Yosue 1:6 - BII BILA

⁶ Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

Yosue 1:6 Referans Kwoze

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Yosue 1:7

Kɛ nduyɛ, lueinun yoomuan ma sim yili, ma kela o tɔŋnda Moise vana ni baalaa tɛɛngul nɔm-ndan coo. Sei o ba kɛndɔɔ coo le, sei o ba mɛllo coo le, haliko mi tuula nɔmndan kpow la bɛnda nɔm o ba.

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

1Korɛntea 16:13

La pɔɛɛnun te, la sim yili o laalanndo nin, la luei yoomuan a kpaayaa.

2Timote 2:1

Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e.

1Dɛnnda lemasalan 28:10

Sina nihau maa Mɛlɛka cii nɔm hɛli, haliko ma tangul Cɛiyo, ó vanin Cɛi-Diandaa-o. Luei niko yoomuan mà tosa vallo.»

1Dɛnnda lemasalan 22:13

Taa bii pɛ silalan a tɔŋnda Mɛlɛka yɔngu Moise le Israɛlla lan, mà kela lecoo, mɛɛ dɛnnda nɔmndan kpow la naŋnin. Lueí yoomuan ma sim yili. Siòòŋii bii nɔm te, ɲiiya le.

Aasee 2:4

Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

Condii lisai 27:14

Lelan, tiindan Mɛlɛka. Sim yili, ma luei yoomuan, tiindan Mɛlɛka.

Sakari 8:9

Ya Mɛlɛka-Nɔ-Kpaayaa-Kpow-vo soaa nuaa ni: La lueí yoomuan, niaa co hau sɔɔn vanaa-tɛɛngaa-diom Hala-a dimi lɔ́ɔ́ kon-ndon tueyɔɔ-a. Lɔ́ɔ́ Cɛi-Mɛlɛka-Nɔ-Kpaayaa-Kpow-vo-o kilan tumndo-o nda dimi mun ni, lɔ́ɔ́ nda kandu Cɛi-Hala-o mingio tangullo-o pɛɛn.

1Masaa 2:2

«I co hunɔɔ nɛi caanda kpow diam-ndo diomɔɔ. Lelan, luei yoomuan mà tosa vanapɔnɔyɛi.

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

1Samiɛl 4:9

Lelan naa Filistia, fɔ mì n sim yili, mì n tosa vanapɔnɔyɛi. N kɔ cɔlɔban Hebreea a yoomuan. Yɔŋii naa n siŋnun cɛa ndaa mɛɛ nda va paandu cɛa naa yɛ.»

Tɔŋ miingua 31:23

O kon kɔɔli, mí Mɛlɛka soaa o Yosue po Nun-ndo lo, mó dimul ndu aa: «Lueinun yoomuan ma sim yili. Kani nɔm co lakɔ Israɛlla luei o lɛŋnde ya yiilu nda kpemaa mí mɛnan-nden nin ni. Ya pila vanin nɔm ikɛi.»

Tɔŋ miingua 1:21

La tofa vɔ, Mɛlɛka Hala niaa mal lɛŋnden niaa o ba. Lelan, la kɔ mì la kɔ hiɔlu len mɛɛ Mɛlɛka, Hala fuɲaa niaa mamaa dimul niaa ndi yɛ. La yɔ́ŋ isiòòn te, la ɲííyà le.›

Tɔŋ miingua 11:8

Lelan, la bii tɔŋnda ya co niaa hau yɔngoo lan kpow, kon tosanin ni mì la sɔla yoomuan le lɛŋnde niaa co len luɛyɔɔ nin-nden kɔlan hiɔlɔɔ.

2Samiɛl 10:12

Lelan, tosa vanapɔnɔyɛi, mì n tosa cɔwvo a yoomuan le lɛŋnde naalen a le kobila Hala naa. Màá Mɛlɛka tosa ɲɛ hɛnan ndu-o!»

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

Kundalan 26:53

«Vanaa sɛvan haa-a lɛŋnden le bɛnda mì le piɔwnun ni, mì lepolaa-lepola le sɔla kɛ́ɔ mɛɛ le nɔ vannda yɛ.

Kundalan 33:53

La hialunin lɛŋnden nda o ba, mì la cal lenin. Kani ya Mɛlɛka ke niaa len ni, le niaa le co ni.

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Yosue 1:18

Vana-vana tosal nɔm pɛ nila kalulan, mò bii sɔɔn nɔmndon te, vana kon ndu sɔlanin piɔ́mndo. Lelan, lueinun yoomuan ma sim yili.»

Yosue 5:6

Vɔsilan belehiɔɔlu, Israɛlla va hiŋnɔnndo o lɛŋnde veselɛilen nin. O vɔsila lan mɛɛlulan, mí vanpiaandua fula Esipte-a, áà nɔla nin cɔwvo tosaa-a cuu vu kpow le kɛɛ nda kɛɛ sɔɛi Mɛlɛka-e biyɔɔ-o. Kani mí Mɛlɛka mɛnalan nda maa nda cinin lɛŋnde o yiilu fuɲaa ndaa mamaa kpemaa le nda len keo len te, lɛŋnde cɔlua a tɔlɔɔlan la naŋ nin taw-taw len pɛɛn.

Yosue 10:25

Mí Yosue dimul nda aa: «Siòòŋii bii niaa le, la vu n'dial te, la kɛsi kɔltan mì la sim yili, kani nuaa Mɛlɛka tosanin a yaamɔaa niaa niaa cɔlɔbanin-nda ni.»

Yosue 13:6

a vanaa co o tàndá n'pemboo coo Liban a Misrefɔt-Maim tɛɛn-nda kpow, Sidɔnnda kpow. Ya pila toawnin nda Israɛlla laci ni. Nduyɛ, mal siondei ma piɔw lɛŋnde len Israɛlla tɛɛn mɛɛ ya dimul nɔm yɛ,

Yosue 18:3

O kon mí Yosue ɲuna nda aa: «Telen kuɛɛ niaa co yɛ cumndo le kɔlan lɛŋnde Mɛlɛka Hala fuɲaa niaa mamaa yɔngu niaa len biyɔɔ?

Yosue 21:43

Nuaa Mɛlɛka ke Israɛlla lɛŋnde ndóò yiilu fuɲaa ndaa mamaa kpemaa le nda len yɔngoo len ni. Má sɔla len, má cal lenin.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

2Dɛnnda lemasalan 15:7

Kɛ sisa niaa niaa, la luei yoomuan, la vu n'dial te, kani baalala niaalan la dɔawnunnin vɔ̀ngɔ̀.»

2Dɛnnda lemasalan 20:7

Éé Hala naa! Vɛ̀ɛ̀ o co nɔm te tow vanaa va o lɛŋnden nden nin-nda vanaa nɔmnda, Israɛlla laci, má ke cuavaa-imamaa Abraham caan nɔm-nda lɛŋnde kalalen, mì le va ɲɛ nda pɛ le?

2Dɛnnda lemasalan 20:11

Kɛ tofa vɔ vɔ̀ngɔ̀ nda co naa hau mingullo-o, a co naa hunɔɔ tovɔɔ o lɛŋnde n ke naa kɛ́ɔ len coo.