Yosue 10:10 - BII BILA

¹⁰ Mí Mɛlɛka tosa mí Amoriia ɲaanun Israɛlla, mí Israɛlla diw nda diwvo pila Kabaɔn ciee-lekɔɔ lon, má ɲaanun nda kɔɔli le kɔlan helɔɔ Bɛt-Hɔrɔn, má lo kɔlan a nda koŋɔɔ háá má tiiya Aseka a Makeda.

Yosue 10:10 Referans Kwoze

Condii lisai 18:14

Mí Mɛlɛka deŋi o halataala maa letaŋ, mí Ó-Hiow-Ɲɔɔn-Kpow-vo soli diomndo, mí loeon delian a dɛngulta leyinndan la fula.

Yosue 16:5

Mí yungula fula o polale Efraim-nden nin-ndan la sɔla lɛŋnden cɔnɔnndo Atrɔt-Adar a ba too a ba paalen le can-ndo, kɔlan háá Bɛt-Hɔrɔn a maluaŋ,

Yosue 16:3

mí la tuusu, mí la kɔ kei o tàndá Yafletiia a ba paalen le del-lo. Cɔnɔnndo lon, mí la kei Bɛt-Hɔrɔn a ba too, mí la fula Kesɛr, mí la kɔ del o mɛmma ihɛllan coo.

Esai 28:21

Kani Mɛlɛka cannin maa mɛɛ o tosa o pembei Perasim yɛ, o tuulunin kɔl mɛɛ o tuulu kɔl o dɛɛlaa Kabaɔn nin yɛ, mò tosa baala ndɔɔ, baala ndɔ kaamaa, le vali ndɔɔ tosaa, vali ndɔ kɔndɔfillo!

Masaa kialaa n'yamaa 4:15

Má kɔ del nda coo, mí Mɛlɛka mala Barak, mó nɔla Sisera a ɲɛla ɲaanannda ndɔla soa nan-ndan a vanaa ndɔa cɔwva kpede. Mí Sisera mɛi ɲɛ ɲaanan ndɔ soa nan-ndo, mó sɔndan.

Yosue 15:35

Yarmut, Adulam, Soko, Aseka,

Yosue 10:11

Mɛɛ nda va Israɛlla ɲaanɔnndo, cɔnɔnndo Bɛt-Hɔrɔn le tolɔɔ lekɔɔli, mí Mɛlɛka va nda loeon delian mɛlio o lebol háá Aseka, má vu taw. Vanaa loeon mun diw-va ndáà hiow vaa sɛ́lɔ́ɔ́ a vanaa Israɛlla diw a mɔɔn cɔwvon-nda.

Yeremi 34:7

O telen kon, vanaa cɔvaa masaa Babilɔn-nda ndáà del nin Yerusalɛm a kobila tɔ̀la mayoomula va Yuda lan coo a cɔwvo, Lakis a Aseka pɛɛn. Lan koni láà va vɔ tiŋ simullo ni.

Condii lisai 78:55

Mó toaw vanaa-mangalaa-isɔaa va icali nda laci o lɛŋnde len ni-nda, mó piɔw lɛŋnde Kanaan-nden, mí vana-vana sɔla yondola ndɔ, mó kɛsi polama Israɛlla o la nda lo.

Condii lisai 44:3

A tow vanaa-mangalaa-isɔɔa o lɛŋnden coo le fuɲaa naa mamaa mingio o fonda ndaa. A diw vanaa-mangalaa-isɔɔa, le vanaa nɔmnda kuiyo vɛ́ɛ́lɛ̀-vɛ̀ɛ̀lɛ̀.

2Dɛnnda lemasalan 14:12

Mí Asa a vanaa ndɔa cɔwva ɲaanun nda kɔɔli háá Kerar. Mí Etiopiia vu taw-taw, vana-vana nɔla yoomu ndɔɔ baŋa le, kani Mɛlɛka a vanaa ndɔa cɔwva diw nda ni. Mí Yudaa poonda bolofaa cɔwvo taw, má kɔannun a ndu.

1Samiɛl 13:18

mí kunda diinndɔɔ bii nɛiyo le kɔlan a ba Bɛt-Hɔrɔn-ndo, mí o yàándɔɔ kɔa a nɛi kɔɛ o pɛɛngulan a ból Sulukua-o, a kpengii lɛŋnde veselɛilen.

Yosue 21:22

Kibsaim a Bɛt-Hɔrɔn. Kobilan tan hiɔɔlu la co lan ni, a yondola balu lan-ndan ni.

Yosue 15:41

Kederɔt, Bɛt-Dakɔn, Naama a Makeda. La va faw-faw kobilan tɔ́ a laŋɔmpum a cieon va lan o ba bɛngu-on.

Yosue 12:16

masaa Makeda, masaa Betɛl,

Yosue 11:8

Mí Mɛlɛka mal nda Israɛlla o ba, má diw nda. Má toaw nda háá o kobi bɛndoo Sidɔn, kɔlan háá Misrefɔt-Maim a o bóllo Mispa a ba paalen le can-ndo. Má diw nda, hali vana pilɛ a mɛi yoomu le.

Yosue 10:28

Paale pilɛle len, mí Yosue bii kobio Makeda, mó diw vanaa va lon-nda kpow a masa ndaa. Mó tɛɛmbuu nda kpow, o mɛi vana-vana yoomu le, mó tosa a masaa Makeda mɛɛ o tosa a hoo Yeriko yɛ.

Tɔŋ miingua 7:23

Mɛlɛka Hala niaa co niaa vanaa-mangalaa-isɔaa kan malɔɔ o ba, mò lo nda tovɔɔ háá mà cuu vu kpow.

Yosue 10:9

Mí Yosue can Kilkal, mó lɔl kɔlan pii, mó kɔ voolu nda a cɔwvo.

1Samiɛl 17:1

Mí Filistia bɔɔŋiaa vanaa ndaa cɔwva le cɔwvo. Má cuungian Soko, o tàndá Yuda-o nin, má kila dɔ́ɔ́ngɔ́ ndaa Efɛs-Damim, Soko a Aseka tɛɛn.

2Samiɛl 22:15

Mó vuu kɔɔn, mí yaamɔaa ndɔa sɛŋin, mí piɔɔ voli, mí yaamɔaa ndɔa ɲaanun a siòònde.

1Masaa 9:17

Lelan Salomɔn mingi Kesɛr tangul ni, mó mingi vɛlɛ kobilan ndan tangul: Bɛt-Hɔrɔn va a ba too-o,

Condii lisai 68:14

Vɛ̀ɛ̀ o hèélan nin niaa lonin ihini ni? Kumbannda poonpoondo la co latoosiaa a volin latámán, bɔɔla ndɔlan la co maa n'siani.

Masaa kialaa n'yamaa 4:16

Mí Barak toaw ɲɛla ɲaanannda soa nan-ndan a vanaa cɔvaa kan háá Harosɛt-Koyim. Mí vanaa cɔvaa Sisera-a kpow a sɔla piɔ́mndo o cɔw kon nin, vana pilɛ bɛɛ helun te.

Masaa kialaa n'yamaa 5:20

Hali loeon co o halataala-on, mi n sɔɔnguu le cɔwvo. N lo coocoo pɔɔli, mi n cɔlɔba Sisera.

2Dɛnnda lemasalan 25:13

Kɛ nduyɛ, mí vanaa cɔvaa Israɛlaa Amasia ndóò mingi o la nda lo, mí ndóò kuuna nda kɔlan o cɔwvo-a kɔ del kobila va o tàndá Yuda-o nin-ndan coo a cɔwvo, cɔnɔnndo Samari háá Bɛt-Hɔrɔn. Má diw vannda vàálan tan yáá, má poondiaa ɲɛm ndan taw, má kɔannun a mun.

Esai 30:30

O kon, Mɛlɛka solinin diom ndɔ lemasaa mò deŋi o kɔl ndɔ tuw bɛndoo nin, o cɔmnin ba ndɔ co o bɛɛndianndo le lɔɔ-o, o yelenyelen yinnde bɛndoo nin, o piɔɔ pɔ̀lɔ̀-pɔ̀lɔ̀ɔ́ bɛngu, o hoeyii fùkù-fùkùei nin, o loeon delian kpungban nin.

Sakari 14:3

O kon, Mɛlɛka fulanin ceen, mò cɔlɔba vanaa-mangalaa-isɔaa kan, mɛɛ o cɔlɔba o paale cɔwlen coo yɛ.