Yonas 3:5 - BII BILA

⁵ Mí vannda Ninive laalan diom Hala-o. Má hivi yondaa, mí vana-vana bii sumndo, vanaa bolofaa, vanaa bala fondoa, mí nda kpow a vownun volɔɔla dɛnɛ palaalan.

Yonas 3:5 Referans Kwoze

Luke 11:32

Ninivea muungunin yoomu o paale kɔɔsɔlen, mà kɔɔsal vanndacieea vaalio ho, mà yaala nda. Kani mɛɛ nda tuei pɛɛkula Yonas lan, má mal yɔŋ vɔɔn ndaa, má mangalan. Nduyɛ, o hiow Yonas-o co nanu.»

Matie 12:41

Paale kialaa iyamalen, Ninivea cannin mà yaala vanndacieea paalen nden hau. Kani caaŋaa kan, telen Yonas dimul nda sɔɛi Hala-e-o, má mal yɔŋ vɔɔn ndaa, má mangalan. Nduyɛ, vana hiow Yonas-o co nanu.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Yɔɛl 1:14

Lelan, la yonda le sumndo biyɔɔ, la veelu vannda le bɔŋan lekaando tosaa. La cuungiaa kaasoŋaa kɔlkalua a vanaa co icali o lɛŋnden nden nin-nda kpow o Cɛi-Mɛlɛka Hala niaa nin, mì la koŋul Mɛlɛka o lani.»

2Dɛnnda lemasalan 20:3

Mí siòònde bii Yosafat, mó kialun o kɔl le Mɛlɛka piɛiyo, mó yɔngu yondaa o Yudaa kpow lo le sumndo biyɔɔ.

Hebreea 11:1

Laalanndo co sinaa ni maa ɲɛm vana kɛsi kɔllo coo-on toɲaa lekɛ́ndɛi n co ni, nduyɛ maa vana co mun sɔla. Seile ɲɛm vana co cɔ a lehɔl te-on o co ni.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Dɛnnda kiilaa 27:25

Lelan la luei yoomuan, kani i laalan Hala, mɛɛ o dimul-la-e ɲɔɔ yɔŋnunnin ni.

Dɛnnda kiilaa 8:10

Nduyɛ vannda kpow, kandɔɔ cuaambɔa pɔm-pɔmbɔa, kɔ bii a kaasonnda a va ndu bɛɛle bɛndu-bɛndu len keo. Má va dimio aa: «Kpaaya Hala-o langbanɔɔ ho co ni, o nda veelu aa: ‹Kpaayaa-Bɛndoo›-o pɛɛn.»

Yeremi 42:8

Mí ndu Yeremi veelu Yohanan po Karea-o, simlacia vanaa cɔvaa va ndu ikɛi-ya kpow, a vanaa va lon-nda kpow, vana-vana lo kɔɔli le.

Yeremi 42:1

O kon, mí simlacia vanaa cɔwva kpow a sɔɔnguu, handɔɔ Yohanan po Karea-o a Yesania po Hosaya-o a vannda kpow coo, kandɔɔ a cuaambɔa kɔ bii a kaasonnda,

Yeremi 36:9

O vɔsi ŋuɛɛnundɔ Yehoyakim po Yosia-o va o masalen coo Yuda-o, o paangii ŋɔmahiɔɔlundɔɛi, má yonda le sumndo biyɔɔ Mɛlɛka o hɔl, le vannda Yerusalɛm kpow a le vanaa fula o kobila Yuda lan nin má hun Yerusalɛm-nda kpow.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

Ɛstɛr 4:1

Mardosee ndóò sinaa dɔ́ɔ́ dɛnnda va lan yɔŋnɔnndo lan kpow, mó sɛɛsian volɔɔlan lekɔɔ, mó vownun yalala yuululan, mó vownun pultan o lebol. Mó fula kobio balɔɔ, mó va yondaa kpélén a mɔnɛi.

Yonas 3:7

O kon kɔɔli, mó handu tɔŋndo le Ninive aa: «Masaa nda vanaa bɛndua co ndu o ba bɛngu-a, nda kpow a cii cɛlan maa vanndacieea a cɔlua, vana-vana dia ɲɛ-ɲɛ le, vana-vana kol vɛlɛ le.

Fulaa 33:6

Ndáà faŋanndo dɔ́ɔ́ o pembei Horɛb ikɛi, má sooluu volɔɔla ndala kɛɛsuanndan.

2Masaa 19:1

Masaa Esekia tueyɔɔ dɔ́ɔ́ kona kon, mó sɛɛsian volɔɔlan lekɔɔ, mó vownun volɔɔla biisilan, mó kɔa o Cɛi-Mɛlɛka-o nin.