Yonas 2:9 - BII BILA

⁹ Vanaa co piɔmaa fondoa sooloo-a, a nɔ dí le cindaa sɔla le.

Yonas 2:9 Referans Kwoze

Condii lisai 3:8

Cɔn Mɛlɛka! Ciindiaa ya, Hala nuu! Kani nɔm lɔaa yaamɔaa nia kpaŋndon ni, nɔm yimì vanaa kɔlvesɛiya ciŋndon ni.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Condii lisai 50:23

Vana-vana solul-la pɛ sálà malaa balikaa, mɛɛ ndu biilu ya. Vana-vana caa pɛ kelaa, i cɔmnin ndu maa ya co vana ciindiaa ndɔɔ ni.›»

Osee 14:2

«Israɛlla, la muungu Mɛlɛka Hala niaa o ibuŋ, kani le haki niaa niaa del ni.

Condii lisai 68:20

Biiloo co le Mɛlɛka lepalaa-lepala, o co naa kpekulan solio lepalaa-lepala-o. Hala kon co Vana ciindiaa naa ni.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Dɛnnda cɔɔmuanndan 7:10

A va yondaa coocoo kpélén aa: «Le Hala naa co icali o kpɛŋɛ lemasaa nin-ndo a le Saa téndóó cindaa co ni.»

Nsaŋ 4:22

Ɲɛ niaa sina loo niaa co biiloo ni, naa naa yɛ, ɲɛ naa n sina-o naa n co biiloo ni. Kani Hala Yuifia o ba cindaa fula ni.

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

SƐBƐ YƆB-O 22:27

A piɛinin ndu mò yaŋnun nɔm, o kon a timbi yoole n baa o ndu lo len.

O Kandɔɔ 35:3

N co faŋan nanu mì n kɔɛ Betɛl. N tiiya pɛ lon, i cɔw fonda-loamaa-lasálàá le Hala mulul-la piɛilen lɔ́ɔ́ ya va o dɛnɛ palaa nin-ndo-o, ó lo ya ikɛi o kela nuu nin-ndo pɛɛn.»

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Condii lisai 107:22

La solul ndu sálàla malaalahakilan, la cɔm dɛnnda ndɔlan kpow a deŋi kɔlkɛndɔɔ.

2Samiɛl 15:7

Vɔsilan tan hiɔɔlu o kon kɔɔli, mí Absalɔm dimul masaa aa: «Cɛl-la mì kɔɛ Hebrɔn le kpema ya yii o Mɛlɛka lo-o peeloo.

Tɔŋ miingua 23:18

«Suunda leyulaa bɛnda mò va cuavaa laandua Israɛlla tɛɛn te, o bɛnda vɛlɛ mo va poaa Israɛlla tɛɛn te.

Condii lisai 27:1

Condii David-e. Mɛlɛka co ɲɛ-tengaa nuu a vana ciindiaa nuu ni, á nɛ̀ɛ́-nɛ̀ ya nɔ yɛnin siòònde? Mɛlɛka co yoomu nuu kandaa ni, á nɛ̀ɛ̀ ya buulan yɛnin?

Condii lisai 95:2

N kɔnnun ndu o hɔl mì n melnun ndu balika, mì n lɔɔnun ɲɛm-caan, mì n solin condon.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.