Yosue 1:2 - BII BILA

² «Moise vana ni baala vi, cɔn niko ma taŋ Yurdɛn n co hoo cɔu-vo niaa vannda ha kpow, mì la kɔɛ o lɛŋnde ya yɔngu Israɛlla len nin.

Yosue 1:2 Referans Kwoze

Tɔŋ miingua 3:28

Yɔngu Yosue silalan, luei ndu yoomuan ma simi ndu yili. Kani ndu kɔanin a vannda ha mò yɔngu nda lɛŋnde n co len cɔu len kɛ́ɔ ni.›

Tɔŋ miingua 31:7

Mí Moise veelu Yosue Irsaɛlla kpow o hɔl, mó dimul ndu aa: «Kindikindin ma sim yili. Kani nɔm lueinin vannda ha o lɛŋnde Mɛlɛka yiilu fuɲaa ndaa mamaa kpemaa a mɛnanndo le nda len keo len nin ni. Nɔm piɔwnin nda len ni.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Yosue 1:11

«La balu yondaa o dɔ́ɔ́ngɔ́ɔ̀ nin, mì la dimul vannda aa: ‹La bɛɛndiaa ɲɛm dian, kani nanu a palɛi yaa, la co peo Yurdɛn taŋɔɔ mì la kɔ hiɔlu lɛŋnde Mɛlɛka Hala niaa yɔngu niaa len.›»

Yosue 1:1

Mɛɛ Moise vana baala Mɛlɛka-o vi, mí Mɛlɛka dimul Yosue po Nun-ndo, vana malaa Moise-o pɛɛn aa:

Kundalan 12:7

Kɛ o co ɲɛ pilɛ le o co a vana ni baalaa Moise le. Ndu ndu, vana lo o lediom coo-o o co o ya lo cɛinin kpow ni.

Tɔŋ miingua 34:5

O kon mí Moise vana baala Mɛlɛka-o vu lon o lɛŋnde Moab len nin, mɛɛ Mɛlɛka pila ndóò dimi yɛ.

SƐBƐ YƆB-O 1:8

Mí Mɛlɛka ɲuna ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo.»

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

Nehemi 9:23

Má ke nda cuawva sɛ́lɛ́ bɛndoo maa loeon o halataala. Má kɔa a nda o lɛŋnde Kanaan-nde nɔm óò vem fuɲaa ndaa mamaa le len hiɔlɔɔ len nin.