Yosue 1:5 - BII BILA

⁵ O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Yosue 1:5 Referans Kwoze

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Tɔŋ miingua 20:4

Kani Mɛlɛka Hala niaa co kɔlan a niaa latulu. O cɔlɔbalnin niaa yaamɔaa niaa, mò baŋa niaa.›

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Yosue 3:7

Mí Mɛlɛka dimul Yosue aa: «I co hau kandɔɔ nɔm kuundiaa Israɛlla kpow o hɔl, haliko ma sina maa mɛɛ ya va Moise ikɛi yɛ, lende koni ya co nɔm ikɛi ni.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Rɔmnda 8:37

Kɛ o dɛnnda lan nin kpow, vana kaola naa-o tosa ni mí n va caanda tiwvo ba.

Yosue 1:17

Mɛɛ naa n bii diom Moise-o o dɛnndan kpow nin yɛ, lende koni naa n biinin diom nɔmndo ni. Lelan, màá Mɛlɛka Hala nɔmndo va nɔm ikɛi mɛɛ o va Moise ikɛi yɛ!

Tɔŋ miingua 7:24

O malnin masaa ndaa niaa o ba, mì la ɲumi diola ndalan o lɛŋnden coo. Vana-vana nɔlanin niaa simullo le. La co nda cii diw kpow.

Yosue 6:27

Mɛlɛka va Yosue ikɛi, mí Yosue fula tɔ́ɔ́ o lɛŋnden kpow coo.

Tɔŋ miingua 31:23

O kon kɔɔli, mí Mɛlɛka soaa o Yosue po Nun-ndo lo, mó dimul ndu aa: «Lueinun yoomuan ma sim yili. Kani nɔm co lakɔ Israɛlla luei o lɛŋnde ya yiilu nda kpemaa mí mɛnan-nden nin ni. Ya pila vanin nɔm ikɛi.»

Tɔŋ miingua 4:31

Kani Mɛlɛka Hala niaa, Hala nɔ ɲííye-o o co ni, o melnin niaa le, o tɛɛmbuunin niaa le. O pɔɛɛnunnin kpema o yiilu fuɲaa niaa mamaa mó mɛnalan nda le ndu peeloo-o le.»

Yosue 10:8

Mí Mɛlɛka dimul Yosue aa: «Siòòŋii bii nɔm a nda le, i cii nda malɔɔ nɔm o ba, o nda tɛɛn, vana pilɛ bɛɛ nɔlanin nɔm simullo le.»

Masaa kialaa n'yamaa 2:18

Masa kialaa n'yama oo masa kialaa n'yama Mɛlɛka ndóò simi pɛ nda laci, háá mí masa kialaa n'yama kon ndóò vi, Mɛlɛka va ndu ikɛi le nda baŋaa yaamɔaa ndaa o ba. Kani ɲííye va Mɛlɛka a nda le koŋul nda va o bɛpɛla yaamɔaa ndaa va nda tuisio coo-o bɛngu-o.

Masaa kialaa n'yamaa 6:16

Mí Mɛlɛka dimi aa: «Ya pila vanin nɔm ikɛi, a koaŋnin Madiannda mɛɛ vana del vana pilɛ coo nuaa ma koŋ ndu yɛ.»

1Samiɛl 10:7

Lɔ́ɔ́ tɔɔmaselela lan kpow la peelunnin-ndo, nɔm pila sinanin maa Hala co nɔm ikɛi. Lelan, ɲɛ-ɲɛ bɛnda pɛ le tosaa, tosa kon.

1Masaa 1:37

Màá Mɛlɛka va Salomɔn ikɛi mɛɛ o va nɔm pila ikɛi-yɛ! Màá o soli masale ndɔlen tɔ́ɔ́ mi tɔ́ɔ́ kon hiow tɔ́ɔ́ masale nɔmnden léè nɔ-o!»

1Masaa 6:13

I vanin Israɛlla tɛɛn, i melnin vanaa nia le, Israɛlla pɛɛn.»

1Masaa 8:57

Màá Mɛlɛka Hala naa lo naa ikɛi mɛɛ o va fuɲaa naa mamaa ikɛi yɛ! Màá ò múlùl naa kɔɔ mo mal naa le!

1Masaa 11:38

Taa yaŋ pɛ nilan o sɔɔn nun kpow, ma kela o nɛila nilan coo, te dɛnnda nɔmndan la sandu pɛ ya o hɔl, taa bii pɛ silala nilan a tɔŋnda nilan mɛɛ David vana ni baalaa tosa yɛ, i vanin nɔm ikɛi, i beŋnin nɔm cɛiyo mò sim yili mɛɛ ya simul David o ndɔɔ yɛ, mì ke nɔm Israɛl.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

Esai 42:16

I yaanin vanaa sumɛiya o nɛi nda sina loo coo. I yaanin nda o pemama nda sina le-an coo. I mangalanin ɲumndan ɲɛ-tengaa nda o hɔl. I siinguunin kpolonndan dɛngbɛla tɛlɛlan. I tosanin dɛnnda lan kpow, o kɛ́-kɛ̀ i mɛinin le tosaa le.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

Daniɛl 11:16

O tosanin ɲɛ hɛnannin kɔl ndɔɔ-o, vana-vana nɔlanin ndu simullo le. O calnin o lɛŋnde hiow naŋɔɔ len nin, o nɔnin kpaayaa le ɲɔɔn tɛɛmbuuo.

O Kandɔɔ 39:2

Mɛlɛka va Yosɛf ikɛi, ɲɛ-ɲɛ o va tosaa va ndu bɛndaa o ba. O va Esipte lon o vana ndɔ bɛndu pendu ndu-o lo.

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

Yosue 21:44

Mí Mɛlɛka luei nda kɔlɲuloo tɛɛn nda lɛŋii ndáà salu pɛɛngulan-nde kpow, maa mɛɛ ndóò yiilu fuɲaa ndaa mamaa kpemaa yɛ. O yaamɔaa ndaa tɛɛn vɛlɛ, o kɛ́-kɛ̀ nɔla nda simullo le. Mí Mɛlɛka mal yaamɔaa ndaa nda o ba.