Yosue 1:1 - BII BILA

¹ Mɛɛ Moise vana baala Mɛlɛka-o vi, mí Mɛlɛka dimul Yosue po Nun-ndo, vana malaa Moise-o pɛɛn aa:

Yosue 1:1 Referans Kwoze

Tɔŋ miingua 34:9

Yosue po Nun-ndo ndóò pɛ a yiyan kɔlkaloo taw, kani balan Moise ndóò handu ndu o lebol ni. Kandɔɔ paale len, mí Israɛlla bii ndu diom maa mɛɛ Mɛlɛka ndóò dimul Moise le tosaa yɛ kpafii.

Tɔŋ miingua 31:23

O kon kɔɔli, mí Mɛlɛka soaa o Yosue po Nun-ndo lo, mó dimul ndu aa: «Lueinun yoomuan ma sim yili. Kani nɔm co lakɔ Israɛlla luei o lɛŋnde ya yiilu nda kpemaa mí mɛnan-nden nin ni. Ya pila vanin nɔm ikɛi.»

Tɔŋ miingua 31:3

Mɛlɛka Hala niaa pila simnin niaa laci le kɔlan. O tɛɛmbuunin vanaa-mangalaa-isɔaa co icali lon-nda niaa laci, haliko mi la hɛlu lɛŋnde ndalen. Yosue vanin simlacinɔ niaa ni, lende Mɛlɛka dimi ni.

Tɔŋ miingua 1:38

Kɛ nduyɛ, Yosue po Nun-ndo, vana nɔm malaa, ndu co luɛyɔɔ lenin. Lelan luei ndu yoomuan. Kani ndu lueinin Israɛlla o lɛŋnde len nin ma hɛlu len ni.›

Fulaa 24:13

Mí Moise can nda Yosue vana ndɔ malaa, má hel o pembii Hala-e coo.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Dɛnnda kiilaa 7:45

Ndáà sɔlaa cɛi-kola-toandaa-labɔɔŋian kon, má kɔa a ndu o lɛŋii Hala tuw nda vanaa-mangalaa-isɔɔa laci-e nin, telen Yosue va nda simndan laci-o. Mí cɛi kon lo lon háá o telen David-o.

Tɔŋ miingua 34:5

O kon mí Moise vana baala Mɛlɛka-o vu lon o lɛŋnde Moab len nin, mɛɛ Mɛlɛka pila ndóò dimi yɛ.

2Masaa 3:11

Kɛ mí Yosafat ɲuna aa: «Vɛ̀ɛ̀ hali vana-tɛɛngaa-diom Hala-o pilɛ bɛɛ co nanu, o naa n kei kɔɔli le Mɛlɛka isɔɔ ɲuna le?» Mí simlacia va baalaa o masaa Israɛl-lo bɛ́ɛ̀-a o pilɛ muli aa: «Elise po Safat-o co nanu, ó va Elii mɛnndan cuuŋuuo o ba-o.»

1Masaa 19:16

O ndu kɔɔli, à pɔla Yehu po Nimsi-o, mì ndu siŋnun masaa Israɛlla coo, mà pɔla vɛlɛ Elise po Safat-o, po imama Abɛl-Mehola-o, mì ndu siŋnun vana-tɛɛngaa-diom Hala-o o fonda nɔmndo.

Yosue 12:6

Mí Moise, vana baala Mɛlɛka-o nda Israɛlla a nɔla masaa ŋiɔŋaa kalaa, mí Moise, vana baala Mɛlɛka-o yɔngu vanaa fula o polale Rubɛn-nden nin-nda, á fula o polale Kad len nin-nda a á fula o polale tálále Manase len nin-nda lɛŋii ndɛi ken.

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

Kundalan 13:16

Diola vanaa Moise vem suansuaannden le lɛŋnden mɛɛndianndo-a la co lan ni. Mí Moise ke Hosea, po Nun-ndo diolan aa Yosue.

Kundalan 13:8

le polale Efraim-nden, mó viam Hosea, po Nun-ndo,

Kundalan 12:7

Kɛ o co ɲɛ pilɛ le o co a vana ni baalaa Moise le. Ndu ndu, vana lo o lediom coo-o o co o ya lo cɛinin kpow ni.

Kundalan 11:28

O kon, mí Yosue, po Nun-ndo, ó va vana malaa Moise-o kabi o felengiyɛi nin-ndo dimi aa: «Vana ni bɛndoo Moise, kɔ kuuna nda.»

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Luke 16:10

Vana sandu pɛ o dɛnnda pɔmbɔlan nin, mɛɛ o sandunin vɛlɛ o la bɛndulan nin. Vana sendu o dɛnnda pɔmbɔlan nin te, mɛɛ o sendunin vɛlɛ o la bɛndulan nin te.

Tɔŋ miingua 34:12

Israɛlla kpow o hɔl Moise va dɛnnda kpúlúnkùmala lan tosaa ni.

Yosue 1:2

«Moise vana ni baala vi, cɔn niko ma taŋ Yurdɛn n co hoo cɔu-vo niaa vannda ha kpow, mì la kɔɛ o lɛŋnde ya yɔngu Israɛlla len nin.

Yosue 1:15

háá mì Mɛlɛka ke nda pɛngio mɛɛ o ke niaa pɛngio yɛ. Mì nda bɛɛ luɛi, mà kɔ cal o lɛŋnde Mɛlɛka Hala niaa yɔngu nda len nin. O kon, la muungu niko, la cal o lɛŋnde Moise vana baala Mɛlɛka-o ke niaa o peo Yurdɛn leeloo, a ba paalen le can-ndo len nin.»

Nehemi 8:17

Mí vanaa fula kan o cɛlen nin-nda kpow a tangul kùùlan, má cal lenin. Mí kon yɔŋnun dɛnɛ ɲaale bɛndoo, bau kabi o paale Yosue po Nun-ndo len Israɛlla ndáà mɛɛlu kafo kon tosa ni.