Yosue 1:8 - BII BILA

⁸ Sɛbɛ tɔŋndo ho kɔa sondo nɔmndo levil te, va ndu dimio a kɔllo keelaa lecoo idii a icɔl, haliko ma bii sɔɔn co n'sɛvaa lenin-ndon kpow. Kon tosanin ni mì tuula nɔmndan kpow la bɛnda nɔm o ba.

Yosue 1:8 Referans Kwoze

Condii lisai 119:15

I co kɔllo keeliaa o silala nɔmndan coo, mì va kelaa o nɛila tɔŋ nɔm kon co ya cɔmndo lan coo.

Condii lisai 19:14

Kanda ya a vanaa yongaa. Cɛ̀l mà tiw ya ba le. O kon, ì sandu, yɔŋii ya tosa haki vɔɔn-vɔɔndo.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Talelan 3:1

«Po nuu sei! Pɔɛɛnun pɛɛkula nilan te, mandan tɔŋnda nilan nɔm o kɔl,

Tɔŋ miingua 29:9

«Niaa kpow, la sim hau Mɛlɛka Hala niaa o hɔl, kandɔɔ a vanaa co bolii lapangɛi-ya, vanaa kɔlkalua, vanaa bɛndua lelɛŋnda kɔ bii a vanpiaandua Israɛl kpede.

Nsaŋ 14:21

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Matie 7:24

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

Condii lisai 119:11

I mandannin sɔɛi nɔmnde ya o kɔl kpan yɔŋii ya cua hakio a nɔm.

Condii lisai 119:97

Àá! I kaola bɔɔ tɔŋ nɔmndo, niinoo kpɛŋ, i co ndu kɔllo keelaa coo.

Matie 7:21

«O co vanaa co ya veeloo aa: ‹Maalii, Maalii›-a kpede le a luɛinin o masale halataala len nin te, kɛ vanaa co hɛnan Fuɲa ni co o halataala-o tosaa-a daama a luɛinin ni.

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Yosue 1:7

Kɛ nduyɛ, lueinun yoomuan ma sim yili, ma kela o tɔŋnda Moise vana ni baalaa tɛɛngul nɔm-ndan coo. Sei o ba kɛndɔɔ coo le, sei o ba mɛllo coo le, haliko mi tuula nɔmndan kpow la bɛnda nɔm o ba.

Tɔŋ miingua 30:14

Kɛ o co niaa ikɛi kpɛɛlun, o co niaa o lasondo a niaa o lakɔl, haliko mi la kela lecoo.»

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Condii lisai 119:99

I hiow vanaa co ya pɛɛkoo-a sɔɔn sinaa, kani i co kɔllo keelaa o tɔŋnda nɔmndan coo.

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Tɔŋ miingua 5:32

Le hee, la kindin mi la tosa ɲɛ Mɛlɛka Hala niaa dimul niaa-o, la sei o ba kɛndɛ coo le, la sei o ba mɛl coo le.

Tɔŋ miingua 31:11

te Israɛlla kpow a hun sim pɛ Mɛlɛka Hala niaa o hɔl o fonda ndu pila hɛlinin-ndo, a dimi tɔŋndo nda o hɔl kpow, o kon mì vana-vana tuei.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

Matie 12:35

Sɔɔn kɛndɛn co vanaciee kɛndɔɔ o kɔl-lon, mun o soli ceen ni, sɔɔn vɔɔŋun co vanaciee vɔɔndo o kɔl-lon, mun koni ndu bɛɛ soli ceen ni.

Condii lisai 40:10

Mɛlɛka, i co Yoongu kɛndɛ dɛnɛ sandaa nɔmndo sɛ́lɛ́ bɛndoo tiiyallo, i co sondo mei le. Nɔm pila sina ken.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

O Kandɔɔ 24:63

a paale delaalen-ndo, nɛɛ ndóò kɔɛ kelaa o ciɛɔn nin ndu pilɛ-a pɛɛn, o lo lándán, mó ca ɲɔɔmɛɛa hunɔɔ nɛɛ o va-a.

Tɔŋ miingua 31:24

Mɛɛ Moise cii sɔɔn tɔŋ kon kpow sɛva o sɛbɔɔ nin,

Yosue 8:34

O kon kɔɔli, mí Yosue dimi sɛbɛ tɔŋndo kpow, mó soaa a duaa a á dangaa o kɔɔ.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 29:8

Lelan, la bii sɔɔn tɔŋndo ho, mì la kela lecoo, haliko mi kpekula niaalan la va diondɔɔ.»

2Dɛnnda lemasalan 26:5

Telen Sakari, vana va ndu pɛɛkoo a sɔɛi Hala-e o kɔɔ-o va yoomu-o, Osias va kelaa o hɛnan Mɛlɛka-o coo. Le hee, mí Hala va kpekula ndɔlan nɛŋio.