Yonas 3:10 - BII BILA

¹⁰ Telen Hala ce maa Ninivea co mangalanndo, má va dɛnnda ndala vɔɔnndan malɔɔ-o, mó tuinun nda iɲíí le dɛnɛ palaa ndóò kɔngɔlan le nda tuisio coo-o.

Yonas 3:10 Referans Kwoze

Yeremi 18:8

Kɛ te lɛŋnde ya dimi len sɔɛi ndɔɛi len le mal pɛ dɛnɛ vɔɔn vem ya len kɔngɔlanndo-o, i mal sɔɛi yáà kɔngɔlan le len tosallo-e.

Luke 15:20

O kon mó can, mó muungu o fuɲa ndɔ lo. O lo nɛɛ levil, mí fuɲa ndɔ ca ndu, mí ɲííye bii ndu taw. Mó ɲaanun, mó kɔ kɔman po ndɔɔ, mó sɔsa ndu sondoo.

Amɔs 7:6

Le hee, mí ɲííye bii Maalii, Mɛlɛka pɛɛn, mó mangala yiyanndo, mó dimi aa: «Hee bɛɛ tosannin te.»

Luke 11:32

Ninivea muungunin yoomu o paale kɔɔsɔlen, mà kɔɔsal vanndacieea vaalio ho, mà yaala nda. Kani mɛɛ nda tuei pɛɛkula Yonas lan, má mal yɔŋ vɔɔn ndaa, má mangalan. Nduyɛ, o hiow Yonas-o co nanu.»

Fulaa 32:14

O kon, mí Mɛlɛka ɲulul kɔl a yungu ndɔɔ, mó mal yiyan va ndu le nda kpundɔɔ tuisio coo-o.

Amɔs 7:3

O kon mí ɲííye bii Mɛlɛka, mó mangala yiyanndo, mó dimi aa: «Ken tosannin te!»

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

1Dɛnnda lemasalan 21:15

Mí Mɛlɛka viam mɛlɛkanɔɔ Yerusalɛm le kobi kalaa tɛɛmbuuo. Kɛ o lo ndu tɛɛmbuuo, mí Mɛlɛka tofa, mí mɔnɛi bii ndu a dɛnɛ kon, mó dimul mɛlɛkanɔ tɛɛmbua kon aa: «O va nihau nuaa! Tuisi ba nɔmndo.» A telen kon, mɛlɛkanɔ Hala-o va isisi o kpele lɔaa n'mal Ɔrnan Yebusiinɔ-o ikɛi.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Yeremi 42:10

Te la cɛl pɛ le lou o lɛŋnden nden nin, i tɛɛmbuu lɛnin niaa le, i tɔalnin niaa, i sungu lɛnin niaa le, kani mɔnɛi bii ya le dɛnɛ palaa ya tuisi niaa coo-o.

Yonas 4:11

Nɔm yɛ, a yeema mì ya i tuinun Ninive kobi bɛndoo ho iɲíí le. Kobi bɛndu vannda hiow hoo le vaalan kɛmɛ a bidiin nin-ndo, vanaa sina bɛɛ haa pɛɛngulan dɛnɛ kɛndɔɔ a dɛnɛ vɔɔndo tɛɛn te-a. Cɔlua co vɛlɛ o kobio ho nin sɛ́lɔ́ɔ́ taw-taw.»

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

Yeremi 18:7

Lɔ́ɔ́ lepum, mì soo a lɛŋnden, te kon te a masalen lepum o kɔɔ, mì yiyan le sungɔɔ, le puusiaa a le tɛɛmbuuo.