Yonas 3:4 - BII BILA

⁴ Mí Yonas tiiya ciee. Mó niinu balɔɔ lenin a yondaa aa: «Nanu a palɛi belehiɔɔlu, Ninive co hunɔɔ itambu few-few!»

Yonas 3:4 Referans Kwoze

Tɔŋ miingua 18:22

Te sɔɛi vana-tɛɛngaa-diom Hala-o dimi o diola Mɛlɛka lan-nde i tosan te, te tɔmbɛ fula o sɔɛi ken nin te, mɛɛ yoongu kon fula Mɛlɛka o sondo le, mɛɛ a kuundianndo koni vana-tɛɛngaa-diom Hala kon dimi sɔɛi ken ni. Lelan, siòòŋii bii niaa a sɔɛi ken te.»

Yonas 3:10

Telen Hala ce maa Ninivea co mangalanndo, má va dɛnnda ndala vɔɔnndan malɔɔ-o, mó tuinun nda iɲíí le dɛnɛ palaa ndóò kɔngɔlan le nda tuisio coo-o.

2Masaa 20:6

I cɔɔlunin vɔsilan tɔ́ a laŋuɛɛnu o yoomu nɔmndo coo. I baŋanin vɛlɛ nɔm masaa Asiri o ba a kobio ho latulu, i kandanin kobio ho le ya pila a le David vana ni baala.›»

2Masaa 20:1

O telen kon, mí Esekia del a nàà piɔ́mndo. Mí vana-tɛɛngaa-diom Hala-o Esai, po Amɔt-o hun o ndu lo, mó dimul aa: «Mɛlɛka dimi aa nɔm congun yungu nɔmndo, kani a singunin a naa ho le, vuo n co ni.»

Matie 12:41

Paale kialaa iyamalen, Ninivea cannin mà yaala vanndacieea paalen nden hau. Kani caaŋaa kan, telen Yonas dimul nda sɔɛi Hala-e-o, má mal yɔŋ vɔɔn ndaa, má mangalan. Nduyɛ, vana hiow Yonas-o co nanu.

Luke 11:30

Mɛɛ Yonas yɔŋnun tɔɔmaseloo le Ninive yɛ, lende koni Po vanacieo yɔŋnunnin tɔɔmaseloo le vanndacieea paale hau len nden ni.

Luke 11:32

Ninivea muungunin yoomu o paale kɔɔsɔlen, mà kɔɔsal vanndacieea vaalio ho, mà yaala nda. Kani mɛɛ nda tuei pɛɛkula Yonas lan, má mal yɔŋ vɔɔn ndaa, má mangalan. Nduyɛ, o hiow Yonas-o co nanu.»

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Yeremi 42:10

Te la cɛl pɛ le lou o lɛŋnden nden nin, i tɛɛmbuu lɛnin niaa le, i tɔalnin niaa, i sungu lɛnin niaa le, kani mɔnɛi bii ya le dɛnɛ palaa ya tuisi niaa coo-o.