Yosue 1:17 - BII BILA

¹⁷ Mɛɛ naa n bii diom Moise-o o dɛnndan kpow nin yɛ, lende koni naa n biinin diom nɔmndo ni. Lelan, màá Mɛlɛka Hala nɔmndo va nɔm ikɛi mɛɛ o va Moise ikɛi yɛ!

Yosue 1:17 Referans Kwoze

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

1Masaa 1:37

Màá Mɛlɛka va Salomɔn ikɛi mɛɛ o va nɔm pila ikɛi-yɛ! Màá o soli masale ndɔlen tɔ́ɔ́ mi tɔ́ɔ́ kon hiow tɔ́ɔ́ masale nɔmnden léè nɔ-o!»

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

Condii lisai 20:9

Nda nda, a co yoomuan fulaa má va delio. Kɛ naa n connun isisi, n connun yili.

Condii lisai 20:4

Màá o yiyan a sálàla nɔmndan kpow o kɔɔ, mò cɛl le sálàla loamaalan nɔmndan!

Condii lisai 20:1

Condii David-e, í fula o condun simlacinɔ vanaa n'condua nin-nde.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

1Samiɛl 20:13

Kɛ te o cii yɛ nin pɛ kiolɔɔ le nɔm dɛnɛ vɔɔndo tosallo, i dimulnin nɔm, mì mal nɔm vɛlɛ kɔnndan fɛɛ. Te i tosa kon te few, mɛɛ Mɛlɛka tuisí sanga hiow sangalan kpow-vo ya coo! Màá Mɛlɛka lo nɔm ikɛi mɛɛ o va fuɲa nuu ikɛi-yɛ!

Yosue 1:16

O kon, má mulul Yosue aa: «N tosanin ɲɛ-ɲɛ n dimul naa hoo le tosaa, nɛɛ-nɛɛ n vem vɛlɛ naa pɛ, n kɔanin.

Yosue 1:18

Vana-vana tosal nɔm pɛ nila kalulan, mò bii sɔɔn nɔmndon te, vana kon ndu sɔlanin piɔ́mndo. Lelan, lueinun yoomuan ma sim yili.»

Kundalan 27:18

Mí Mɛlɛka dimul Moise aa: «Cua Yosue, po Nun-ndo, o Kɔl nuu co nin-ndo, ma handu ndu baa coo.

Kundalan 27:20

Ma ke ndu kpaaya nɔmndo o tiŋ, haliko mi Israɛlla bii sɔɛi ndɔɛi.

Tɔŋ miingua 34:9

Yosue po Nun-ndo ndóò pɛ a yiyan kɔlkaloo taw, kani balan Moise ndóò handu ndu o lebol ni. Kandɔɔ paale len, mí Israɛlla bii ndu diom maa mɛɛ Mɛlɛka ndóò dimul Moise le tosaa yɛ kpafii.

Yosue 4:14

Paale len, mí Mɛlɛka kundiaa Yosue Israɛlla kpow o hɔl, má ke ndu bɛɛlen o palɛi o tosa yoomu-e kpow nin maa mɛɛ ndáà ke Moise bɛɛlen yɛ.

1Samiɛl 17:37

Mí David dimi vɛlɛ aa: «Mɛlɛka kanda ya lɔ́ɔ́ kon, yɛmbɛn yàlàá a yɛmbɛn kɔ́lɔ́vúloo n nɔla ya loo, kandanin vɛlɛ ya. Nduyɛ Filistinɔɔ ho bɛɛ nɔlanin ya le.» O kon, mí Saul dimul ndu aa: «Mɛɛ kɔ! Màá Mɛlɛka va nɔm ikɛi!»

2Samiɛl 14:17

Kani mí ya vana nɔm baalaa dimi aa: ‹Sɔɛi nɔm vana ni bɛndoo co hunɔɔ dimi-e, nɔm masaa pɛɛn, i ɲululnin vannda kɔltan. Bau nɔm masaa, maa mɛlɛkanɔ Hala-o n co ni le dɛnɛ kɛndɔɔ a dɛnɛ vɔɔndo tueyɔɔ. Màá Mɛlɛka Hala nɔmndo lo nɔm ikɛi!›»