Yonas 4:8 - BII BILA

⁸ Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»

Yonas 4:8 Referans Kwoze

Yonas 4:3

Lelan, Mɛlɛka cua yoomu nuu, kani piɔ́mndo hiow nihau ya hɛnan a yoomoo.»

Esekiɛl 19:12

Kɛ mí vannda sungu ndu a kɔltuwvo, má ɲindu ndu lɛŋ vuluvulu. Mí hoeyii fula a ba paalen le can-ndo-e i veesiaa kɔmnde ndɔlen, mí lɛvun ndɔn kálà-kálàn bɛɛsiaa, mí n vesan kékélé, mí yinnden le loam mun kpúlúká.

Condii lisai 121:6

Paale loonin nɔm ipala le, paangei palanin nɔm icɔl te.

Dɛnnda cɔɔmuanndan 7:16

Yima nɛi lɛnin nda le, kolɔɔ bii lɛnin nda le, paale loo lɛnin nda le, kùlúkúlù ve lɛnin nda le.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Esai 49:10

Yima venin nda coo le, bolola vesanin nda le, yelenyelenndo a paalen le saangiaanin nda le, kani vana nɔ ɲíí ndɛi-yo simnin nda laci, o kɔanin a nda o peela leboltan.

Yonas 1:4

Kɛ mí Mɛlɛka tuisi hoeyii fùkù-fùkùei o mɛmma ihɛllan coo, mí felenfelenndo can, mí dɛ̀ndɔ̀ɔ́ va le yomiyomio.

Condii kɛndɛ-kɛndɛi 1:6

La tófà yáw ni tiŋio le, paalen le piimiaa ya ni. Mɛɛ yemaa nia tuulu kɔl a ya, má siinguu ya vana mandaa lanakɔ n'rɛsɛnndo, nakɔ n'rɛsɛn ni ya pilaa niko, i manda lɛ kon te.

Condii lisai 39:9

Baŋa ya a dɛnnda nila vɔɔnnda kpow. Cɛl mì diɔmnda mam ya le.

SƐBƐ YƆB-O 2:10

Kɛ mí Yɔb mulul ndu aa: «A soaa ko maa diɔm! O co ka dɛnɛ kɛndɔɔ kínɛí le naa n sɔ̀là Hala o ba le. Te n cɛl pɛ dɛnɛ kɛndɔɔ maa ɲɛ-kéa fula Hala o ba-o, vɛ n cɛl niko vɛlɛ dɛnɛ palaa lende le?» O kon nin kpow, Yɔb dimi diomnde tana le.

1Samiɛl 3:18

Le hee, mí Samiɛl dimul ndu sɔɔn mun kpow, o vin ndu ikɛ́-kɛ̀ le. Mí Helii dimi aa: «Ndu co Mɛlɛka ni, màá o tosa hɛnan ndɔɔ!»

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

Matie 20:12

Má dimi aa: ‹Lɛɛlɔɔ ndu pilɛ kpé vanaa mɛɛlu haa hunɔɔ-a tosa vallo ni, a muungu naa ɲɛ pilɔɔ keo naa ndaa? Naa yɛ, nanu naa n niinu ni, hangullo niinu naa palaa kpɛŋ.›

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

Osee 13:15

Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»

Yonas 4:9

Mí Hala ɲuna ndu aa: «Vɛ̀ɛ̀ a nɔ pá dí ma tuulu kɔl le yɔmndo ho?» Mí Yonas muli aa: «I nɔ dí mì tuulu kɔl háá mì kelun nande.

O Kandɔɔ 41:6

O kon kɔɔli, mí yasala celen la cuulu o lataselan kɔɔli tan ŋɔmmɛw, lan la va lafoofiɛilan. Mí hoeyii tuvii fula a ba paalen le can-ndo-e veesiaa lan kékélé.

1Masaa 21:4

O kon mí Akab muungu o ndu lo cɛinin a mɔnɛi a á kɔl tambɛiyo le dimul Nabɔt Yisrɛeliinɔ dimul ndu aa «I kenin nɔm kɛ́ fuɲaa nia mamaa le»-o. Mó kɔ hini o kpele, mó mingi hɔlla kɔɔli, mó kɛɛ ɲɛdiaa.

SƐBƐ YƆB-O 7:15

Te nɔm óò siow ya pɛ tɛ̀i, ken ndíì hiaw ya hɛnan. Piɔ́mndo ya hiow nin yeema a lou cuvɔɔ ho isisi háá mì paalan la fulan ya ceen.

Vana Kɔlkaloo 7:9

Keleŋa kɔllo tuulu le, kani vana diɔm sondo vesɛiyo nɛi kɔl itambu le.