Yonas 3:6 - BII BILA

⁶ Tuma masaa Ninive sina dɛnɛ kon-ndo, mó can o kpɛŋɛ ndɔ lemasaa coo, mó hulu doma ndɔ lemasaa, mí ndu pila bɛɛ vownun volɔɔla dɛnɛ palaalan, mó cal o pultan nin.

Yonas 3:6 Referans Kwoze

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

SƐBƐ YƆB-O 2:8

Mí Yɔb cua tɛndula kpɛɛnɛi puululan le ɲɛɛsɔnndo a lan, mó cal o pultan nin.

Luke 10:13

Dɛnɛ palaa co le nɔm, nɔm kobio Korasin! Dɛnɛ palaa co le nɔm, nɔm kobio Bɛtsaida! Kani dɛnnda kɔndɔfilta tosan o niaa lo lan láà tosan pɛ Tir a Sidɔn, mì vanaa kan ndáà cii nin volɔɔla biisilan vownɔn, mì ndáà cii nin lɔngɔlian o loolio nin.

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Yeremi 13:18

Dimul masaa nda kalaa masaa aa: «La cal lɛŋ! Kani mɔsil lemasa kɛndɛ va nia o lebol-lo del lɛŋ.

Misee 1:10

La yóndà sɔɛi ken Kat le, la kóŋùl Ako le dɛ! Niaa vannda Bɛt-Leafra, la yuulian o cundoo nin.

Cɛɛŋɔnnda Yeremi lan 3:29

O bɛnda mò tuisin háá mò mal sondo o cundoo nin. Bɔɔle mò sɔla kɔlkɛsiaa le ken.

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

Esai 15:3

A vownun volɔɔla yuululan ma cal o nɛilan lekɔɔ, nda kpow a co caŋndo, sominndo a mɛmian tuisio o kolokololan a o fallon kpow coo.

Yeremi 36:24

Mí masaa nda vana ndɔa baalaa kpow a tuɛi sɔɔn mun, kɛ siòòŋii bii vana-vana le, vana-vana mɔnɛi bii mó sɛɛsian doma lekɔɔ le.

Cɛɛŋɔnnda Yeremi lan 2:10

Kaasoŋaa kɔlkalua co Siɔn-nda co icali lɛŋ, a mei kpili. A cii loolio vownɔn o lebol, má vownun volɔɔla biisilan. Cuaa laandua Yerusalɛm a tundu bolle lɛŋ.

Esekiɛl 26:16

Simlacia co o mɛmma ihɛllan tɛɛn-nda toalnin o kpɛŋɛla ndala lemasalan coo, a solinin domala ndala lecoolan, mà yungan mà hulu volɔɔla ndala sɔɔlaalan. A yɔŋnunnin yulan-yulan a siòònde, mà cal lɛŋ vɔyɔn. A vanin vooloo a siòònde telen oo telen mì mɔnɛi va nda biyɔɔ le nɔm.

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

Yeremi 36:13

Mí Mika downun nda kona a sɔɔn o tuei, lɔ́ɔ́ Baruk va sɛbɔɔ dimio vannda kpow o hɔl-lon.