Yonas 3:8 - BII BILA

⁸ Naa kpede n bɛnda mì n vownun volɔɔla dɛnɛ palaalan. Mì vana-vana piɛi Hala a kpaaya ndɔɔ kpow, mì vana-vana mangala kela ndɔ vɔɔndo a kɔlvesɛi o co tosaa-o.

Yonas 3:8 Referans Kwoze

Yonas 1:6

Mí vana va bolle vanaa tɛɛngaa-o sɔɔnguu ndu ikɛi, mó dimul ndu aa: «Nɔm sei, yee a connun o lɔan? Cɔn ma piɛi Hala nɔmndo, bɔɔle mò tuinun naa iɲíí, o kon n vinin te.»

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Yonas 1:14

O kon, má koŋul o Mɛlɛka lo, má dimi aa: «Éé Mɛlɛka! N co nɔm tɛɛlun, dii naa kpede le langbanɔɔ ho ndu pilɛ le. Handu vɛlɛ naa piɔ́m vana tɛɛmbuu isɔɔ a naa loo coo le, kani nɔm Mɛlɛka pila tosa ɲɛ hɛnan nɔm-ndo ni.»

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Matie 3:8

Mɛɛ la cɔm niko o dɛnnda niaalan nin maa la mangalan lekɛ́ndɛi dɛ!

Daniɛl 4:27

mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

SƐBƐ YƆB-O 16:17

Nduyɛ, i nɔ laba o dɛnɛ vɔɔn nin te, piɛile nilen le co lediandaa.

SƐBƐ YƆB-O 36:10

Ò yondal nda le nda kɔllo kindio, mò dimul nda le dɛnɛ vɔɔndo malɔɔ.

Yeremi 25:5

Mó dimul niaa aa: «Vana-vana o niaa tɛɛn mal kela ndɔ vɔɔndo, dɛnɛ vɔɔn o co tosaa-o! O kon la tiwnin ba mi la cal o lɛŋnde ya ke kabi sindɛ fuɲaa niaa mamaa a niaa pila len nin.

Yeremi 26:3

Bɔɔle mà tuei nɔm diom, mì vana-vana mal kela ndɔ vɔɔndo. O kon, ya bɛɛ i malnin dɛnnda palaala yáà tuu le nda tuisio coo le kela nda vɔɔndo lan.

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Yɔɛl 1:14

Lelan, la yonda le sumndo biyɔɔ, la veelu vannda le bɔŋan lekaando tosaa. La cuungiaa kaasoŋaa kɔlkalua a vanaa co icali o lɛŋnden nden nin-nda kpow o Cɛi-Mɛlɛka Hala niaa nin, mì la koŋul Mɛlɛka o lani.»