Mɛlɛka mal ten Amoriia Israɛlla o ba len, mí Yosue piɛi Mɛlɛka Israɛlla kpow o hɔl le ndu isɔɔ tosal, mó dimi aa: «Nɔm paalen, sim o kobio Kabaɔn coo! Nɔm paangei, lo isisi o bóllo Ayalɔn coo!»

Yosue 10:12 Referans Kwoze

Habakuk 3:11

Le tùú kɔɔn nɔmndon o helɔɔ coocoo a volio-o, le tùú bál nɔmndo co kɔlan a pangeloo-o, paalen a paangei sim kpɛ́.

Esai 38:8

I co vunduma lepalan mingi kɔɔli le helɔɔlan tɔ́ faŋaa nɛɛ maa tol nin o helɔɔla Ahas lan coo-a. O kon mí paalen le muungu kɔɔli le helɔɔlan tɔ́ cɔnɔnndo nɛɛ léè tol-la.»

Esai 60:20

Paale nɔmnden le delnin te, paangii nɔmnde bɛɛ ɲumnin te. Kani Mɛlɛka vanin ɲɛ-tengaa nɔmndo le lɔ́ɔ́-lɔ́ɔ̀ ni. Palɛi dɛnɛ palɛi nɔmnde cuunin hiovɔɔ kpede.

Esai 28:21

Kani Mɛlɛka cannin maa mɛɛ o tosa o pembei Perasim yɛ, o tuulunin kɔl mɛɛ o tuulu kɔl o dɛɛlaa Kabaɔn nin yɛ, mò tosa baala ndɔɔ, baala ndɔ kaamaa, le vali ndɔɔ tosaa, vali ndɔ kɔndɔfillo!

Condii lisai 19:4

O co sɔɛi sondo le, diom co fula le, vana co ɲɛ-ɲɛ tueyɔɔ a lani le.

Yosue 10:13

O kon, mí paalen le sim, mí paangei pɛngi kɔlan, háá mí Israɛlla nɔla yaamɔaa ndaa. Sɔɛi ken co i sɛvɛi o Sɛbɛ Vana Sandaa nin aa: «Mi paalen le sim o halataala, mí le lo isisi lon háá le paale pilɛ kpulukuu, le kpeŋan te.»

Condii lisai 148:3

Niaa paalen a paangei, la biilu ndu, niaa loeon co ɲɛ-tengaa yɔngoo-on kpow, la biilu ndu.

SƐBƐ YƆB-O 9:7

Te o dimi pɛ aa paalen le fula le, le ɲum pɔ́lì, loeon bɛɛ, o nɔla mun vonɔɔ kpiŋ.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Sakari 2:13

Lelan, i heelu baa le vanaa-mangalaa-isɔaa kan soŋɔ̀ɔ́, Vanaa va nda o ba o cɛlen nin-nda yunganin nda mà hɛlu ɲɛm ndan. Kon tosanin ni mì la sina maa Mɛlɛka-Nɔ-Kpaayaa-Kpow-vo vem ya ni.

Habakuk 2:20

Mɛlɛka caando co lende le, o co o cɛi ndɔ diandaa nin, lɛŋnden kpow le bɛnda mì le mei ndu o hɔl.

Condii lisai 74:16

Nɔm nɔ paalen ni, ɲumndan bɛɛ nɔm o ba ma co ni, nɔm cɔw paangei a paalen ni.

Yosue 19:42

Saalabin, Ayalɔn, Yitla,

Tɔŋ miingua 17:3

mò kɔ sooluu halaa celen, mò tundun tombun celen o labɛngunin, mò sooluu paalen, paangei, te kon te ɲɛm co o halataala-on, mɛɛ o tosa ɲɛ ya kuuna-o.

Amɔs 8:9

Diom Maalii, o co Mɛlɛka-o dimi-o co hoo ni aa: «Paale len, paalen le delnin a telen paale kalaa, mì tuisi ɲumndan o lɛŋnden coo ipalaa déŋ.

Masaa kialaa n'yamaa 12:12

Mí ndu bɛɛ vu, má kumbu ndu Ayalɔn o tàndá Sabulɔn-ndo nin.

Masaa kialaa n'yamaa 5:20

Hali loeon co o halataala-on, mi n sɔɔnguu le cɔwvo. N lo coocoo pɔɔli, mi n cɔlɔba Sisera.

1Samiɛl 14:31

Paale len, mí Israɛlla cua Filistia diwvo Mikmas, má kɔ tiiya háá Ayalɔn. Kɛ mí nda pila sanga yɔkɔɔ.

2Samiɛl 2:12

Mí Abnɛr, po Nɛr-o, nda buɛyaa Is-Bosɛt po Saul-lo-a can Mahanaim, má bii nɛiyo le kɔlan Kabaɔn.

2Masaa 20:11

O kon mí Esai piɛi Mɛlɛka, mí ndu Mɛlɛka mingi vunduma lepala-an a makɔɔ le helɔɔlan tɔ́, o helɔɔla Ahas lan coo, nɛɛ léè tol-la.

Yeremi 28:1

O vɔsi pilɛ kon nin, vɔsi hiɔɔlundɔ Sedekia va masalen tosaa Yuda-o, o paangii ŋuɛɛnundɔɛi nin, mí Hanania po Asur vana-tɛɛngaa-diom Hala-o Kabaɔn dimul-la o Cɛi-Hala-o nin vanaa-solia-lasálàá a vannda kpow o hɔl aa:

Amɔs 2:9

Nduyɛ, nda o hɔl ya diw Amoriia ni, Amoriaa kan ndáà bandu maa yɔmii sɛɛdre, ndáà nɔ yoomuan maa iyálán. Kɛ mí tɛɛmbuu kɔmnde ndalen coocoo a puundun ndan lɛŋ.

Yosue 21:24

Ayalɔn a Kat-Rimɔn.

1Samiɛl 12:18

Mí Samiɛl piɛi Mɛlɛka, mí Mɛlɛka tuisi piɔɔ paale len, mí taŋndan ma va deŋio taw, mí siòònde bii vannda taw a Mɛlɛka a á Samiɛl.

2Masaa 20:9

Mí Esai mulul ndu aa: «Mɛlɛka yɔngunin nɔm tɔɔmaseloo, haliko ma sina maa o co sɔɛi o dimi-e peelu. Tɔɔmasele kon vanin hoo ni: Vɛ̀ɛ̀ a yeema mi vundulen le hiow laci le helɔɔlan tɔ́, baa le muungu kɔɔli le helɔɔlan tɔ́?»

2Masaa 20:10

Mí Esekia muli aa: «O kindu taw le vundulen hiovɔɔ laci le helɔɔlan tɔ́ le. Lelan, le muungu a makɔɔ le helɔɔlan tɔ́.»

1Dɛnnda lemasalan 8:13

Mí vanaa va bolii lapangɛi Ayalɔnnda coo-a pum nda ŋiɔn, Beria nda Sema, a toaw vanaa va icali Kat-a.

2Dɛnnda lemasalan 11:10

Sorea, Ayalɔn a Hebrɔn. Kobila lan, o tàndá Yuda-o a o tàndá Bɛnyamɛn-ndo nin la va ni, kobila mayoomulan la va ni.