Yonas 3:9 - BII BILA

⁹ Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»

Yonas 3:9 Referans Kwoze

2Samiɛl 12:22

Mó mulul nda aa: «Tuma poombɔɔ va vɔ yoomu-o, i va sumndo biyɔɔ a caŋndo, kani i va yiyanndo maa bɔɔle mì Mɛlɛka tuinun ya iɲíí, mò mingul-la ponndo yoomu.

Yonas 1:6

Mí vana va bolle vanaa tɛɛngaa-o sɔɔnguu ndu ikɛi, mó dimul ndu aa: «Nɔm sei, yee a connun o lɔan? Cɔn ma piɛi Hala nɔmndo, bɔɔle mò tuinun naa iɲíí, o kon n vinin te.»

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

Condii lisai 85:3

A faŋa tɛɛmbuula vanaa nɔmnda, má mal nda haki a hakila ndalan kpow.

Condii lisai 90:13

Éé Mɛlɛka! Háá telen kuɛɛ n lo yɛnin kɔl tambɛiyo ho? Tuinun naa vanaa nɔmaa baalaa iɲíí.

Yeremi 26:13

La bɛɛndiaa niko kela niaa a dɛnnda niaalan, mì la yaŋ Mɛlɛka Hala niaa nilan. O kon o tuisi lɛnin dɛnɛ palaa o tuu le niaa tuisio coo-o le.

Daniɛl 4:27

mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»

1Samiɛl 6:5

Lelan, la tuuliaa hindɔɔla ipawla niaala lan mì la tuuliaa vɛlɛ bɛlaa co kan lɛŋnde niaalen tɛɛmbuuo-a, o kon mì la biilu Hala Israɛlla. Bɔɔle mò faŋa niaa pila, piɔmaa niaa a lɛŋnde niaalen kpede sangaa coo!

Yonas 1:15

O kon kɔɔli, má cua Yonas, má viaw ndu o mɛnndan nin. Fɔ́ɔ́fɔ̀, mí mɛnndan ma pɛngi hiilɔnndo.

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

Sofoni 2:3

Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»