Yosue 1:9 - BII BILA

⁹ Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Yosue 1:9 Referans Kwoze

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

Esai 43:1

Kɛ sunsun, nuaa Mɛlɛka o cɔw niaa cuavaa-imamaa Yakɔb-a-o, o toosiaa niaa polale Israɛl-ten-ndo dimi ni aa: «La yɔŋ isiòòn te, kani i cii niaa baŋa, i co niaa veeloo a diola niaalan, le ya niaa co ni.

Esai 43:5

Lelan la yɔŋ isiòòn te, kani i co niaa ikɛi, i cuanin vanaa niaa co a ba paalen le can-ndo a, mì mingi nda o niaa lo nanu. I cuanin niaa nɛɛ paalen le del-la, mì cuungiaa niaa nanu.

Masaa kialaa n'yamaa 6:14

O kon, mí Mɛlɛka mulin nɛɛ Sedeɔn va-a, mó dimul ndu aa: «Kɔ a kpaaya n nɔ hoo-o, ma kɔ baŋa Israɛlla Madiannda o ba. Ya co nɔm vomɔɔ ni.»

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

Dɛnnda kiilaa 4:19

Kɛ mí Piɛr nda Nsaŋ mulul nda aa: «Niaa pila kiolu vɔ yamɛi he, sɔɛi niɛi biyɔɔ a sɔɛi Hala-e biyɔɔ, o kuɛɛ bɛnda yɛ Hala o hɔl?

Tɔŋ miingua 31:28

Lelan, la cuungiaa vanaa co bolii lapangɛi niɛi-ya a vanaa sɛvaa niaa, mì hun dimi sɔɔn mun nda o hɔl, mì cua halataalaa a lɛŋnden seilen naa tɛɛn naa ndaa.

Tɔŋ miingua 1:21

La tofa vɔ, Mɛlɛka Hala niaa mal lɛŋnden niaa o ba. Lelan, la kɔ mì la kɔ hiɔlu len mɛɛ Mɛlɛka, Hala fuɲaa niaa mamaa dimul niaa ndi yɛ. La yɔ́ŋ isiòòn te, la ɲííyà le.›

Yosue 1:10

Mí Yosue dimul simlacia Israɛlla aa:

Yosue 1:17

Mɛɛ naa n bii diom Moise-o o dɛnndan kpow nin yɛ, lende koni naa n biinin diom nɔmndo ni. Lelan, màá Mɛlɛka Hala nɔmndo va nɔm ikɛi mɛɛ o va Moise ikɛi yɛ!

Yosue 8:1

Mí Mɛlɛka dimul Yosue aa: «Siòòŋii bii nɔm te, vu n'dial te. Cua vanaa nɔmaa cɔwva kpow, mì la kɔ del kobio Ai coo a cɔwvo. Kani i cii kobi kalaa, masa ndɔɔ, vanaa ndɔa a lɛŋnde ndɔlen kpow malɔɔ nɔm o ba.

Yosue 10:8

Mí Mɛlɛka dimul Yosue aa: «Siòòŋii bii nɔm a nda le, i cii nda malɔɔ nɔm o ba, o nda tɛɛn, vana pilɛ bɛɛ nɔlanin nɔm simullo le.»

2Dɛnnda lemasalan 15:7

Kɛ sisa niaa niaa, la luei yoomuan, la vu n'dial te, kani baalala niaalan la dɔawnunnin vɔ̀ngɔ̀.»

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

O Kandɔɔ 39:2

Mɛlɛka va Yosɛf ikɛi, ɲɛ-ɲɛ o va tosaa va ndu bɛndaa o ba. O va Esipte lon o vana ndɔ bɛndu pendu ndu-o lo.

O Kandɔɔ 39:3

Mí Potifar sina maa Mɛlɛka va Yosɛf ikɛi, ɲɛ-ɲɛ Yosɛf va tosaa, mí Mɛlɛka va ndu nɛŋio.

Tɔŋ miingua 31:23

O kon kɔɔli, mí Mɛlɛka soaa o Yosue po Nun-ndo lo, mó dimul ndu aa: «Lueinun yoomuan ma sim yili. Kani nɔm co lakɔ Israɛlla luei o lɛŋnde ya yiilu nda kpemaa mí mɛnan-nden nin ni. Ya pila vanin nɔm ikɛi.»

Yosue 1:18

Vana-vana tosal nɔm pɛ nila kalulan, mò bii sɔɔn nɔmndon te, vana kon ndu sɔlanin piɔ́mndo. Lelan, lueinun yoomuan ma sim yili.»

Yosue 3:7

Mí Mɛlɛka dimul Yosue aa: «I co hau kandɔɔ nɔm kuundiaa Israɛlla kpow o hɔl, haliko ma sina maa mɛɛ ya va Moise ikɛi yɛ, lende koni ya co nɔm ikɛi ni.

Yosue 6:27

Mɛlɛka va Yosue ikɛi, mí Yosue fula tɔ́ɔ́ o lɛŋnden kpow coo.

Yosue 10:25

Mí Yosue dimul nda aa: «Siòòŋii bii niaa le, la vu n'dial te, la kɛsi kɔltan mì la sim yili, kani nuaa Mɛlɛka tosanin a yaamɔaa niaa niaa cɔlɔbanin-nda ni.»

1Samiɛl 10:7

Lɔ́ɔ́ tɔɔmaselela lan kpow la peelunnin-ndo, nɔm pila sinanin maa Hala co nɔm ikɛi. Lelan, ɲɛ-ɲɛ bɛnda pɛ le tosaa, tosa kon.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

Esai 8:12

«Ɲɛ-ɲɛ vannda ha co veeloo aa: ‹Dúmbú yiyaa› niaa la veelu kon aa: ‹Dúmbú yiyaa› le, la yɔŋ siòònde a ɲɛ nda co siòònde yɔŋndo-o le, siòòŋii bii niaa mì la ɲiiya le.

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

Aasee 2:4

Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

Aasee 2:5

Sɔɛi ya solin o sondo lɔ́ɔ́ niaa fula Esipte-o-e yɔŋnun ken ni. Kɔl nuu vanin niaa tɛɛn, lelan siòòŋii bíì niaa le: